December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted


image: s000

[gap: illustration (Frontispiz)]

image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.



image: s002

[gap: praeliminaria]

page 722, image: s746

XIPHOIDES, est cartilago pectoris mucronata, inferius sterno adhaerens, ipso tenuior et flexilior, in acumen ex lato abiens, adeoque ensi similis, ex ci/fos2 ensis, et ei)=dos2 forma.

XYLAGIVM, est lignum sanctum.

XYLOALOE, est lignum aloes, vide agallochum. G. Aloesholtz.

XYLOBALSAMVM, est frutex vel sarmentum aut surculus balsami. Amputabatur enim ab incolis, et vaenibat propterea, quod eo decocto in ungueutis vice opobalsami multi uterentur; etiamsi ex toto balsamo minima illi inesset odoris gratia. Vide balsamum.

XYLOCASSIA, sive CASSIA LIGNEA, vide cinamomum.

XYLON, est gossipium. Barbaris et arabibus cotum et bombax seu bombasum. Linum eius cotonium vulgo vocatur, sicut lanugo ipsa cotonum, ab huius generis planta vestes xylinae, et lina xylina nominata sunt. Iurisconsulti lanam hanc ligneam, nuncupant, cu/lon enim lignum est. Vide gossipium.

XYLOSTEVM, est arbuscula, periclymeno satis similis, habens caules mediocriter crassos: lignum est album; rami rotundi, corticem initio rubicundum postea albescentem habentes: folia sunt oblonga, mollia, viridia, albescentia, aliquantulum lanuginosa; pedunculi finis format calicem constantem binis foliolis maioribus, quaturoque brevioribus; quorum duo hinc inde maioribus interponuntur: calici huic gemina ovaria innascuntur rotunda, in apice suo coronata caliculo quinque fido, emittuntque ex centro sui fastigii tubam longam, apice globoso donatam: flos apici ovarii, intra calicem innatus, monopetalus, oblongus, tubulosus, campaniformis, quinquefidus, expansus, quinque staminibus ex pariete interno tubulosae partis floris enatis praeditus: flori suecedunt baccae gemellae, molles, semineque fetae compresso et subrotundo; haec arbusscula crescit in montibus et silvis, quasi lignum osseum, est cerasus canina, ex cu/lon lignum, et o)ste/on os.

XYMPHYSIS, idem quod symphysis.

XYNTASIS, idem quod syntasis.