December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 714, image: s738VNICORNV, saepe a medicis maximopere laudatur, verum an verum detur necdum demonstratum est. Sed si daretur, quis diceret, tantis viribus valere, ut medicorum turba clamitat: facile est credere non aliis virtutibus, quem cornu rhinocerotis, aut cornu cervi gaudere. Quod pro eo venditant, est dens alicuius piscis Groenlandici, Narbval dicti. Piscis iste in iuventute duos habet dentes, quod illi narrant, qui illas regiones frequentarunt, imo et stigma et locum sive foramen, in quo collocatus fuerat, videri dicunt: cumm adoleverit sinister excidit, et loculus evanescit, verum dens dexter, qui remanserat, ut esset pisci aequilibrium, non recta via enascitur, sed sinistram versus partem magis ac magis inclinat. Asini cuiusdam Africani cornu pro vero monocerote saepe divenditur. Cornua illa, sive potius dentes, aliquando sex pedes superare vidi: albi sunt instar eboris sed cochleae in modum striati. Gr. *mono/kerws2. G. Einhorn.
VNIO, seu MARGARITA aut PERLA, est gemmae maritimae quaedam species, in ostreis, musculis et forte aliis conchis nascens. Ob vires insignes valde laudatur. Sed si res intimius inspiciatur, nihil aliud faciunt quam acidum temperare, uti et mater perlarum, et omnia conchilia faciunt. Vide margartia.
VOLA, est postbrachialis pars interna manuum, palma dicta, Gr. dw=ron, koi=lon xeiro\s2, qe/nar. Item vola est concavitas pedis, Gr. kotu/lh, koi=lon podo\s2. G. Die Höhle an der Hand, oder Fuß.
VOLATICA, idem quod lichen.
VOLATILIA, sunt, quae facile avolant, uti sunt omnes spiritus et salia volatilia, mercurius etc.
VOLSELLA, seu VULSELLA, et ACANTHABOLUS, Gr. madisth/rion, trixolabi\s2: trixola/bion, est instrumentum, quo pilos prehensos radicitus e corpore exstirpant; seu forceps chirurgica, quae pro vario usu varia forma est. G. Rauffzänglein.
VOLVA, est species fungi, ovi vitellum referens: volva dicitur, ceu in ovo est luteum, Italis boloccioli et ovole dicuntur, quod ovorum virellum referant.
VOLVBILIS, dicitur planta, quae sub smilacis nomine venit, cuius sunt variae species: a circumvolvendo ergo nomen habet, quod iuxta crescentibus plantis, stipitibus etc. circumvolvendo adhaeret.