December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 649, image: s673

SVPPRESSIONIS IGNIS, est terminus chemicus, quando vas destillatorium in arena positum, non tantum excipit ignem inferne, sed maioris effectus ergo ponitur quoque ignis supra arenam.

SVPPVRANTIA, sunt ea quae alicuius loci vascula a suo liquido obstructa, rumpunt, liquidum effundunt, idque cum solidis miscent, liquidissimum dissipant, reliquum movent et coquunt in materiam albam, crassiusculam, pus dictam. G. Eiter machende Mittel.

SVPPVRATIO, vide abscessus.

SVPRASPINATVS MVSCVLVS, sive SUPERSCAPULARIS SUPERIOR aliis rotundus minor, supra carnosus et oblongus implet cavitatem inter costam scapulae superiorem, et eiusdem spinam, e qua nascitur. Inseritur vero tendine lato et valido cervici humeri ad articuli ligamentum, articulum primum supervectus. Brachium ad exteriora circumagere retrorsum videtur.

SVRA, est posterior, intra genu et pedem infimum, maxime carnosa et extuberans pars. Gr. gastroknhmi/a. G. Die Waden am Schenckel. Item os significat fibulae. Vide fibulae os.

SVRCVLVS, est quod ex ramis simplex ac individuum oritur, estque velut germen quoddam ex ipse trunco vel caudice productum.

SVRDITAS, idem quod cophosis.

SVSPIRIVM, est cum magno nixu profunda respiratio fit, rursumque cum sonitu efflatur susceptus aer. Hoc evenit tristibus et iis, qui saepe contristantur, in consuetudinem transeunt, ut etiam inscii, et sine tristitia suspirent in morbo quoque, melancholico, in cachexia, in debili valetudine, et maxime cum quis ab animi deliquio revertitur: feminae quoque magis suspiriis afficiuntur quam viri. Gr. stenagmo\s2 et stenaxh\. G. Seuffzer.

SVSVRRVS, idem quod tinnitus.

SVTORIVM ATRAMENTVM, idem quod vitriolum.

SVTVRA OSSIVM, est connexionis species, imitans compagem duarum serrarum, vel vestium ex plurimis pannis laceris compositionem. In cranio suturae sunt coronalis, sagittalis, lambdoides et mendosa. Commissurae etiam cranii vocantur. Gr. r(afai\, snmbolai\, grammai\. G. Eine Fuge, Nath.