December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 660, image: s684

TEREBINTHINA, penult. corr. [abbr.: paenultimam corripit] vide Amaricinus, sequ. Terebinthina in officinis duplex est Veneta et vulgaris. Veneta quae etiam dicitur Chia, et Cypria, est liquidiuscula, referens balsamum, sive oleum crassiusculum, colore ex albo flavescens, sapore acris, lenta, outique tenaciter adhaerens. Optima debet esse clara, pellucida, alba, vitrei eoloris in caeruleum vergentis, acris et odorata. Venit ex Chio, Lybia, Cypro, Ponto, Syria, Iudaea, Arabla etc. Ipsius arbor non admodum pro. cera est, multos emittit ramos, folia instar fraxini fere divisa sunt, et singuli nervi habent septem, novem vel plura folia, ut in fraxino, rosis, sambuco etc. videre est. Terebinthina vulgaris depromitur ex larice arbore, ideoque et laricea appellatur, et ex aliis plurimis arboribus resiniferis, ut abiete, pinu etc. obtinetur; vulnerantur nempe hae arbores terebra ad corusque, sic exstillat terebinthina. Haec quanto priori similior, tanto quoque praestantior. Pollet viribus cum priori, ast non est adeo pellucida Gr. tere/binqos2 et te/rminqos2. G. Terpentin.

TEREBRVM, vide modiolus.

TEREDO, CARIES, ossis, vocatur paedartbrocace, et ab Arabibus, spina ventosa. Idem quod caries ossis. G. Beinfresser.

TERENIABIN, vide manna.

TERES RADII MVSCVLVS, vide pronator rotundus.

TERGVM, vide dorsum.

TERMINTHVS, est tumor in cruribus, supra quem pustula nigra eminet, fructus terebinthini magnitudine. G. Die braune Blatter, Hundsblattern.

TERRA DAMNATA, idem quod terra mortua et caput mortuum.

TERRA IAPONICA, vide catechu.

TERRA MORTVA quae post destillationem, vel combustionem ignis aperti, dein diutinam elixiviationem residua, omnibus salibus, oleis, et facultatibus efficacibus destituta. G. Todte Erde.

TERTIANA FEBRIS INTERMITTENS, est febris, quae tertio quovis die (id est, uno tantum die vacuo inter duas exacerbationes) aegrum invadit, et detinet per 12. plerumque horas, tum plane remittit, et post diem liberum unicum rursus invadit: distinguitur a medicis in vernalem et autumnalem: quod hae diu durent et vix nisi arte curentur; illae

page 661, image: s685

brevi et sponte cessent; suntque vel exquisitae, quae modo per 12. horas aegrum detinent, vel nothae, quae per plures horas excurrunt. Gr. tritai=os2. G. Dreitägiges Fieber.

TESSELLAE, idem quod rotulae aut tabellae.

TESTES MVLIEBRES, dicuntur ovaria. Vide orchis.

TESTES VIRILES, sunt duo ovalia corpuscula scroto inclusa, in quibus semen generatur: exterius variis tunicis obducuntur. Gr. o)/rxeis2, di/dumoi, vide orchis. G. Männliche [correction of the transcriber; in the print Mänliche] Hoden.

TESTES CEREBRI, sunt prominentiae duae posteriores cerebri ob similitudinem testes dictae, prope glandulam pinealem, et adhaerentes duabus maioribus protuberantiis, quae nates vocantur.

TESTICVLVS, idem quod testes.

TESTICVLVS VENEREVS, est, quando testispost contagiosam venerem valde intumescit, indurescit, non sine doloris sensu. G. Venushoden.

TESTVDO CEREBRI, vide fornix.

TESTVDO, est tumor magnus, mollis, vel non valde durus in capite, latiore forma in modum testudinis, a cuius similitudine accepit nomen, in principio in castancae, postea vero in formam ovi excrescit, in quo mollis materia, tunica quadam obducta, continetur, (unde ab auctoribus ad melicerides refertur) quae calvariae ita inhaeret, ut ipsam plerumque vitiet, ipsique cariem inducat. G. Ein Schildkrötgeschwulst.

TETANVS, est convulsio sive tensio ex emprosthotone et opisthotono composita, contractis utrimque musculis extensoribus, proin antagonistis in cervice, spina et artubus. ita ut corpus rigidum efficiatur et inflexile: quo ipso patet tetanum esse rigorem vehementem, qui a communi rigore vehementia differt et duratione, tum etiam quod alter ille febrilis rigor plus affligat fibras in cute, seu panniculo carnoso. Tetanus vero musculos utrinque, ita tamen ut semper vel emprosthotonus, vel opisthotonus, nonnihil excedat. Aliquando quoque particularis est, qui membrum quoddam, vel articulum privatum respicit, a tei\nw extendo. G. Die Halßstarre.

TETRADRACHMON, sunt quatuor drachmae.