CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

AEGOPHAGOS Iuno dicta apud Lacedaemonios, quod ibi caprae illi immolarentur. Cael. Rhodig. l. 18. c. 5. Emendandus obiter Hesych. apud quem corrupre lgitur *ai)gofa/gos, xh/ra e)n *spa/rth, ubi rescribendum *(/hra. Huic Deae coronam imponchant, quae *pulewn dicebatur. Vide Athenaeum l. 15. et Meursium Miscellan. Lacon. l. 1. c. 5. Nic. Lloydius.

AEGOPATHALMOS Gemma, dicta est in qua glaucum cingitur albicante colore, ut in caprarum oculis. Sicut in gemma, quae Beli oculus vocabatur, color albicans nigram pupillam ambit: Lycophthalmos vero quatuor colorum est, ex rutilo sanguinea: in medio nigrum candido [orig: candidô] cingitur, ut luporum oculi; quibus per omnia similis. Plin. l. 37. c. 11. etc. Vide Salmas. ad Solin. p. 706.

AEGOS potamos, i. e. Caprae fluvius, Anglice Goatsbrook diceretur. Thraciae Chersonesi oppid. est Plinio, l. 2. c. 58. Straboni, Aemylio Probo, l. 6. c. 4. et Pomp. Melae l. 2. c. 2. Plutarchus in Alcibiade, ad Hellespontum situm esse scribit. Io. Tzetzes quoque eius meminit, tamquam urbis Thraciae. Ad huius fluvii ostia classis Atheniensium a Lysandro capta fuit. Plinius l. 2. c. 58. refert, ibi ostendi lapidem magnitudine vehiculi, colore adusto [orig: adustô], quem Anaxagoras Clazomenius e Sole casurum praedixerat.

AEGOSAGAE Galatae, ai)gota/gai, Asiae populi erant apud Attalum Regem, quibus Asiam debellavit, uttradit Polyb. l. 5. Hos idem Attalus postea ad hellespontum habitandum dedit. Eosdem alio in loco Rhisogagas vocat. Utrobique Tectosages legere mavult Ortelius.

AEGOSTHENA urbs Megaridis. Steph. populi Aegosthenenses. Vide Aegirusa.

AEGRI bis ac ter de die ab Adriano visitati, apud Spartian. in Vita eius c. 9. Aegros bis ac ter die, et nonnullos Equites Romanos ac libertinos visitavit, solatiis refovit, consiliis sublevavit, etc. Ubi solatia pro salariis ac alimentis non solum sequior et posterior aetas; sed etiam illa, quae optimae et antiquae propior, accepit. Exempla passim obvia et iam pridem ab eruditis viris hoc observatum, in Cod. Theodos. solatiis pro mercedula praestitis. Cassiodorus Variar. l. 5. Hoc sollicitudo nostra prospexit, ut acceptis mercedibus competentibus pedaturam murorum omnes in commune subeatis, qui vicinitate iungimini: quatenus accommodato [orig: accommodatô] solatio [orig: solatiô] securius impleatur, quod paucis inexplicabile fortasse cognoscitur. Sed hoc [orig: hôc] Cassiodori loco [orig: locô] solatium pro mercede male accipi, docet Salmas. Commoda autem et salaria militiae, solatia appellant Imperatores in Cod. Iustinianus etiam Puncta dixit. Refrigerium etiam pro solatio vel salario dixerunt, et resrigerare. Tertullian. resrigerare indigentibus; et a)nayuxh\ in Novellis Iustiniani pro salario. Vide Salmas. ad Spartian. loc. cit. qui etiam paulo post de eodem Imperatore aegros milites in hospitiis vidisse, addit: ubi videre pro visere esse, moner Casaubonus ad loc. cit. Ab Aegris Cubiculariorum, dictum fuisse, qui aegros cubiculariorum curabat, vidimus supra, in voce Ab: Adde quae infra dicemus, vocibus Infirmarium, Invalidi, Nosocomium, Oleum, Parabolani, Pileolum, ubi de Ponderandi ritu, Postis, Probatica, Retrochorus, Valetudinarium etc.

AEGUA ai)/goua, Hispaniae Baeticae urbs, non procul a Corduba, Straboni. Vide Hegua.

AEGULA ai)/gula, Dionysio Afro est insul. maris Cretici, Amniso septentrionalior.

AEGUS et ROSCILLUS, Allobroges duo fratres, Abducilli filii, qui, Principatum in civitate, multis annis obtinuerunt, singulari virtute homines, quorum opera [orig: operâ] Caesar, omnibus Gallicis bellis optima [orig: optimâ] fortissimaque [orig: fortissimâque] usus erat, a Caesare ad Pompeium defecerunt. Caes. de bello Civil. l. 3. c. 59.

AEGUSSA Steph. insul. Libyae, quam incolae Catriam vocant. Graece *ai)/gousai. Vide Bochart. de Phoen. col. l. 1. c. 27. Aliis Aethusa. Vide Aethusa.

AEGY urbs Spartae finitima, cuius incolas (Aegytas cum *fronei=n ta\ *)arka/dwn, ad Arcades propensos fuisse, Lacedaemonii suspicarentur, Archelao [orig: Archelaô] Rege cui ex altera familia Charillus adfuit, eam exciderunt, Pausan. Laconicis. Erat eo [orig: eô] tempore Arcadum Rex Polumestor, quem vide.

AEGYPANES Africae populi semiferi, in intimis regionibus: Pomponio l. 1. c. 4. et Plinio l. 5. c. 8. Vide et Aegipan.

AEGYPIUS Anthei fil. Nomionis Nepos, in extremis habitans Thessaliae finibus, cum a Timandra vidua pecunia [orig: pecuniâ] data [orig: datâ] impetrasset [orig: impetrâsset], ut ipsi ad se domum ventitanti corporis sui potestatem faceret: Neophron Timandrae fil. id aegre ferens, Aegypii aequalis, multis donis Bulidem Aegypii matrem pellexit, ut cum ea domum suam deducta rem haberet: horam deinde mature cognoscens, qua [orig: quâ] ad Timandram erat Aegypius venturus, suam matrem domo [orig: domô] emisit, inque eius locum matrem Aegypii introduxit, se ad ema rediturum simulans: Aegypius nihil eorum, quae machinatus erat Neophron, cognoscens, cum matre corpus commiscuit, Timandrae nomine. Eum somno [orig: somnô] iam captum Bulis agnovit, arreptoque [orig: arreptôque] gladio [orig: gladiô] oculos filio eruere, et se ipsam necare statuit. Apollinis interim voluntare somno [orig: somnô] Aegypius solvitur: intellectisque Neophronis insidiis, in caelum sublatis oculis omnia secum aboleri optavit: Iuppiter porro eos in volucres mutavir, factique sunt Aegypius et Neophron aegypii (i. e. vultures) cognomines, minor tamen corpore Neophron: Bulis in mergum abiit, eique Iuppiter alimentum tale destinavit, ut mhil terra [orig: terrâ] editum edat, sed tantum oculis piscium, avium, aut serpentum vescatur: Timandra in parum est mutata; neque unquam eodem [orig: côdem] loco [orig: locô] hae aves visae sunt. Anton. Liberalis in Metamorph.