CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

AVALONIA urbs Albionis, Inis Avalon, teste Lelando [orig: Lelandô], incolis Glassenbury.

AVALTERRAE apud Matthaeum Paris. A. C. 1249. Hic quoque Comes Hugo navem mirabilem paraverat in Regno Scotiae -- in qua transfretari cum Bononiensibus et Flandrensibus et cum illis, qui vulgariter de Avalterris dicuntur, posset audacter. Et in Additam. ad eund. Paris. Orta est contentio lamentabilis, inter Flandrenses, qui dicuntur de Avaltere et Francos, illis partibus conterminos: Sunt eae provinciae, quas continet Germania inferior, German. Niderland, Gall. le Pays-Bas, etiamnum dictae. Aval enim idem valet, quod inferior, quasi ad vallem, vel in valle. Und avalare, in mari aut fluvio deorsum navigare, vel e montibus aut collibus descendere, in Charta Philippi Aug. Regis Franciae A. C. 1207. apud Duchesnium in Normannicis p. 1063. Uti nempe Colonia Agrippina, ut est in Libello provinciarum civitatumque Gall. Germanicae inferioris Metropolis, et ab Amm. Marcellino l. 15. secundae Germaniae, quod idem est, urbs magni nominis appellatur: ita posterioribus saeculis, quae ei adiacent provinciae, Pagus inferior dictae sunt, Terre d'aval, vel Avalterre, quod idem sonat, populique ipsi Avalenses seu Avalois, etc. Vide Car. du Fresne Glossar.

AVANTICI populi Helvetici ab oppid. Avantico in Alpibus sito. Plin. l. 3. c. 4. Vide Aventicum.

AVARES populi quotum Rex Caganus, a Mauritio Im peratore ad foedus, prudenti oratione Theodori Medici pertractus est: postea, imprudenti venatione Prisci Ducis offensus, Romanos ingenti affecit clade: a quo cum Mauritius captivos redimere noller, in odium militum venit, quod difflare, Cogano [orig: Coganô] licet per Priscum non minori clade victo [orig: victô], filiisque eius in Istro submersis, non valuit. A. C. 592. 594. 595. Niceph. l. 18. c. 28. 29. Vide Caganus, etc.

AVARICUM oppid. Celtarum maximum, munitissimumque in finibus Biturigum. Caesar. l. 7. Bell. Gall. c. 13. vulgo Chasteauneuf, aliis Bourges en Berri, Academia [orig: Academiâ] gaudens celebri, aliis Viarons. Vide Bituriges.

AVARINI populi sub Peucinis, in Sarmatia Europaea, ubi nunc pars Palatinatus [orig: Palatinatûs] Cracoviensis, in Polonia, inter Vistulam fluv. et Carpathos montes.

AVARIO quibusdam Averio, vulgo Aveirou vel Avayrou, fluv. Galliae, in Rutenis, oritur ex fonte cognomine, quem Vayrou accolae appellant; alluitque Galliacum Cagliac, Aginnum Agen, vicum cognominem capiti Nitiobrigum; Segodunum Rutenorum Rodes, Lucum Luc, Bellum Castellum Belcastel, Villam Francam Ville Franche en Rovergue, Bastitam la Bastide, Monticulos Monteils, Maceriolas Mazerolles, Salvitatem la Salvetat, Castrum Sanctum Marcelli S. Marsau, Bellum Podium Belpuech, Castrum Guespiam la Guepie, Castrum S. Antonini S. Antoni, alias S. Antonin, Casalia Casals, Nigrum Palatium Negre Pelice, Comitivae titulo [orig: titulô] illustre et Regalem Villam: ac demum Viauro vel Biauro amne le Biaur, qui Lauternam Lezert, recipit ac quatuor aliis fluviolis auctus, defluit in Tarnem. Vide Hadr. Vales. Notit. Gall. in vocibus Apamiae et Ruteni.

AVARUM Hispaniae Tarraconens. promontor. Ptol. Cabo de Viana Moletio. Nunc in Portugallia, 5. leuc. a Bracara in ortum abest, ut habet Baudrand.

AVASES *au)a/seis2 Graecis; Ita Aegyptii vocant habitationes, quae sunt in medio deserto, voce composita [orig: compositâ] ex [gap: Hebrew word(s)] si, i e. desertum, et [gap: Hebrew word(s)] havva, quod est habitatio. Unde plural. [gap: Hebrew word(s)] Numer. c. 32. v. 41. Arabice [gap: Hebrew word(s)] est ambire, et [gap: Hebrew word(s)] multae domus Arabum, tamquam in ordinem digestae. Ergo [gap: Hebrew word(s)] *au)/asis2, proprie est ambitus domorum, i. e. villa, seu oppidum in loco siticuloso, aut potius habitatio, quam ambiunt loca siticulosa; quomodo Graeci definiverunt, quamvis vim vocis ignorarent. Strabo de Africa l. 2. *)erikui=a parda/lei. kata/siktos2 ga/r e)sti tai=s2 oi)kh/sesi periexome/nas2 e)rh/mw| kai\ a)nu/drw| gh=|. *kalou=si de\ ta\s2 toiau/tas2 oi)kh/seis2, *au)a/seis2 oi( *ai)gu/ptioi.. Et l. 17. *au)a/seis2 d' oi( *ai)gu/ptioi kalou=si ta\s2 oi)koume/nas2 xw/ras2 periexome/nas2 ku/klw| mega/lais2 e)rhmi/ais2, w(s2 a)/n nh/sous2 pelagi/as2. In Strabone legunt *)ana/seis2, sed *au)a/seis2 rescribit Casaubon. ex Stephano, in *au)/asis2, quam lectionem veram esse docet, quod pro Avasi Oasin scribunt Herodot. l. 3. et Ptol. l. 4. c. 5. et alii ad legem 7. D. de interdictis et relegatis §. 5. Incolas Plin. l. 5. c. 9. Oeasitas vocat Aethicus autem et Orosius l. 1. c. 2. Avasitas. Bochart. l. 4. Phaleg, c. 29.

AVATICI Galliae Narbonensis populi. Plin. et Avaticorum Stagnum ibidem Pomp. Melae, l. 2. c. 5.

AVATILI melius ANATILI, erant in Provincia, prope oram, ubi nunc Maritima, Rhodani ostium Orientale et Campi lapidei. Vide Anatili.

AVAUGOURUM oppid. Britanniae Gallicanae, cuius Dynastae ex Ducum Britanniae familia originem habent. Metel.

AUBANEA urbeoula lepida Gall. in Provincia, 3. leuc. a Massilia in Ortum. Ibi persaepe celebrantur Comitia provinciae.

AUBRIOTUS Hugo, Parisiorum Praefectus: arcem eam, quam vulgo La Bastille vocant, iussu Caroli V. A. C. 1369. aedificavit, ut contra Anglos urbi praesidium foret; itemque castellum illud, quod appellatur Le petit pont, adversus Scholasticorum incursiones exstruxit, qui odio ei erant infensissimo. Quapropter postea impietatis et haereseos accusatus, ad perpetuos carceres damnatus est. Sed a seditiosis, dictis Maillotins, sub initium regni Caroli VI. A. C. 1381. carcere effracto [orig: effractô] liber, ne Dux illorum esse cogeretur, in Burgundiam patriam suam se recepit. Historia Gall. in Carolo V. et VI.