CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ASIONGABER vel EZIONGEBER, locus in quo castrametati sunt Israelirae egressi de Hebrona. Numer. c. 33. v. 35. Latine lignum viri, vel robusti, aut consilium viri, vel robusti. Item portus regni Edom, ad mare Rubrum, Deuter. c. 2. v. 8. Vide Esiongeber.

ASIR Latine vinctus, sive incarceratus, aut Syriace prohibitus, fil. Iechoniae 1. Paral. c. 3. v. 17. Item fil. Core. 1. Paral. c. 6. v. 22.

ASIS in nummis Constantini M. Licinii Crispi etc. Scisciae, Pannoniae urbis, ubi moneta cusa, nota est, interprete Car. du Frense de infer. aevi Numismatibus.

ASISIA Illyridis urbs. Hancscribit Niger nunc solo aequatam esse, ibidemque multa antiquitatis monumenta extare, et locum Beribir dici addit. Nisi tabulae fallant, videtur mihi etiam Bergane vocari.

ASISIUM Italiae oppid. non longe ab Arna, orientem versus, vulgo Assisi, Ptolemaeo *)asi/sion, unde Plinio et Inscriptioni Antiquae oppidani dicuntur Asisinates. Plin. l. 3. c. 14. Amerini, Attidiates, Asisinates, ubi vulgo corrupre Asirinates. Procopio Gathicor. l. 3. sunt obliqui casus, *)asi/nh| et *)asi/nhn, oppidani autem *)asini=noi.

ASIUS [1] fil. Dymantis, et frater Hecubae, sed ex diversis patribus, et Hectoris avunculus, qui Priamo adversus Graecos auxilium tulit. Homer.

ASIUS [2] Iuppiter sic dictus, cuius vetustissimum fanum in Creta fuit teste Stehano, sic dictus ab Aso Cretae oppido, quo in loco colebatur.

ASIUS [3] Philosophus telesth\s2 Suidae, Dardano Troiam condenti Palladium, ad urbis conservationem et Regin, dono dedit. Eius sic meminit Iohannes Antiochenus, *peri\ *)arxaiol. *to\ e)n *troi/a| palla/dion cw/dion hn)= mikro\n upo\ *)asi/ou tino\s2 filoso/fou kataokeuasqe\n ei)s2 fulakh\n th=s2 po/lews2, Palladium Troiae animalculum exiguum fuit, ab Asio Philosopho quodam factum ad urbis conservationem. Vide infra, ubi de Consecratione.

ASIUS [4] Poeta Samius, scripsit opus Genealogicum; Cuius meminit saepe Pausan. l. 4. 7. 8. 9. et Athen. l. 3. et 12.

ASIUS [5] Umbriae fluv. ex monte Asio (qui adhuc Asi vulgo nominatur) oriens, Chiazo Leandro. Reccentioribus Clasia seu Clasius, vulgo Chiascio, oritur ex monte Apennino, inde auctus aliquot rivis, agrum Assisinum rigat, 3. milliar. longe ab illa Urbe fluens; post in Tiberim cadit, ad Torscianum castrum, 2. milliar. supra Dirutam. Multum ab Asio Ptolemaei fluv. differt, qui per Sennones labitur. Vide Clasius.

ASKAR Arabibus bestia est longa 60. cubitos, capite bovis, oculis porci, auribus elephanti, cornibus cervi, collo [orig: collô] struthionis, pectore leonis, colore pardi, iliis felis, cauda [orig: caudâ] arietis, pedibus cameli, die iudicii ex antro quodam emersura, cum virga Mosis, qua [orig: quâ] piorum facies dealbabit, et singulis incribet maumim, i. e. fidelis; ac sigillo Salomonis, quo [orig: quô] denigrabit vultum impiorum, et singulis inscriber Caphir, i. e. infidelis. Eam belluam ex antro semel eduxisse Deum fabulantur, ad preces Mosis, qui illa [orig: illâ] visa [orig: visâ] totus cohorruit et rogavit, ut reduceret. Cum apparebit ultima [orig: ultimâ] die, Sol consuetum cursum intermittet, nec nisi ab Occasu orietur, etc. Bochatt. Hieroz. part. poster. l. 6. c. 15. ubi de fabulosis Arabum animalibus.

ASKARNA urbecul. Hiberniae in Momonia provinc. et Limericensi Comitatu ad fluv. cognominem Ascherne. Aliis est Ascheten, 15. milliar. Hibernic. in Occasum.

ASKEM-KALESI seu CASTRUM ASKEM, urbs est Asiae in ruinis, cum portu, Mileto [orig: Miletô] diei et dimidii itinere distans; quam Halicarnassum, priscorum Cariae Regum sedem, esse, sunt qui contendant, magna [orig: magnâ] marmorum et monumentorum antiquorum, quae illic hodieque reperire est, copia [orig: copiâ] nixi: Iac. Sponius vero Iasi vel Iassi reliquias has esse conicit, ex Inscriptionibus, quae ibi offendit. Theatri ex marmore rudera ibidem supersunt, a Zopatte quodam Epicratis filio in honorem Bacchi exstructi, ut Inscriptio Graeca prae se ferr. Vide eum Itinerar. Graec. Part. 1. p. 362. ut et in voce Iassus.

ASLAN Dux exercituum Sati, Tartarorum Domini, sub initium saeculi praecedentis, Russiam et Poloniam saepius vastavit, A. C. 1525. Tartarorum Chamus, pulso [orig: pulsô] Sato [orig: Satô], electus. Moxque a Turca confirmatus, ditione aliqua [orig: aliquâ] Sato concessa [orig: concessâ], unde nihilominus etiam pulsus est; Bellum cum Moscis gessit, A. C. 1533. Neugebaur, Hist. Pol. l. 7.

ASLOIA Civitas Episcopalis, in regno Norvegiae, a qua denominatus est sinus quidam maris Balthici. Metel. et Bert.

ASMERA Urbs Asiae, in imperio Magni Mogolis, in India, et provinc. Bando, prope fontes fluv. Padder.

ASMIRAEI montes Asiae, in Serica regione ubi etiam Asmiraei populi versus Issedonem Scricam, in eo tractu, ubi nunc Cataia, regio amplissima et pars Tartariae late sumptae. Nic. Sanso.

ASMODEUS nomen daemonii, de quo Tob. c. 3. v. 8. Vide Seldenum, de Diis Syris. l. 2. c. 6.

ASMUNDUS Rex Suecorum, fil. Sibclageri, in praelio contra Haddingum, usurpatoris cuiusdam fil. cecidit. Cuius morte audita [orig: auditâ], Gumilda uxor, sibi ipsi necem conscivit. Erricus Pomeran. Chron. Suec.