December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 677, image: s701

TRICONGIVS, est mensura octodecim sextariotum.

TRICVSPIDES VALVVLAE, sic vocantur tres membranulae, figura tricuspides, variis lacertulis praeditae, ante ostium venae cavae in corde locatae, sic sitae ut sanguinem ex vena cava quidem admittant in cor, non vero remittant; sed a sanguine ex corde contracto egredi conante explicantur, viam omnem intercipiunt, unde in arteriam pulmonalem solam impellitur.

TRIENS, est tertia pars librae medicinalis, continens uncias quatuor. Continet quatuor cyathos.

TRIFOLIVM, est planta, quae caules habet sesquipedem circiter altos, tenues, rotundos aliquando parum lanuginosos, quosdam rectes, alios repentes; folia terna, raro quaterna aut quina, nunc rotunda, nunc oblonga, acuta, villosa, interdum spiculatis lineis albis notata, nonnumquam obliquis candicantibus striis virgata: flores sunt exigui, albi, papilionacci, simul cum ovario vagina fimbriata obvoluti, in spicam congesti: ovarium fit capsula calice recondita, et feta semine ut plurimum reniformi, rubicundo, per maturitatem arcte adhaerente capsulae: radix parva, fibrosa, tortuosa, lignosa, alba: haec planta crescit in pratis. Gr. tri/fullon, planta vocatur a tribus, quae habet, foliis. Eius sunt in pratis variae species. G. Klee.

TRIOBOLON, est pondus drachmae dimidiae, sive trium obolorum.

TRIORCHIS, est satyrii species, quae non duabus, sed tribus testiculatis radicibus in terra nititur, ex trei=s2 tres, et o)/rxis2 testiculus.

TRIPHYLLON, est trifolium.

TRIPLOIDES, est instrumentum chirurgicum, sic ob triplicem basin dictum: in usu fuit si cranii depressio tam magna est, ut ceteri vectes, ob infirmitatem, non sufficiant.

TRIPOLIS, penult. corr. [abbr.: paenultimam corripit] quia Graecis est tri/polis2. Tripolis, vel terra Tripolitana, est substantia terrea, facile friabilis, coloris citrini intensi, saporis adstringentis, eruta ex fodinis. G. Tripel.

TRIPOLIVM, est asteris species; dictum quod eius flos ter [correction of the transcriber; in the print er] de die colorem mutare perhibetur: ita ut mane candidus,

page 678, image: s702

meridie purpureus, vesperi puniceus aspiciatur: idque forte, cum flores omnes non simul, sed particulatim et sensim floreant, et perficiantur, facile contingit, tres florum colores conspici incipientium, completorum et deficientium, ex tri\s2 ter, et pole/w muto, verso. Sed forte a Tripoli, urbe maritima, nomen accepit. G. Meersternkraut.

TRIPSIS, est contritio, sive contusio, a tri/bw tero.

TRISMVS, est dentium stridor: sive convulsio violenta et invita musculi temporalis et masseteris, qua dentes tam valide contra se invicem contrahuntur, ut ad minimum motum obliquum supra se invicom exterius vel interius per musculos pterygoideos factum, sonus acutissimus oriatur et ingratus auribus, qui stridor vocatur, a tri/zw strido. G. Das Knirschen der Zähne.

TRISSAGO, et TRIXAGO, vocatur scordium, forte ob similitudinem cum trixagine, sive chamaedry.

TRITAEOPHYES, est febris continua remittens, quae tertio quoque die exacerbatur, ex tritai=os2 triduanus, et fu/w cresco.

TRITAEVS, idem quod febris tertiana intermittens.

TRITICVM, est planta, quae plures habet caules vel culmos quatuor vel quinque pedes altos, atis crassos, rectos, per intervalla nodosos, excavatos, foliolis quibusdam longis, angustis instar graminis instructos: flores sunt hermaphroditi, apetali, constantes staminibus masculinis, simplicibus, ferentibus suos testiculos tenues, gracilesque; intra hos positum est ovarium, binis recurvis tubis instructum. utraque haec defenduntur binis foliis petaloidibus, saepe aristatis, per appendicem longam, acutam, gracilem, iam pilosam, alias glabram; cinguntur rursum duobus foliolis cavis carinatis calicis vicem praestantibus: sustentantur haec uno pedunculo, qui cum aliis accretis uni axi facit spicam densam: semina sunt magna, oblonga, gibba, una parte sulcata, extus coloris flavescentis, intus albi, farinosa, nutrimenti optii: radix tenuis, filamentosa: est frumentum, dictum, quod ex spicis fit tritum, vel, quod triturae destinatur. Gr. puro\s2 et puro\n. G. Weitzen.

TRITORIVM, idem quod infundibulum.

TRITVRATIO, est contusio, qua medicamenta in pulverem rediguntur, ut eo aptius cum aliis misceri, vel virtus eorum extrahi possit.

TROCHANTER, idem quod rotator.