December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 647, image: s671SVFFVSIO, vide hypochyma et catarracta.
SVGILLATA, SUGILLATIO, vide enchymoma.
SVLPVR, est resina, sive terrae pinguedo vitriolica, aciditate gravida, igne liquescens et in acre aperto inflammabilis, totum deflagrans cum flamma caerulea, et vapore volatili, animalibus letali: in vase clauso totum et immutatum ab igne elevatur sulpur, aquae non miscibile, neutiquam malleabile, et in forma sicca friabile. Nativum seu vivum prostat in officinis et factitium. Nativum ex terra effoditur, purum, solidum, interdum impurum et mineris interspersum. Factitium vel ex vivo sulpure impuriori vi ignis educitur, vel ex aquis sulpureis excoquitur. Sulpur caballinum faeces sunt e coctione sulpuris vivi impurioris relictae et in urceos, admixtis nonnumquam squamis martis, transfusae. Adhaerescunt quoque interdum quaedam striae sulpureae camino, ubi vitriolum ex sua vena excoquitur, quae nihil aliud sunt, quam sulpuris flores ex vitriolo, dum excoquitur, elevati. Horum copiam exhibet Suecia sat magnam. Exhibet chymia et artificialia sulpura, ex antimonio, cinnabare etc. Elegatur colore optime flavescens, facile inflammabile, luculenter ardens, fumumque magis caeruleum halans. Gr. qei=on. G. Schwefel. Omnia etiam olea, resinae, adipes et pinguedines chymicis sub nomine sulpuris veniunt, sive ex vegetabilibus, sive ex animalibus; imo omne, quidquid est inflammabile, sulpur habet.
SVLPVR COELESTE, est alcohol vini.
SVMACH, est vox Arabica: idem quod rhus.
SVMMITATES, seu COMAE, aut CORYMBI, sunt cacuminula herbarum, et dicuntur de herbis foliorum minutiorum, ut absinthii, centaurii etc. G. Das oberste an Kräutern.
SVPERBVS MVSCVLVS, est is, qui oculum attollit, superius locatus et ex quatuor rectis unus: oritur iuxta foramen ubi nervus opticus oculi orbitam intrat, venter ei carnosus est et teres: finis tendo tenuissimus est, ad corncam porrectus. G. Der hoffärtige Muscul.
SVPERCILIVM dicitur quod super cilium sit. Gr. e)pisku/nion et o)fru\s2. Supercilia sunt duo arcus circa oculi orbitam superiorem, compositi ex pilis conicis, rigidissimis, radices habentibus versus nares, apices versus tempora: radices eorum inhaerent glandulis sub cute sitis bulbosis, ex ultimis
page 648, image: s672nervorum finibus producuntur; excipiunt quaecumque corpora a capite defluunt, ne in oculos delabantur. G. Die Augenbraue [correction of the transcriber; in the print Augenbrane], Augenwimper. Partes ad sinuum orbem instar labrorum eirca ossa prominentes, et sirus cavitatem augentes, supercilia quoque dieuntur et lahra.
SVPERFETATIO, seu EPICYEMA est cum post conceptum fetum, intercurrente aliquo tempore, ex congressu iterum novus concipitur, unde partus quoque non uno, sed diverso tempore horum duorum evenit, cuius exempla apud Sennertum aliosque prostant.
SVPERGEMINALIS, idem quod epididymis.
SVPERHVMERALIS, idem quod epomis.
SVPERIMPRAEGNATIO, idem quod superfetatio.
SVPERPVRGATIO, vide hypercatharsis.
SVPERSCAPVLARIS SVPERIOR, idem quod Supraspinatus.
SVPERCAPSVLARIS INFERIOR, idem quod infraspinatus.
SVPINATOR MVSCVLVS, est duplex, amboque movent radium. Primus est supinator longus, ab extremo humeri ossis tuberculo, ad radii apicem tendine membranaceo, funiculoso ac valido descendit ad inferiorem. Alter brevis et supinator, ab extremo brachii processu emergens, circa radii medium tendinens ut supra, desinit. Hi ambo radium extrorsum movent.
SVPPLANTALIA sive HYPOPEDIA, sunt medicamenta externa, quae in formam cataplasmatis pedibus alligantur: componuntur ut plurimum, ex fermento acido, sinapi, raphano silvestri, sale, sapone, pulvere pyrio etc. G. Fußumschlag.
SVPPOSITORIVM a supponendo, dicitur et glans et balanus, est medicamentum rotundum, longitudine digiti medii in adultis: in pueris digiti minimi aut paulo minus, ex melle, sale, et speciebus purgantibus, utplurimum confectum, quod ano inseritur. G. Stutzäpflein.
SVPPRESSIO MENSIVM, est, quando mulierum mensium expurgatio cessat, sive a morbo, sive ab impraegnatione, aut lactatione. G. Stillstand des Monatflusses.
SVPPRESSIO VRINAE, idem quod ischuria.