CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ABSINTHII [2] populi, (teste Herodoto [orig: Herodotô] l. 6.) iuxta Pontum habitant, ubi mons eiusdem nominis habetur. Vide Apsynthus.

ABSIS Graece *)ayi\s2 et Absida, fornix est, arcus, haemisphaerium et quod in curvamen arcuatum constituitur. Hinc arcus Imperatorum triumphales Graeci Apsidas vocant, Cael. Rhodig. Antiqq. lect. l. 28. c. 10. Apud Ecclesiasticae rei Scriptores, modo significat Episcoporum subsellia, vide Augustin. Ep. 23. modo Chorum vel Presbyterium, ut vocant, i. e. locum in Ecclesia cancellis inclusum, Clericorumque coetui destinatum: apud Leonem Marsican. l. 1. c. 19. Greg. Turonens. l. 10. c. 31. et 32. Canonem 3. Synodi Carthagin. aevo [orig: aevô] Augustini habitae: modo Fornicem, vel Loculum arcuatum ligneum, quo [orig: quô] super altare posito [orig: positô], simulacra conservabantur, ut patet ex Rupetto de Casibus S. Galli c. 9. et Ekkehardo Iun. c. 6. modo Atrium vel porticum Ecclesiae, Angl. a Curch-Porch, Vide Spelmannum Glossar. et hic [orig: hîc] in Ahsida.

ABSOLOM pater mathatiae et Ionathae, quorum frequens mentio, 1 Machab. l. 1. c. 11. v. 69. etc. 13. v. 11.

ABSOLVERE defunctos in Communione Romana est dicere Collectam mortuorum, Absolve Domine animas fidelium defunctorum. Odo Episcop. Parif. in Praeceptis Synodal. §. 7. Sacerdotes, audito [orig: auditô] Parochianorum suorum obitu, statim absolvant cos, cum Psalmis pro defunctis, et collectis: Hinc in Statutis Ordinis de Sempingham p. 781. Patres et matres, fratres et sorores, et consanguinei defuncti Fratrum nostri Ordinis, in annuo Capitulo, in conventu nominativo debent absolvi, etc. Et in Vita S. Gilberti Institutoris eiusd. Ordin. Recitatis Sanctorum passionibus et absolutis defunctis, apud Car. du Fresne Glossar. Quid autem Collecta sit, dicemus infra.

ABSOLUTE ordinari dicebantur olim in Ecclesia Romana qui non uni alicui certae civitati, vel pago ascribebantur, cuius Ecclesiae inservirent, sed simpliciter in Sacerdotum numerum alleegabantur: Quod vetitum Concilio [orig: Conciliô] Londinensi A. C. 1125. Nullus in Presbyterum, nullus in Diaconum, nisi ad certum titulum, ordinetur: Qui vero absolute fuerit ordinatus, sumpta [orig: sumptâ] careat dignitate. Ut et iam prius in Concil. Chalcedonens. can. 6. Hinc irritae postmodum factae istiusmodi ordinationes, et es)dikw=s2 seu specialiter omnes ordinari coepti, atque in ipsis Presbyterorum et Diaconorum, ut et Subdiaconorum ordinationibus, ab Episcopis, nominati statim tituli sunt, quibus ii ascriberentur, etc. Vide Car. du Fresne in voce Titulus.

ABSOLUTIO in eadem communione, dictur deprecatio brevis in fine Psalmorum cuiuscumque nocturni, ante lectionum recitationes; ita dicta, quia tunc terminabatur nocturnum, et eum essent tria nocturna in officio, tunc spallentes ter discedebant a Choto, ad quiescendum, sicque tribus absolutionibus dividebatur matutinum. Vel ita dicta est, quia in ea a Domino munditia cordis, ad recte lectiones percipiendas, poscitur, Absolutiones vero, in horis Canonicis positae dicuntur; scil. ad primam, duae sunt, una, quae Absolutio Capituli dicitur; altera quae Absolutio lectionatica seu brevis, quia finita [orig: finitâ] prima [orig: primâ] solebant congregari in Capitulo Monachi, ubi audiebant aliquam S. Scripturae brevem lectionem, postquam auditores a Capitulo discesserunt, obtenta [orig: obtentâ] Superioris benedictione: quod quidem hodie in Choro fit, et lectio brevis dicitur, estque veteris illus et longioris lectionis particula. Sed et Absolutio vocatur illa, quae profertur circa cadaver, vel tumulum, de qua vide Domin. Macrum Hierolex.

ABSOLUTIONIS Dies vulgo le Feudy Absolu, Feria dicitur in Ecclesia Romana quinta, ante Pascha, qua [orig: quâ] Paenitentes absolvi solebant. Iohannes Episcop. Abrincensis de Officia Eccl. p. 41. Ipso die hora [orig: horâ] sexta [orig: sextâ] Populus ad Ecclesiam conveniat: si Episcopus fuerit, convocatio paenitentium et absolutio, chrismatis et olei consecratio, iuxta Episcopalem ritum ordinetur; ubi vero defuerit, inprimis tam Clerus, quam Populus, prostrati in terra cum lacrimis et gemitu absolutionem criminum a maiori Sacerdote accipiant, etc. Car. du Fresne Glossar.

in ABSOLUTO in libris Coloniarum, Coeterum in absoluto remansit: terminus est Agrimensorum; pro Absolutum. Apud illos autem absolutum docitur, quod assignatum ac limitatum non est. Sic [orig: Sîc] in soluto, pro solutum, quod idem cum absolutum, Dicebantur autem relicta ac soluta, illa loca, quae propter sterilitatem relinquebantur, nec assignabantur, aut mensuris vel limitibus obligabantur. Aggemus, Haec autem sunt loca, quae in soluto dicuntur, quae aut in saxosis et sterilibus locis sunt, aut in paludibus, ubi nulla potuit exerceri cultura. Pingues enim agri tantum, aut illi in quibus cultura exerceri poterat, assignatione dividebantur ac metabantur. Virgilius Ecl. 1. v. 71.

Unde metatus ager, de assignato vel opimo et pingui, apud Horatium, l. 2. Serm. Sat. 2. v. 114.

--- --- --- Videas metato in agello?
Cum pecore et gnatis fortem mercede colonum.

ABSOLUTORIAE Literae apud Hug. Flaviniacensem in Chron. p. 254. dicuntur quae re confecta [orig: confectâ], Mistis ac Legatis dantur, cum domum remittuntur. In Concil. vero Burdigalensi, A.C.1262.c.1. quibus Pontifex excommunicatum, ab excommunicatione a se absolutum esse, denuntiabat: apud eundem Glossarii Auctorem.Car.du Fresne.

ABSORIS oppid. in insula Minervae, conditum a Colclus, qui cum Absyrto Medeae fratre missi fuerunt ab Aeeta illius patre, ad persequendam Medeam, quae cum Iasone profugerat. Ibi cum serpentium multitudini resistere non possent, Medea ab iis rogata, lectas eas in tumulum fratris ibi mortui coniecit, quae adhuc ibi permanent, si quae autem extra tumulum exit, debitum naturae persolvit. Hyginus in fabulis. num. 23.