CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ANCYREUM Asiae minoris promontor. ubi Pontus finitur, incipitque Bosporus. Hodie Psomion, teste Petro [orig: Petrô] Gyllio [orig: Gylliô].

ANCYROMACHUS navis species sic dicta, quod celeritate sua anchoris et instrumentis reliquis vehendis sit apta; ut est apud Isidorum l. 19. c. 1. et Ugutionem. Glossae Isid. Ancyromagus, genus navigii, In Glossis Aelfrici Sax. corrupte est Archiromachus, vide Car. du Fresne Glossar. in voce Achiromacus.

ANCZACRICUS fluv. Podoliae. Cadit in mare Nigrum, una [orig: unâ] leuca [orig: leucâ] tantum ab urbe Otiacovia, quae nunc est in Chrymea provinc. ad ostia Borysthenis fluv. Le Valleur.

ANDABATAE non Asiae populi in tenebris versantes, uti somnia vir Ferrarius; sed gladiatores, clausis oculis pugnantes. Cicero ad Trebatium, l. 7. Ep. Famil. 10. Quem antea ne Andabatam quidem defraudare poteramus. Vide Cl. Vossium, in Andabatae. Nic. Lloydius

ANDACHARIUS seu HADWACKER, vel ODOACER, unus ex filiis Hengisti, (qui A. C. 449. Britanniam occupatam de gentis suae nomine, Angliam vocavit) in Germania, stemma produxisse fertur, per illos posteros, Hadvigatum, Hildericum, Bodicum, Bertholdum, Sighardum vel Sigismundum, Saxonum Duces vel Reges. Huic Sighardo Henetorum A. C. 633. victori, filium dant Dietericum Regem a Carolo Martello A. C. 722, victum et dein Carolomanno rebellem. Dieterico assignantur Edelhardus, Bertholdus, Wernekinus, bellis adversus Carolomannum et Pipinum Francos celebres: quae bella continuavere [orig: continuavêre] adversus Carolum M. Albion et Hermannus Edelhardi, ac Witikindus hodiernorum Saxoniae Principum conditor, Wernekini filius. Vide Phil. Iacobum Spenerum Sylloge Geneal. Hist. in fam. Witikindena Saxenica: et infra in voce Witikindus.

ANDAGUILI populi Americae meridionalis, in Peruviae regno, inter fluv. Xaucam et Abancaium, 25. leucis a civitate Cusco in Circium.

ANDAIA [1] vel per y. Burgus Galliae, Hispaniae propinquior. In Aquitania et in ora Oceani Aquitanici e fronte Fontarabiae.

ANDAIA [2] ANDANCE, oppid. Galliae, in Vivariensi provinc. ubi Domia fluv. cadit in Rhodanum. 6. leucis Vienna [orig: Viennâ], Valentiaque [orig: Valentiâque] distat.

ANDAINUM pagus aliis oppid. cum coenobio in ditione Leodiensi, intra silvam Arduennam, ad amnem Homme, in confinio ducatus Lucemburgensis. Hodie S. Hubert. Andagium Sigesberto dicitur. Huc pertrahuntur, qui rabiem ex rabidi canis morsu reformidant.

ANDALUSIA regio Hispaniae et regni Castellae, sub quae maior Hispaniae Baeticae pars, olim Vandlitia, a Vandalis Germaniae populis, dicta, quibus Sarraceni succesere [orig: succesêre], tandem ab Alphonso 3. pulsi. Aliqui vero Historici eam Baeticam, a fluvio Baeti, ipsam perlabente, nuncupatam asserunt; Alii autem non a dicto fluvio nomen accepisse, sed Chaldaice Betin (quo [orig: quô] nomine terra fertilis et deliciis affluens significatur) appellatam volunt. Poetae campos Elysios in hac provincia constituerunt, qua [orig: quâ] fictione excellentem prae omnibus aliis terrae ubertatem efferre voluerunt. Ad Ortum habet Granatam, ad Septentrionem Castellam novam et Extremaduram, ad Occasum Lusitaniam et Algarbiam, ad Meridiem Atlanticum spectat mare. In ea numerantur 104. civitates et oppida, inter quae Corduba Senecae et Lucani patria, Nebrixa, S. Lucar de Barrameda, etc. Metel. Mercat. Sed primaria urbs est Hispalis, ampla et dives, ad fluv. Guadalquivir. Vide Vandalitia.

ANDALUSIA NOVA regio Americae meridionalis inter Venezuelam, et fluv. Orenoque, smaragdorum proventu nobilis. Vide Vandalitia nova.

ANDANA vulgo ANDEN, alias ANDENNE, vicus est ad ripam fluminis Mosae, Namurcum inter et Hoium positus: ubi Begga Pippini senioris, Praefecti Palatii per Austriam filia, Gertrudis Nivialensis Abbatissae soror, post Ansigisili mariti mortem clarum Monasterium exstruxit: quod hodieque illustre est et vetustate opibusque percelebre Nobilium Canonicarum, vulgo Saecularium dictarum, collegium: Qualia in Hannonia, Coenobium Melbodiense Adelgundis et in Brabantia Nivialense B. Gertrudis sunt. Ibi eadem Begga praedicta septem basilicas condidit, virumque suum interemptum sepelivit. Vide Hadr. Vales. Notit. Gall.

ANDANAGARIUM urbs Indiae Indiae citerioris, in regno Decan, in Asia, iuxta flux. Mandovam, in Mediterraneis. Male habita fuit hisce temporibus a Mogorum Rege.

ANDANIA [1] Arcadiae urbs in Peloponneso. Strabo. Quam Messeniae tribuit Pausan. l. 4. ut et Stephanus, qui Messeniam ipsam sic quoque appellatam vult. Hic [orig: Hîc] Aristomenes, *strathgo\s2 a)ntokra/twr Messeniorum inclitus, educatus est, cuius cum matre Nicotelea genius quidam, draconis specie, concubuisse fertur. Unde cum ex praelio ad Apri monumentum victor, in hanc velut patriam suam reverteretur, taeniis et carminibus a matronis gratulabundis exceptus est, anno [orig: annô] 2. Olymp. 24. Post praelium vero ad Foslam quo Arcadiae Regis Aristocratis proditione victi Messenii, Aristomenes, Andania [orig: Andaniâ] oppidisque mediterraneis relictis e)s2 *eran, in Eiran montem se recepit, vide ihi, et plura hanc in rem apud Pausaniam loc. cit. nec non hic passim.

ANDANIUS Carmaniae fluv. Strabo. Andanis Plinio l. 6. c. 23. dicitur. Forte Tisindan hodie.