CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ARGANTHONA puella, quam Rhesus, priusquam ad Troiam proficisceretur, in Cio repertam duxit uxorem: Haec, cognita [orig: cognitâ] mariti morte, e maerore mortua est. PartheniusEroticon c. 36. Aliis Arganthoms.

ARGANTHONIS Mysiae mons prope Chium. Straho. Stephanus vult, ita appellatum ab Arganthonide Rhesi coniuge.

ARGANTHONIUM mons Cii, o)/ros2 *Ki/ou, inquit Scholiast. Apollonii ad illud l. 1.

ARGANTHONIUS Rex Tartessi, quem Plin. l. 7. c. 48. ait vixisse 120. annos. Silius autem 300. qui eius meminit l. 3. v. 396.

Arganthoniacos armat Carteta nepotes;
Rex proavus fuit humani ditissimus aevi,
Ter denos decies emensus belliger annos.

Ideoque Bochart. l. 1. c. 34. Chanaan vocat eum [gap: Hebrew word(s)] Arcantho, i. e. polukro/nion, sive longi temporis. Nic. Lloydius.

ARGANTOMAGUM sive ARGENTOMAGUM, oppid. Galliae in finibus Biturigum, vulgo Argenton. ad Crausiam fluv. in limite Marchiae Lemovicensis. Ab Inculisma 28. leuc. in Ortum. longitud. 22. 06. latitud. 46. 05. Alterum, quod in Martyrol. Argentomachum legitur, vulgo Argentan in Neustria, sive Normannia inter Sagium, et Fallesiam paulosupra 3. leuc. intersitum, haud obscurum oppidum, ad Argenam seu Ornam fluv. longitud. 21. 00. latitud. 49. 44 Vide quoque hic [orig: hîc] infra Argentomagus.

ARGANTOMAGUS oppid. Galliae, in Biturigibus Cubis, quod Eginhardus, in rebus anni 766. Argentomagum castrum appellat, et a Waifario Duce Aquitaniae destructum, a Pippino vero Rege reparatum esse tradit, et praesidium Francicum ibi collocatum: Situm est ad Crosam minorem. Est et eiusdem nominis castrum ad Argentonem fluvium, quem Toedus Tove in Ligerim defert, vulgo Argenton l'Eglise, in confinio Andicavorum et Pictonum, Hadr. Vales. Notit. Gall.

ARGANTOUARIA *)argantouari/a, in Sequanis, ponitur a Ptolemaeo, locus clade Alamannica [orig: Alamannicâ] et Gratiani victoria [orig: victoriâ] nobilis, quem apud Argentariam oppid. Galliae XXX. Alamannorum milia bello [orig: bellô] extinxiss, Amm. Marcellin. et Aur. Victoris Epitome, docent. In veterib. Notitiis provinciar. et civitatum Galliae nunc civitas Argentariensis, nunc et saepius castrum Argentariense, in provinc. Maxima Sequanorum appellatur: et ad Ecclesiam Rauracensem vel Basillensem pertinuisie videtur. Postea ergo litera [orig: literâ] O. sublata [orig: sublatâ] Argentuaria coepit dici, ac demum sublata [orig: sublatâ] altera [orig: alterâ] litera [orig: literâ] Argentaria vocata est, corrupto [orig: corruptô] quidem, sed Latini vocabuli speciem praeferente nomine. Posita erat autem inter Argentoratum, quod Nitardus cum Argentovaria vel Argentuaria male confundit, ac Augustam Rauracorum Basileae proximam: quam ob causam Simlerus et Cluverius eam pro Colmaria habent: Albertus vero Miraeus Horhurg interpretatur. Vide quoque Argentuaria.

ARGAS Demosthenes ob morum feritatem, ac naturam immitem sic dictus. Hesychius, *kai\ *dhmosqe/nhs2 u(po\ *ai)xi/nou *)arga\s2 o)noma/zetai\. *(oi de\ o)/noma *tura/nnou. Vide Suidam. Item Argas, qui praeter annorum rationem sapit. Suidas, *(o deino/tatos2 par' h(liki/an, a)rga\s2 kalei=tai. Cael. Rhodig. l. 18. c. 6.

ARGATHELIA provinc. Scotiae meridionalis sita inter Leviniam et Canthieram provinc. alias sub Caledoniis proprie dictis, et ad Boream Novantarum. Marchionatus titulo [orig: titulô] gaudet.

ARGE venatrix famosa, quam propterea in cervam fuisie transformatam, fabulantur Poetae. Hyginus Fab. 205. Arge venatrix, cum cervum sequeretur, cervo dixisse fertur, Tu, licet Solis cursum sequeris, tamen te consequar. Sol iratus in cervam eam convertit. An ex Hebraeo commenti huius occasio: in hac enim lingua cervi boatus creditur esse [gap: Hebrew word(s)] Ariga, quia legitur Psalmo 42. v. 2. Ut cervus [gap: Hebrew word(s)] glocitat ad sontes aquarum etc. Vide S. Bochatt.Hieroz. part. I. l. 3. c. 17.

ARGEA loca Romae sic appellata, quod in his sepulti essent quidam Argivorum illustres viri. Festus. Varro l. 4. de LL. Reliqua urbis loca olim discreta, cum Argeorum sacraria in 27. partes urbis sint disposira. Argeos dictos putant a principibus, qui cum Hercule, Argivo Romam venerunt et in Saturnia subsederunt. Apud Festum vero legendum est Argei, ut apud Varronem, Plutarchum, Ovidium, et alios legitur. In Lege Alaminia; Quum eas ad Argeos neque cuput comito, neque capillum depectito, vide et Argei.

ARGEI vide ARGEA, It. simulacra scirpea, quae in Tiberim Vestales olim quotannis praecipitabant, Idibus Maii, ut infra dicemus, ubi de hoc mense.

ARGELIA German. urbs. Ptol. Torgaw Petro Apiano in Saxonia. longitud. 35. 00. latitud. 51. 30. Sansoni est Erfordia. Quod vide.

ARGENES vulgo Orna et Olina, fluv. Galliae, in Normannia. Oritur prope Sagium Urbec. et 3. leuc. infra Cadomum, ln mare Britannicum se exonerat.

ARGENNUM promuntorium Ioniae, inter Clazomenas, et Erythras, proximas urbes, aliis Arcennum, a quo Chios insul. 60. tantum stadiis abest. Capo Stellaro Sophiano. Capo Bianco Nigro. Alterum Siciliae promuntor. Capo di S. Alessio Fazello, cum castro nomen antiquum servante, in ora ad srtum a Mesiana 25. mill. pass. a Taurominio 6. Denique tertium Lesbi promuntor. teste Strabone.