December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0005

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0006

[gap: praeliminaria]
page 96, image: s0096a

AESERNINUS vide Eserninus.

AESI Hesych. *ai\soi, sqeoi\ u(po\ *tur\rhnw=n..

AESIA fluv. Gall. Belgicus inter Campaniam et Picardiam in Sequanam fluens; Supra Pisciacum; et oritur in Tirascia regione. Hodie Latinis Isara vulgo, Oyse. Vide Oesia.

AESIAS Trapezita Sicyonius, apud quem occasio nata Arato Acrocorinthum per proditionem quatuor fratrum Syrorum, opera [orig: operâ] tamen praecipua [orig: praecipuâ] Ergini capiendi. Vide Polyaen. l. 6. in Arato.

AESICA pagus Albionis in Cumbria, teste Camdeno [orig: Camdenô], vulgo Netherby. In littore maris Hibernici.

AESIMEDES Atheniensium Rex XV. a Medonte primo Archonte tw=n para\ *bi/ou numerando, secundus tw=n *dekaetw=n seu Decennalium, excepit Caropem; dominante adhuc in Aegypto Sabbacone Aethiope. Eius anno [orig: annô] quinto [orig: quintô] Amphia Messeniorum a Spartanis capta bello [orig: bellô] Messeniaco [orig: Messeniacô] I. originem dedit: regnavit ann. 10. Successore Clidico [orig: Clidicô], vide ibi. Item navarchus Corcyrensium. Thucyd. l. 1.

AESION civis nobilis Atheniensis, cuius illud de Demosthene oratore fuit iudicium, ut dixerit, illum non solum Athenarum dignum civitate esse, sed et supra Athenas. Plut. in Demosth.

AESIPUS vide Aesopus.

AESIS Umbriae civitas, Ptolemaeo *ai)=sis2, at Straboni *ai)/sion, unde Plinio l. 3. c. 14. oppidani sunt Aesinates. Idem l. 11. c. 42. quod est de diversitate caseorum Aesinatem ex Umbria. longitud. 37. 00. latitud. 43. 35. Item Umbriae fluv. Strab. l. 5. Disertis literis est *ai)=sis2, et ita Latina vox apud Plin. loc. cit. At apud Melam l. 2. c. 4. corrupte Esis; et apud Ptol. obliquus casus tou= *ai)si/ou pro tou= *ai)/sios2. Plut. in Pompeio tw=n *)arsin habet pro *ai)sin. Apud Appianum Civil. l. 1. *ai)si=nos2 potamo\s2 est. Sil. l. 8.

Queis [orig: Quêis] Aesis regnator erat, fluvioque reliquit
Nomen, et a sese populos tum dixit Asilos.

vulgo Esino. In mare Adriaticum se exonerat, inter Anconam et Senogalliam.

AESISIUM Ptolemaeo Umbriae oppidum, quod Leandro Ascisi dicitur. Esisium est sine diphthongo in Originibus, quae Catonis nomine circumferuntur. Assisium est in vetusto lapide. D. Francisci patria. Aesium forte Strabonis. l. 5. Assisium a Propertio Axis appellari scribit Zacharias Lilius in suo Orbis breviario: ex hoc forte versu, l. 4. Eleg. 1.

Scandentisque Axis consurgit vertice murus.

AESITAE Arabiae desertae populi, Ptolemaeo. Asititae legunt Interpretes.

AESIUM [1] in colle Piceni, urbs episcopalis in ditione Pontificis. Ptol. Aesis. Hodie Iesi. Distat Senogallia [orig: Senogalliâ] 12. milliar. in meridiem: Fabriano autem 18. milliar. in Caeciam.

AESIUM [2] urbs in itinere ab Ocriculo, Ariminum versus dextram, Strabo. l. 5. Vide Aesisium; sic enim legendum.

AESIUS amnis in ora Bithyniae. Plin. l. 5. c. 32.

AESON Crethei fil. frater Peliae, regis Thessaliae, et pater Iasonis, qui ab eo vocatur Aesonides. Eum Iasonis rogatu, annositate decrepitum, suis veneficiis robustiori aetati restituit Medea. Ovid. Met. l. 6. Item, fluv. Thessaliae, cum oppido cognomine cadit in Metam fluvium. Item Urbs Magnesiae, apud Appollonii Scholiastem. Thessaliae, Steph.

AESONENSES populi Hispan. citerioris, quorum oppid. Aesona, nunc Isona, pagus Catalauniae, teste Andrea [orig: Andreâ] Schotto.

AESOPUS [1] Phryx, Philosophus, et fabulator clarissimus, conditione autem servus, tempore Croesi Lydorum regis, cui fabulas suas dicavit. Nomen a nigredine forte obtinuit. Aesopus enim et Aethiops idem significant. Huius vitam Maximus Planudes conscripsit, quae fabulis Aesopi vulgo praefigi solet. Quintilianus l. 1. c. 9. Aesopi fabellas, quae fabulis nutricularum proxime succedunt, narrare sermone puro [orig: purô], et nihil se supra modum extollente, condiscant pueri. Idem l. 5. c. 11. Illae quoque sabulae, quae etiamsi ab Aesopo originem non acceperunt, (nam videtur eorum primus auctor Hesiodus) nomine tamen Aesopi maxime celebrantur, ducere animos solent, praecipue rusticorum et imperitorum: qui et simplicius quae ficta sunt audiunt, et capti voluptate, facile iis quibus delectantur, consentiunt. A. Gell. l. 2. c. 29. Aesopus ille e Phrygia [orig: Phrygiâ] fabulator haut immerito sapiens existimatus est; cum, quae utilia monitu suasusque erant, non severe, non imperiose praecepit et censuit, ut Philosophis mos est, sed festivos delectabilesque apologos commentus, res salubriter, ac prospicienter animadversas in mentes animosque hominum, cum audiendi quadam [orig: quâdam] illecebra [orig: illecebrâ] inducit. Hinc proverbium apud Suidam. Ne Aesopum quidem trivisti, de vehementer stupidis et imperitis. Vide Aristoph. in Avibus. Euseb. Suid.

AESOPUS [2] libertus Demosthenis, conscius adulterii quod patronus admiserat, tortus diutissime perseveravit non prodere, donec aliis coarguentibus consciis, Demosthenes ipse fateretur. Macrob. Saturn. l. 1. c. 11.

AESOPUS [3] cognom. Claudus, Tragoedus, amicitia [orig: amicitiâ] Ciceroni coniunctus, de quo l. 6. Ep. Fam. 1. Horat. l. 2. Ep. 1.

Quae gravis Aesopus, quae doctus Roscius egit.

In maximas opes ex histrionica pervenit, adeo ut Sestertium centies ei patina steterit. Val. Max. l. 8. c. 10. et l. 9. c. 1. Filium reliquit adeo divitem simul et prodigum, ut is uniones aceto [orig: acetô] liquefactos caenis apponeret. Plin. l. 10. c. 51. Horat. l. 2. Sat. 3.

Filius Aesopi detractam ex aure Metellae
Scilicet ut decies solidum exsorberet, aceto [orig: acetô]
Diluit insignem baccam. --- --- --- --

Item Aesopus, Anagnostes Mithridatis eruditissimus, Scripsit de laudibus Mithridatis, et de Helena, Suida [orig: Suidâ] teste. Item orator clarissimus Laertio l. 1. in Vita Chilonis. Item Historiographus qui Anaximenis et Philonis temporbus floruit. Plut. in Solone.

AESOPUS [4] Tragoedus, histrio facetissimus, et gelwtopoio\s2, cuius meminit Aristophan. Vesp. v. 469.