CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ALEXANDER [49] fil. Aeropae, vir fortis et Alexandro M. gratus. Freinshem. supplem. in Q. Curtii l. 2.

ALEXANDER [50] Lyciae praefectus, supplementa militum Alexandro M. adduxit. Q. Curt. l. 7. c. 10.

ALEXANDER [52] Lithuaniae Dux victoriis inclitus. Novagradiam sibi subiecit, illam adeo in Septentrione celebrem. Crantz. l. 13. Cromer. l. 29.

ALEXANDER [51] aerarius faber, a Paulo Satanae traditus. Vide 1. Tim. c. 1. v. 19. 20. 2. Tim. c. 4. v. 14. 15. An idem cum Alexandro Samaritano, de quo Euseb. l. 3. c. 20.

ALEXANDER [53] Haereticus, discipulus Valentis Tertullian. l. de carne I. Christi c. 16.

ALEXANDER [54] Magus Apollonii Thyanaei discipulus sub Antonino Pio, Serpentis, quem Aesculapium esse dixit, fictis oraculis Romanis illusit. Baron. A. C. 145. Lucian. in Vita eius.

ALEXANDER [55] quidam genere Phryx, disciplina [orig: disciplinâ] medicus, vitaeque ac morum probitate cunctis carus, Dei amore concitatus, cum assisteret tribunali, nutibus ad confessionem hortabatur eos, in quos tormenta et quaestiones exercebantur, ita ut omnibus, qui adstabant, palam fieret, quid in animo gereret, Cumque id populi notavissent, conclamarunt [orig: conclamârunt] adversus cum, qui iussus a Praeside in medium statui, et quis esset, interrogatus, Christianum se esse libera [orig: liberâ] professione, testabatur, quem continuo Praeses bestiis adiudicavit. Euseb. l. 5. c. 2.

ALEXANDER ab ALEXANDRO sive Neapolitanus, Iurisconsultus celeberrimus, tam in Patria quam Romae Iura publice cum gloria docuit. Fori tandem pertaesus, residuum vitae in literario otio et studiis humanioribus exegit: reliquit Genialium dierum libros 6. Quos multiplici doctrina [orig: doctrinâ] esse refertos, scriptoremque esse longe meliorem Philelpho [orig: Philelphô], iudicium est Floridi Sabini apologia adversus calumniatores L. L. Recte sane, inquit Voss. de Hist. Lat. c. 8. Sunt enim libri illi, promptuarium antiquitatis, veterisque historiae; etsi nec pauca in eo sint ad verborum proprietatem, aliaque studia pertinentia. Claruit A. C. 1475. Fuisse Ioviani Pontani aequalem, satis liquet ex primis operis verbis. Atque alibi indicat, se in adolescentia Philelphum iam senem audiisse Tusculanas Ciceronis quaestiones enarrantem. Item refert aetate sua [orig: suâ] Nicolaum Perottum, et Domitium Calderinum, Martialis, apophoreta, magna [orig: magnâ] contentio ne Romae praelegisse iuventuti. Item Georgii Trapezuntii, Theodori Gazae, Hermolai Barbari, Raphaelis Volaterram, ac Pauli Cortesii ut aequalium meminit. Unum autem hoc merito in hisce praeclaris commentariis improbari solet, quod eorum, unde profecisset, dissimularet auctores. Sed huic vitio medicinam fecit doctissimus Tiraquellus, qui, digitum ad fontes intendens, unde quaecumque hausta essent, indicavit. Vide Hier. Ghilinum Theatro Vir. doct. Quenstedtium Freher um etc. Plures Alexandros, si desideret lector (neque einim omnes numero [orig: numerô] comprehendere resert ) consulat Vossium, Meursium, ac Ionsium de Script. Hist. Philosoph.

ALEXANDER [56] Aphrodisiensis, Aristotelis interpres, quo [orig: quô] nemo melius mentem Philosophi istius assequi solet, uti loquitur Voss. alicubi de Theol. Gent. Ac proinde Bembus l. 2. Ep. Hieron. Donato, Alexandrum Aphrodisaeum, inquit, cuius de anima [orig: animâ] libros abs te Latine factos mihi miseras, legi magna [orig: magnâ] cum voluptate, cum eius Philosophi causa [orig: causâ], tum tua [orig: tuâ], etc. Vide Voss. de Sectis Philos. c. 17. §. 16. 17.

ALEXANDER [57] Atrebas, Historicus saeculo [orig: saeculô] 12. Alius Andersahn, scripsit supplementum Apollonii. Alius Benedictus, Veronensis Medicus et Philosophus Auctor Diarii belli a Carolo Siculo gesti. Alius Celestinus, Rogerii Siculi Regis historiam scripsit. Alius Cortesius, Matthiae Corvini encomiastes. Alius Aetolus, Arati commentator. Alius Floravant, Capucinus, auctor retehorarii. Alius Picolomini, Philosophus et Mathematicus insignis. Alius Imola, saeculo [orig: saeculô] 1. Alius Somersetensis vel Staford. Anglus prosa [orig: prosâ] et versu celebris.

ALEXANDER [58] Emesenus, sub Commodo Imperatore defectionem molitus, misere periit. Ael. Lamprid. in Commodo c. 8. Nec alia ulla fuit defectio, praeter Alexandri, qui postea se et suos interemit et sororis Lucillae. Ad quae verba, Quis iste; quaerit Casaubon. ibi: sine dubio Iulius ille est Alexander Emesenus, de quo est apud Dionem unum. Sed de illius defectione nihil apud nobilissimum Auctorem. Vide Dionem, ubi de puero eius delicato, dignam habes lectu historiam.

ALEXANDER [59] Ephesius, cognomento [orig: cognomentô] Lychnus, sive Lucerna, inter illos, qui Ephesum illustrarint [orig: illustrârint],reponitur a Strabone l. 14. ubi etiam discimus. eundem et Rem publ. gessisse, et historiam conscripsisse, et poemata de rebus caelestibus, ac orbe terrestri edidisse. Vide Eustath. in Dionys. v. 558. itemque Steph. in *loa/phqos2 et *taproba/nh, qui eiusdem Adiam ac Lybiam citat in *xaoni/a. Voss. l. 3. de Hist. Graec. p. 318.

ALEXANDER [60] Farnesius, Parmae Dux Caroli V. nepos, bellicae rei gloria [orig: gloriâ], et Belgii administratione illustris. Obiit A. C. 1592. aetat. 47. Grotius et Strad. de Bello Belgico. Item, 2. Cardinales. Vide Paulus III.

ALEXANDER [61] Grammaticus oppido [orig: oppidô] Gotthico [orig: Gotthicô] natus, de varia historia sive materia 34. volumina reliquit, peritissimus aetatis suae vir.

ALEXANDER [62] de Hales, Doctor irrefragabilis, Thomae Aquin. praeceptor, varia scripsit. Circa A. C. 1240. Bellarmin. de Scriptor. Eccles.

ALEXANDER [63] Lyncestes, inter complices Philippeae caedis, veniam tamen ab Alexandro M. nactus, quem ipse primus Regem salutaverat, fidam postea ipsi navavit operam. Arrian. Freinshem. Supplem. 1. et 2..

ALEXANDER [64] de Medicis, Florentiae Dux, Caroli V. gener, vitiis scatens, misere periit A. C. 1537. P. Iovius, l. 38.