December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0005

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0006

[gap: praeliminaria]
image: s0159a

ALPHONSUS [9] IX. Castellae Rex, cognomine Nobilis, regnavit ann. 54. Adversus Saracenos feliciter pugnavit. Ex Eleonora, Angliae Regina, 11. liberorum Pater. E quibus natu maxima Blanca rait, Ludovici IX. Galliae Regis mater. Obiit A. C. 1214. Aetat. 59. Mariana. Tutquet. Genebrard. Marmol. l. 2. c. 39. et 36. Vasaeus, Chronol. Votaterran.

ALPHONSUS [10] X. Hispaniae Rex, post Patrem Fernandum 3. A C. 1252. Cognomine Sapiens, Historicus, Philosophus et Mathematicus insignis, a quo tabulae Alphonsinae. Iolantam, Arragoniae Regis filiam repudiaturus, turbas exspectavit, quae compositae. In bello contra Mauros felix, Imperium Germanicum oblatum recusavit, Occidentalis Imperatoris titulo [orig: titulô] contentus. Sed a Sanctio filio, de throno deturbatus, maerore confectus obiit, A. C. 1282. regni 32. Roderic. Mariana, Tutquet. Genebr. Rex hic in tabulas astronomicas convocatis undique Mathematicis insignibus, 40. ut alii, 200. coronatorum milia impendit, Alexandri erga Aristotelem in animalium historiam liberalitate pene exaequata [orig: exaequatâ]. Ramus. Dicere solebat, se malle privatim vivere, quam eruditione carere. Virtutes eius a Blondo, Sabellico, aliisque celebrantur. Gravi morbo [orig: morbô] laborans, remedia medicis frustra praescribentibus, coepit legere Q. Curtii historiam de Alexandro, adeo que illius dulcedine captus fuit, ut, sanitate recuperata [orig: recuperatâ], dixerit, Valeant Avicenna, Hippocrates, Medici ceteri: Vivat Curtius sospitator meus. Biblia quoque cum Commentariis quatuordecies perlegit. Anton. Panormitanus l. de rebue gestis Alphonsi. Genebr. Ceterum a reverentia Numinis parum laudandus, si vera sunt, quae de ipso Lipsius habet, Monit. Polit. c. 4. Alphons, si sit Germanicum nomen, idem est quod Helfuns, i. e. our help: et a Gothis profectum est, ut videtur. Nam Alphonsus primus huius nominis Rex Hispaniarum, A. C. 740. a Gothis descendit. Camdenus.

ALPHONSUS [11] XI. In cunis Rex salutatus, turbis regni compositis, foedus iniit cum Lusitaniae et Arrogoniae Regibus atque cum Mauris bellum feliciter gessit, illis ingenti strage fusis, A. C. 1340. Peste peremptus, A. C. 1350. aetat. 38. Successorem habuit filium Petrum, Crudelem cognomine Villanius, l. 11. c 119.

ALPHONSUS [12] I. Aragoniae et Navarrae Rex. Vide supra Alphonsum VII.

ALPHONSUS [13] II. Obiit Perpiniani, A. C. 1196. Vide Marianam, Invent. Hist. Hisp. l. 8. Vataeum Chronol.

ALPHONSUS [14] III. post Petrum III. patrem Rex, A. C. 1285. Obiit 1291. improlis, Mariana l. 14. c. 14. et 15. Antonin. tit. 20. c. 8. §. 5.

ALPHONSUS [15] IV. Iacobo Patri successit, Pius dictus, Leridam Academia [orig: Academiâ] ornavit, et Castellae Regem, a Navarro, per Gastonem foxium, adiutus, pacem petere coegit. Obiit A. C. 1337. regni 8. Mariana l. 16. c. 4. Spontian.

