December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised


image: as0005

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.



image: as0006

[gap: praeliminaria]

image: s0346b

ARSABES [2] Satrapes Persicus, homo callidissimus, cuius fraudem in occupandis Barcaeis et dexteritatem in declinandis insidiis Magistri Equitum commemorat, Polyaen. l. 7. c. 28. Ubi interpres legit Arsames.

ARSACE seu ARSACIA ab Arsace Partho nomen nacta, urbs celebris est Persiae, quae alias *p(a/gai quoque, item *eu)/rwpos2 Vide Salmal. ad Solin. p. 1197. ut et in voce Arsaoia.

ARSACES [1] ex semine Chaichosron, h. e. Cytri, ut est in Chron. Pers. Parthorum Rex primus, cuius memoriae hunc honorem Parthi tribuerunt, propter quaesitum, constitutumque ab eo regnum, ut omnes deinde Reges suos Arsaces appellaverint. Iustin. l. 41. c. 5. Strab. l. 14. Photius, Bibl. c. 68. Euseb. Chron. Suid. etc. Quin et Parthi ipsi ab eo dicti Arsacae Straboni, aliis Arsacidae. Lucan. l. 1. v. 107.

Plus illa vobis acie, quam creditis, actum est,
Arsacidae. --- --- - --- -

Hinc Arsacius, pro Parthicus. Martiali l. 9. Epigr. 36. v. 3.

Quicquid in Arsacia Pacorus deliberat aula.

Claudian. Panegyr de 4. Consul. Honorii, v. 216

Barbarus Arsacio consurgeret ore tiaras.

Apud Tacitum l. 1. Hist. c. 40. Arsacidarum solum, pro regno Parthorum. Servius, ad Aen. l. 6. v. 760. Albani omnes Reges dicti sunt XYLVII, ab huius (Sylvii nimirum Aeneae filii) nomine: sicut hodieque Romani Imperatores AUGUSTI vocantur: Aegyptii PTOLEMAEI: Persae ARSACIDAE: Latini MURRANI, etc. Solet enim plerumque fieri, ut primi Regis nomen reliqui possideant, ut idem observat, ad Aen. l. 12. v. 529. Notandum autem hic [orig: hîc], Persas Servium pro Parthis dixisse, vel sollenni quodam [orig: quôdam] auctorum more confundentium populorum nomina, vel quia retinuit imperii nomen, quod invaserant Parthi, ante quos Persae regnaverant. Ita Horat. cum l. 3. Od. 5. v. 4. initio [orig: initiô] Augustum graves Persas, ut ipse appellitat, adiecisse imperio scribit, de Parthis intelligendus est. nec aliter Persarum capiendum vocabulum, in Aurelio Victore, est, cum de Augusto prodit, Huic Persae obsides obtulerunt, creandique Regis arbitrium permiserunt. Gloslarum veterum auctor Arsacidarum vocem, de universa Parthorum gente, interpretatur: Arsacide, *pa/rsqoi Regnare autem coepit hic Arsaces, Seleucidarum iugo [orig: iugô] (Callinico [orig: Callinicô] imperante) excuslo [orig: excuslô], A. M. 3808. feliciteruqe rexit, ann. 38. Iustin. l. 4 c. 4. Successores eius regnum tenuerunt, usque ad Alexandrum Mammaeae fil. quo [orig: quô] imperante Artabanus ab Artaxerxe peremptus est. A. C. 227. Ex prisca tamen Arsacidarum nobilitate Basilius Macedo Imperium Orient. tenuit, A. C. 866. Cedrenus, Curopalates. Illum excepit Arsaces II. fil.

ARSACES [2] II. priore genitus, adversus Antiochum Seleuci fil. 100. milia peditum et 20. milia equitum instructum, mira [orig: mirâ] virtute pugnavit: ad postremum in societatem eius adsumptus. Eum excepit Priapatrus. Iustinus d. l. c. 5.

ARSACES [3] Pharnacis Ponti et Armeniae Regis fil. Straboni memoratus, l. 12. Item Armemus civis, proditionis convictus a Iustiniano Imperatore hoc suppliciii genus tulit, ut Camelo insidens, ac per urbem circumductus se omnibus visendum praeberet. Cael. Rhodig. l. 7. c. 18.

ARSACES [4] Armeniae Rex ad quem Iulianus Apostata blasphemas in Christum literas misit, illumque, qui Christianus erat, contra Persas proficisci secum coegit, Sozom. l. 6. c. 1. Quo [orig: Quô] defuncto [orig: defunctô], Persas Arsaces inimicos habuit, quibus diu feliciter restitit. Socius et amicus fidus Romanorum, qui cum opem se non amplius laturum Iovinianus Imperator Saport Persarum Regi ad ignobilem ab hoc adactus pacem, iurasset [orig: iurâsset], tantum odium sibi conflavit, ut in reditu etiam a mulierculis derideretur. Tandem a Sapore in insidias pertractus Arsaces, foederis spe iniecta [orig: iniectâ], oculis primo, mox vita [orig: vitâ] privatus est. A. C. 369. Amm. Marcellin. l. 27. Oros. l. 7. c. 19. Eutrop. l. 10.

ARSACES [5] Artabani fil. natu maximus, a Patre Armeniae, defuncto [orig: defunctô] Rege Artaxia [orig: Artaxiâ], praepositus, Tacit. l. 6. Hist. c. 31. 33. Item, Eunuchus, Sevuis Themistoclis secundo ad Xerxem missus, vide Polyaen. l. 1. c. 30. n. 3.

ARSACES [6] ab Alexandro M. missus in Mediam, ut illa [orig: illâ] praefectura [orig: praefecturâ] Oxidates discederet. Curt. l. 8. c. 3.

ARSACIA *po/lis2 *mhdei/as2 e)pi/shmos2. Steph. Hodie Casbin dici videtur. Longitud. 91. 00. latitud. 39. 35. Urbs Persiae pulcherrima et amplissima, in provinc. Ayrach. Sedes regia ante Aspahaamum. Baudrand.

ARSACIDAE successores Arsacis, de quo supra, vide etiam Assassini.

ARSACIUS [1] Galatiae Pontifex, ad quem Iulianus Apostata inter alia scripsit: Religio Graecanica nondum ex animi nostri sententia, incrementa capit. In causa sunt hi, qui res sacras tractant. Rufin. l. 1. c. 32. 34. Sozom. l. 5. c. 15. Vide infra.

ARSACIUS [2] Constantinopolitanus Episcopus, dum Chrysostomus in exilio esset. Obiit. an. aetat. 81. 1. Episcopatus [orig: Episcopatûs], piscibus magis mutus, ut lepide Palladius ait. Vide Socr. l. 6. c. 18.

ARSACIUS [3] Pontifex Ethnicus, cui Iulianus Apostata prolixam scripsit epistolam, de antiphonis introducendis, et paenitentia publica, Nosocomiis, item Ptochotrophiis, Virginumque monasteriis erigendis. Sozom. l. 5. c. 11.

ARSAE Arabiae Felicis gens. Ptol.

ARSAGALITAE populi ad Indum fluv. Caucaso monit contermini. Plin. l. 6. c. 20.

ARSALUS Solymis cultus. Vide infra Solymi.

ARSAMENES Satrapa, in praelio ad Granicum sinistrum cornu cum Memnone tenuit. Diodor. Sic. l. 17.

ARSAMES [1] Nobilis Persa, Ariamnis fil. ex Achaemenis stirpe, pater fuit Hystaspis, quo [orig: quô] genitus Darius, in Regno Persarum Cambysi successit. Ioh. Marshamus Canone Chron. ad. Sec. XVIII.