CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

AEANIUM lucus et Aeanis fons est, apud Strabonem l. 3. Macedoniae in Locris.

AEANTIDES [1] unus ex Pleiade Poitraum, qui sub Ptolemaeo Philadelpho claruerunt. Voss. de Poet. Graec. p. 64.

AEANTIDES [2] Hippoclic fil. Lampsacenorum tyrannus, magnae apud Darium regem auctoritatis, Eurydicen, Hippiae Atheniensium tyranni filiam, uxorem duxit. Thucyd. l. 6.

AEANTIS Iulio Polluci in Attica tribus: Huius meminit quoque Plut. l. 1. Convivalium. Nomen habet ab Aiace Telamonio in cuius, licer peregrini, honorem, Alcmaeon Atheniensium Archon, qui antiqua nomina Tribuum novis mutaverat, tribunt istam sic appellavit.

Aphydna. Oenae seu Marathon. Persidae. Vide Rossaeum Archaeol. Attic. Rhamnus. Titacidae. Trichoritus etc.

AEANTIUM oppid. Troadis in Sigaeo, ab Aiace illic sepulto sic dictum. Plin. l. 5. c. 30. Item Magnesiae promontorium, eodem [orig: eôdem] auctore. l. 4. c. 9. Insula quoque apud eund. l. 4. c. 12. circa Thraciae Chersonesum, ut videtur. Urbs Pelasgiotarum in Macedonia est, ai)a/ntion Ptolemaeo. Vide Aena et Apssium. Imo in Rhoeteo littore, ubi Aiax sepultus, unde ei nomen; sicut in opposito littore Sigaeo, Achillis Fanum ac sepulchrum fuit. Solin. c. 40. In Rhoeteo (corrige Sigaeo ) littore Athenienses et Mitylenaei, ad tumulum Ducis Thessali, Achillion oppidum condiderunt, quod propemodum interiit; dein interpositis quadraginta ferme stadiis in altero cornu eiusdem littoris ob honorem Salaminii Aiacis alterum oppidum, cui Aeantio datum nomen est, Rhodii exstruxerunt. Strabo, ut Achillei oppidi non meminit, sic nec Aeantii, fortasse quia nulla tunc oppida hoc [orig: hôc] nomine: Sed *ai)a/ntion nomen esse littoris ait, in quo fuerit tumulus Aiacis etc. Qua de re Salmas. ad Solin. p. 870.

AEAS Epiri fluv. ex Macedonia defluens, in Ionium mare se exonerat. Lucan. l. 6.

Aous, teste Plinio [orig: Pliniô]. l. 3. c. 23. Vaiussa nunc, ut nonullis videtur. Solus autem Ovidius in fabula Ius [orig: Iûs], flumen hoc Peneum ingredi dicit, et convenire cum reliquis Thessaliae fluviis ad Tempe. Sed profecto non unum in illa Penei descriptione errorem committit. Nam quid Aeanti, quid Amphryso, quid Sperchio cum Peneo aut Thessalicis Tempis? Quia haec flumina ex Pindo oriri legerat, ideo quoque existimavit ez confluere, et in Peneum exonerari. Confundit praeterea Inachum Argiae Peloponnesiacae cum Inacho Epiri, qui iisdem atque Aeas oritur montibus. Illud praeterea quam ineptum,

--- -- --- -- Vocant Tempe, per quae Peneus ab imo
Effusus Pindo spumsis volvitur undis.

Nam si e pleno oritur, quomodo potest spumosas volvere undas? Verum hoc procul dubio est librariorum flagitium, vel saltem ita interpretandum, uti postea docebimus. Ut autem ad Aeantem redeam, Apolloniatum id erat flumen, teste Pomponio [orig: Pomponiô], l. 2. c. 3. vicinumque admodum erat moenibus ipsorum, non vero Epidamniorum. Ita enim scribenda Val. Maximiverba, l. 1. Capite de Ominibus, uti habent verteres nonulli libri: Atque illi flumen vicinum moenibus, nomine Aeantem, in adiutorium sese mittere dixissent. Apolloniatae siquidem ab Epidamniis opem postulabant. Responderunt illi, Habetis Aiacem, ab eo petite auxilium. Quis non videat lusisse eos in nomine fluvii, et tamen miror ineptias Interpretum ad hounc locum. Is. Voss. in loc. cit. Melae p. 150.

AEATUS Philippi fil. Boeotorum hostis acerrimus, sororem habens Polucleam, ambo ab Herculis stirpe genus ducentes: oraculum extabat, Qui primus ex hoc genere, transmisso [orig: transmissô] Acheloo [orig: Acheloô], terram attigerit, urbem cum imperio tenebit: cum exercitus flumen transiturus esset, Polyclea pedem obligavit, inquiens, plantam sibi vulneratam esse: rogatque fratrem Aeatum, ut se trans fluvium portet: ille nihil mali suspicatus, sed, tamquam sorori inservire volens, scutum armigeris tradidit: sublataque [orig: sublatâque] in humeros Polyclea [orig: Polycleâ], alacriter per fluvium vestigia ferebat: qui cum ad ripam appropinquasset [orig: appropinquâsset], ills praevertens exiliit; et conversa ad fratrem inquit, Mihi regnum debetur ex oraculi sententia, nam prima omnium terram ingressa sum: Aeatus, intellecto [orig: intellectô] dolo [orig: dolô], nequaquam egro [orig: egrô] animo [orig: animô] tulit: sed puellae sollertiam amplexus, eam in uxorem duxit: simulque imperii gubernacula tenentes filium Thessalum genuerunt, a quo civitatem etiam Thessaliam nuncuparunt [orig: nuncupârunt], Polyaenus l. 8. c. 44.

AEBURA urbs Hispaniae Tarraconensis. Steph. Hodie Talavera, Beuthero [orig: Beutherô] teste.

AEBUROBISINGESIA Lusitaniae urbs, Phlegon Trallianus: vocem corruptam putat, Ortel. Vide Ebora.

AEBUTIANUS Praefectus memoratur Lamprid. in Commodo, c. 6. Praefectus etiam Aebutianus inter hoc est interemptus: in cuius locum ipse Cleander cum aliis duobus quos ipse delegerat, praesectus est sactus. Sic enim legendum, cum alias Ebutianus habeatur, monet Salmas.

AECANI populi Tuscorum, quos devicit Camillus, eorumque urbem vastavit. Plut. Vide Aequi.