ALPHONSUS [16] V. cognomine Magnanimus, Patri Ferdinando successit, literarum et literatorum amans, sed in sequiorem sexum pronior. Regnum Neapolitanum occupavit; A. C. 1442. postquam a Genuensibus navali praelio [orig: praeliô] victus captusque fuisset. Obiit A. C. 1458. successorem relinquens Ferdinandum, filium suum naturalem, a Pio II. in Regno confirmatum, excluso [orig: exclusô] legitimo [orig: legitimô] herede Renato [orig: Renatô] Andegav. et Iohanne fil. eius. Nauclerus, Aeneas Sylv. Antonin. Spondan.

ALPHONSUS [17] I. Lusitaniae Rex quinque Mauritanorum Principibus victis inclitus. A. C. 1139. Hinc insignia Lusitaniae Regum, quae hodieque in usu. Contra Alphonsum VII. Castellae Regem et Mauros, Ulyssipona [orig: Ulyssiponâ] aliisque locis captis, felix. Obiit A. C. 1188. aetat. 91. regni 46. Dupleix, in Phil. I. Mezeray, in Ludov. Iun. Mariana.

ALPHONSUS [18] II. cognomine Crassus, Sanctio I. Patri successit, in fratres saevus, unde ei cum Rege Legion. bellum. Obiit A. C. 1223. aetat. 38. regni 11. Duard. in Geneal. Portugall. Tutquet Mariana, etc.

ALPHONSUS [19] III. per Mathildem uxorem, quam postea repudiavit, primo Bononiae comes, dein post Sanctium II. fratrem, Lusitaniae Rex. Ab Alexando IV. et Gregorio X. excommunicatus, sprevit bruta haec fulmina, et magno [orig: magnô] animo [orig: animô] quaecumque bella gessit. Obiit A. C. 1279. aetat. 70. regni 12. Mariana, l. 14.

ALPHONSUS [20] IV. cognomine Audax, Alphonso XI. Hispan. Regi, Maurorum victori, suppetias tulit. Obiit A. C. 1357. aetat. 67. Regni. 32. Vide supra.

ALPHONSUS [21] V. Socerum Petrum propria [orig: propriâ] manu occidit, Guinea [orig: Guineâ] reperta [orig: repertâ], ex auro inde allato monctam cudit, cui crucigeri nomen datum. Obiit A. C. 1481. aetat. 49. regni 43. Auctores supra laudati.

ALPHONSUS [22] VI. Patri Iohanni VI. successit, A. C. 1656. a [orig: â] fratre Petro, in insulam Terceram, relegatus.

ALPHONSUS [23] I. Rex Neapolis et Siciliae, vide Alphons. V. Rex Arragon.

ALPHONSUS [24] II. successit patri, Ferdinando I. audito [orig: auditô] Gallorum adventu, regnum Ferdinando filio reliquit, et privatus Messinae obiit, A. C. 1495. Guicciard. P. Iovius, Cominaeus l. 7. c. 11.

ALPHONSUS [25] Pictaviens. Comes, Ludov. VIII. Galliae Regis fil. Ludovici IX. in expeditione in orientem comes, redux inde Senis obiit, A. C. 1271. Mezeray in Philippo Audace.

ALPHONSUS [26] Comes Tolosanus, Ludov. Iunioris in Orientem Comes, obiit veneno [orig: venenô] Caesareae A. C. 1148. Item, duo Ferrariae duces, quorum posterior obiit A. C. 1597. improlis. Item, M. Melitensis M. a fratre veneno [orig: venenô] necatus. Item, Rex Manicondae. Marmol. l. 1. c. 38. Item Prorex Indorum, vide Albuqucrcus.

ALPHONSUS [27] Cariglius, Hispan. Cardinalis. Spondan. A. C. 1431. n. 11. Alph. Petruccius, Cardin. in carcere strangulatus, A. C. 1517. Guicciard. l. 13. P. Iovius in Leone X. Item Episcopus Cartagenae, Historicus de Palentia, apud Voss. l. 3. de Hist. Lat. c. 7. Alphonsus Hispalensis; Alphonsus Tostatus, scriptis illustris, apud Bellarm. de Auctor. Eccles.