December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 675, image: s699

TREMOR, Gr. tro/mos2, a tre/w tremo, est motus convulsivus minus vehemens, in quo contractiones et alternae sunt et crebriores, sed non ita violentae versus principium, quare motus convulsivus plus habet de convulsione, at tremor plus de motu ordinario. G. Das Zittern, Schaudern, Beben.

TREPANATIO, est operatio chirurgica, qua trepano sive modiolo hominis vinentis cranium perterebratur, cum vel fractum et intropressum fuerit cranium, vel spinae osseae abruptae pungunt cerebrum, vel extravasatus sanguis ex vasis ruptis, qui comprimit cerebrum, etc. ut haec cuncta ex foramine facto educi posint. G. Trepanirung.

TREPANVM, idem quod modiolus. Est corruptum vocabulum Graecum tru/panon, terebra.

TRIANGVLARE OSSICVLVM, est illud os, quod in cranio inter suturam lambdoidem et sagittalem situm est; quod ad epilepsiam quoque conducere ferunt. Vocatur etiam triquetrum, item Wormianum.

TRIANGVLARES MVSCVLI, est aliquando unicus, sed non semper, a summo cubiti ortus, et circa medium eiusdem carnoso, angustoque fine desinens. Verum Casserius putat se invenisse duos parvulos, circa articulum cubiti exiles, et opposito modo incedentes, atque instar trochleae pronum et supinum radium moventes. Sunt et alii triangulares musculi, dicti sternoidei, sub sterno oriuntur e medio sternoidei musculosi fasciculi, pro parte triangulari linea circumscripti, sic oblique costarum extremis partibus ut et cartilaginibus quatuor, quinque et sex superioribus alligantur, cum intercostalibus tam indissolubili nexu saepe cohaerent, ut alterutrorum fasciculi sine laceratione separabiles non exsistant: imo vero, nonnumquam radiata solummodo intercostalium musculorum fibrarum vestigia longe ab invicem remota inveniuntur, atque hoc in casu, pleura sub sterno solito crassior reperitur. G. Der Brustbeinsmuscul.

TRIBVLVS aquaticus, penult. corr. [abbr.: paenultimam corripit] quia Dioscoridi l. 4. c. 11. *tri/bolos2 e)/nudros2. Accedit illud Poetae:

Semina iacta legunt, lolium, tribulique fatigant. Ovid. 5. Met.

Tribulus terrestris est planta, quae habet caules semipedem circiter longos, repentes, rotundos, nodosos, villoso, rubicundos, in ramos divisos: folia pinnata lenticulae, ineana, pilosa: flores sunt rosacei, plurimis scilicet petalis in orbem positis constantes, lutei: ex horum calice surgit pistillum, quod deinde abit

page 676, image: s700

in fructum, quodammodo cruciformem vel turbinatum, ex pluribus partibus plerumque compositum, muricatis, in capitulum collectis, et seminibus fetis, ut plurimum oblongis, in loculis nidulantibus: radix fibrosa; haec planta crescit in pratis praesertim in regionibus calidis; dicitur para\ to\ tri\s2 ba/llein, quod fructu suo tria vulnera infligat, vel quod cuspidatum trifariam feriat. Malunt alii a seminis triquetra figura tribulo bellico instrumento simili. G. Wassernuß, Stachelnuß.

TRICA INCVBORVM, est plicae polonicae species. G. Marenflechte, Judenzopf.

TRICHIASIS, est ciliorum introreflexio, ita ut pili oculum pungant; quod fit vel phalangosi, vel cum alia pilorum succrescit series. Item urina pilosa, cui ab humoribus pituitosis, pili innatare videntur, a qri\c pilus.

TRICHISMVS, est fracturae osseae quaedam species tenuissima, et veluti pilaris, plerumque iuxta ossis longitudinem excurrens, rimae tenuis instar, ita ut sensum fere effugiat, hinc etiam mortis aliquando causa exsistit, quia se non facile prodit, admodum dolorifica, et magnis cum symptomatibus: a qri\c pilus. G. Ein Spaltbruch.

TRICHOMANES, planta est, quae plures parvos caules habet, rotundos, fragiles, nigricantes, quibus adhaerent folia minima obrotunda, leviter crenata, tenera, ordinatim disposita, in dorso habentia multa corpuscula minima, quae microscopii ope apparent esse fructus huius plantae, in quibus occurrunt capsulae sphaericae funiculo vi elastica donata instructae, qui contractione sua has capsulas, semina minutissima includentes, aperit: radix est filamentosa, et nigra: haec planta crescit in petris et muris, iuxta fontes et rivos; tota hieme viret, filicula, capillaris, polytrichum, dici volunt, quod fluentem capillum expleat, et subnasci faciat: mano\n enim rarum vocant, et tri/xa, capillum: hinc quoque Capillaris vocatur. G. Wiedertodt, Frauenhaar.

TRICHOPHYLLA, sunt plantae cuius folia capillorum similitudinem habent, ut foeniculum, corallina etc. ex qri\c capillus, et fu/llon folium.

TRICHOSIS, idem quod trichiasis.

TRICOCCOS, est mespili fructus, sic vocatus a tribus nucleis quos continet, a trei=s2, tres et ko/kkos2 nux, bacca, granum.