December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 668, image: s692

TIBIAE OS, Gr. knh/mh, est pars inter genu et talum: ossibus duobus constat; unum exterius, quod focile minus, alterum interius et maius, totius nomine donatur et tibia dicitur, knh/mh aliis focile maius, canna maior etc. superius processum habet a femoris cavitate exceptum, et sinus binos oblongos, pro femoris capitibus, quorum sinuum profunditatem auget annexa per ligamenta cartilago, mobilis, mollis, lubrica et humore unctuoso delibuta, in ambitu crassa, centrum versus attenuata, unde lunata dicitur, anterius aspera veniunt ligamenta, quae cartilagines lunares augent. Anterior pars acuta et longa, spina dicitur, inferius adest processus ex interno latere gibbus et prominens iuxta pedem, diciturque malleolus internus. anterior pars ocrea quibusdam dicitur. G. Das Scheinbein.

TIBIAEVS MVSCVLVS, idem quod tibialis musculus.

TIBIALIS MVSCVLVS, anticus dicitur et posticus. Primus flectit pedem antrorsum. Tibiae fibulaeque ex parte ossis superiori extremitati alligatus, tibiaeque involucro lateris exterioris affixus, sub annulari pedis ligamento provectus, tarsi ossis pollici sublecto ligamentacco ligamento, ut plurimum adhaeret, bifido namque nonnumquam tendine metatarsi, ut et innominato pedis ossi affigitur; inferior hic tendo, ubi sub extio fibrarum fasciculo, ossiculum abscondit minusculum, seamoideum appellatum. Alter, sive posticus, tibiae fibulaeque ossa inter locatus horumque involucris, ubi dehiscunt, penniformiter sive radiatim affixus, iuxta interioris malleoli posteriora, rendinem tarsi ossis, quod tesserae conterminum est, ligamentaceo integamento inseritur: atque hic inter oblique moventes et adductores et ab aliis inter extensores numeratur. G. Der Schienmuscul.

TIGILLVM, idem quod crucibulum.

TILIA, penult. corr. [abbr.: paenultimam corripit]

Nec tiliae molles, nec fagus, et innuba laurus. Ovid. Met. 10.
Nec tiliae laeves, aut torno rasile buxum Virg. Georg. 2.

In append. Smetii ex Sereno adducitur hic versus:

Fraxinea in slammis, quae fundit tilia sucum.

Sed in Sereno talea legitur, non tilia.

TINCTVRA, seu ELIXIR, est coloris, qualitatis et virium alicuius rei, mediante convenienti menstruo, extractio. G. Eine Tinctur.