CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

BETULA arboris genus est, de qua sic Plin. l. 16. c. 18. Gaudet frigidis forbus et magis etiam Betula. Gallica haec arbor mirabili candore atque tenuitate, terribilis Magistratuum virgis. Eadem circulis flexilis, item corbium sportis. Bittumen ex ea Galliae excoquunt. Ubi quod de Magistratuum virgis habet, vide B. Bristlonium l. 3. c. 14. Eiusdem corticibus exquisita [orig: exquisitâ] industria [orig: industriâ] domos olim tegere consueviste Gothos, cespitesque virentes imposuisse, dicemus infra ubi de Veterum Tectis.

BETULEUS Xystus Augustanus Latinae ac Graecae Linguae, Poeseos item peritia [orig: peritiâ] clarus. Docuit Basileae primum, inde Augu stae, ubi obiit A. C. 1554. aetat. 54. Scripsit insignem Commentarium in Ciceronis Officia, it. de Amicitia et Senectute: ut et alia complura de quibus vide les Eloges Anton. Teissier Velum. 1. adde Simlerum Biblioth. Thuantum, Pantaleonem Prosopogr. Bucholzerum Indice Chronel. Melch. Adami vitis Philosop. Ramum Basilea [orig: Basileâ] etc.

BETULLO Hispaniae oppid. et fluv. cuius irrigatione ager Barcinonensis laetissimus est. Pomp. Mela. l. 2. c. 6. Oppid. Hodie Badelona, fluv. Beson dicitur. longitud. 17. 50. latitud. 41. 01.

BEUDUN seu BEODUM in L. Sal. tit. 48. mensa est rutunda, instar fundi doliaris, quod apud renuiores et in castris plerumque mensae vicem fungitur, inquit Wendelinus, certe Flandris bodem hoc ipsum hodieque est. An ab hac voce Hispanorum Beodo, pro ebrio? Vide Sebastianum Covarruviam, laudatum Carolo du Fresne in Glossar.

BEVELLANDIA Insul. Zeelandiae in Belgio quae A. C. 1532. inundatione maris dupler effecta est. Unde Nort-Bevellandia, et Zud-Bevelandia, ubi Goesa oppid. lautum et munitum.

BEVERA vel BEVERIS vulgo la riviere de Bieure, Parisinis la Riviere des Gobelins, a nomine celebrium insectorum, qui fluvio [orig: fluviô] hoc [orig: hôc] olim feliciter ad tingenda coccina, in suburbanis S. Marcelli, tisi sunt: Item la riviere de Gentilly, a vico novissimo, quem alluit, fluvius Galliae est, inde Lutetiam decurrens, per cuius suburbana delatus, duobus alveis in Sequanam fertur. Oritur inter Guidonis curtem et Fontanetum Floridum: atque Cauciacum ad Boves, Choisy aux Boeufs, Buc, Ioiacum, Iouy en Iosas, Beveram vicum, Autoniacum Pontem, Pontem Antoniacensem, Laiacum, (Lay ) Caticantum Cachant, Arcolium Arcuevil, Gentillia cum attingit, ac demum Sequana [orig: Sequanâ] recipitur: Rivus ignobilis, sed nounquam subitis incrementis saevus. Item Bevero, in extremis Carnutum finibus, non longe ab Ambacia Turonum fluens, le Beuveron: accipit Beveram amniculum, la Bieure, nec procul a castro Blesensium Calvo monte, in Ligerim influit. Hadr. Vales. Notit Gall.

BEUGESIA regiuncula Gall. partim et Sabaudiae, a Rhodano fluv. bifariam secta. Iuris partim Francici, ab A. C. 1600. una cum Bressia, ci adiacente: Et eius primar. est Bellicum, partim Sabaudici. le Bugey vulgo.

BEULANUS Presbyter Anglus, scripsit de origine Saxonum in Anglia, tempore Gregorn M. Eius nepos Samuel. Itinerarii auctor. Voss. de Hist. Lat. l. 2. c. 21.

de BEUSSON Martinus Gallus, civis Basiliens. cum in itinere Lucernensi: contra Mariae invocationem, ex S. Scripturae tenore, ad socios disseurisset: Zurzeae ad Magistratum eo [orig: eô] nomine, a quodam verborum eius subsessore, delatus, martyrium ibi subiit exustus; A. C. 1608. Bucholz. Ind. Chron.

BEUTELSPACUM German. Beutelspach, arx Germaniae vetus, in Suevia; condita, ut quidam volunt, ab Emerico I. Conestabili Clodovaei in pugna adversus Suevorum Regem Bandocarium commissa A. C. 499. ac a Rege Sueviae praefecto in his oris relicto, cui successisse dicunt Emericum II. Dagoberti Aulae Magistrum, Albertum Pippini Regis aulicum; huius filium Eberhardum, Caroli M. Magistrum aulae: cui duos assignant filios. Eberhardum Beutelspacensem, et Astulfum C. Calvensem, Leonis III. Pontif. patrem. Ab Eberhardo, quem Caroli Simplicis Aulae Magistrum faciunt, Emericus III. pater Ulrici Beutelspacensis, prognatus dicitur. Ulrici huius ex filia Werntrude gener et haeres, Comes Wirtenbergicus Conradus fil. Alberti Wirtenbergici ac Loewenstenii fuisse statuitur: Et mansit diu dominii Beutelspacensis titulus Wittenbergico coniunctus. Conrado filios aliqui Henricum ac Ulricum, Comites Wirtenbergicos ac Dominos Beutelspacenses, et Wernerum Comitem Groeningensem adscribunt. Alii Ulricum, Eberhardum et Henricum assignant: e quibus primus hodiernos Principes Wirtenbergicos severit. Vide Phil. Iac. Spenerum Sylloge Geneal. Hist.

BEUTHERUS Michael, Carolstadio [orig: Carolstadiô] oriundus, Historiam, Poesin et Mathemata publice docuit in Academia Gryphiswaldensi, A. C. 1546. inde exteris Academiis perlustratis, Pictavii Ephemerin Historicam conscripsit; ad Tractarum Passaviensem Ducis Wirtembergici Legatus, A. C. 1552. abhinc Patavium concessit, ibique Medicinae, ex Melanchthonis consilio, operam dedit, A. C. 1553. Ferrariae postea Doctor Iuris renuntiatus: ut in Germaniam rediit, ab Ottone Henrico Electore Palatino Consiliarius Ecclesiast. et Bibliothecarius creatus: in Argentinensi tandem Academia Professionem Historiarum suscepit, obiit A. C. 1587. aetat. 65. Libros edidit plurimos, Theologicos, Iuridicos, Historicos, Genealogicos. Philosophicos, Mathematicos et Poeticos, Tractatum de Appellationibus, Opus Fastorum Antiquitatis Rom. etc. Pater Mich. Philippi Theol. D. et Ducat. Bipontini Superintendentis Generalis, Ioh. Michaelis I. D. et Prof. Argentinae etc. Freherus Theatro Viror. clar.