December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 658, image: s682TATVRA, vide datura.
TAXIS, sive reductio, est vox familiaris iis, qui hernias restituunt.
TAXVS, est arbor, quae abietem refert, lignum est valde durum, rubicundum; felia abictis foliis similia, flos est amentaceus, plurimis nempe apicibus plerumque fungiformibus constans, sed sterilis; embryo autem deinde abit in baccam concavam seu campaniformem, succi plenam, et semine fetam: occurrunt quandoque et fructus glandiformes, cupula scilicet donati, semen complectentes. G. Eibenbaum, Taxbaum.
TECMARSIS, est morborum coniectura, cum ob intricatas causas, mira et anomala symptomata, medicus morbi genium ignorat, adeoque de dignotionc, prognosi et cura coniecturas suas probabilissimas format, a tekmai/rw conlicio.
TELEPHIVM [1] idem ulcus est cum Chironio, ita a Telepho dicitur, qui tali ulcere longo tempore afflictus fuit.
TELEPHIVM [2], penult. corr. [abbr.: paenultimam corripit]
fu/llate thlefi/oio, ne/on t' e)n bo/trusi klh=ma. Nicand. in Ther.
Telephium, sive CRASSULA, aut FABARI, est planta, quae habet caules crassos, politos, in parte inferiori rubicundos: folia portulacae foliis similia, sed maiora, carnosa, succulenta, plurima in margine leviter incisa: flores in summitate caulium crescunt in umbellas, sunt polypetali, rosacei, coloris flavi, pallidi: post florem sequitur fructus triangularis, semina fere rotunda includens: radix in plurima tubercula alba dividitur: haec planta crescit in locis arenosis, et vocata sic fuit, quod ulceribus malignis et deploratis, quibus Telephus ab Achille vulneratus consenuit, auxilietur. G. Fette Henne.
TEMPERAMENTVM, est qualitas ex unione et mistione elementorum resultans. Vide crasis.
TEMPERANTIA, sunt ea, quae acria praedominantia in corpore nostro immutando, diluendo, vel obtundendo temperant. Vide absorbentia.
TEMPERATA, sunt, quae nec nimis calida, nec nimis frigida sunt, nec sua acrimonia nocere possunt.
TEMPERIES, idem quod crasis.