CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

BONOSUS [1] Roman. Imperator. filius literarii Paedagogi, auctore Vopisco [orig: Vopiscô]. c. 1. Omnium bibacissimus fuit, de quo Aurelianus dicebat, Non ut vivat natus est, sed ut bibat. ibid. Si quando legati Barbari ad eum venissent, ipsis propinabat, ut eos inebriarert, quo ab iis per vinum omnia coguosceret, ac extorqueret veritatem. Postea cum a Probo superatus, laqueo [orig: laqueô] vitam finivisset, emanavit iocus, Amphoram pendere, non hominem. Filiis autem eius duobus, ut et matri eorum Hunilae Gothi cuiusdam Regis filiae, pepercit Imperator, A. C 280. Vopisc. in Bonoso. c. 15.

BONOSUS [2] Episcopus Macedo in haeresin abreptus, Photini instauravit errores, virginitatem Mariae perpetuam inficiatus. A. C. 389.

BONOSUS [3] Scholasticus quidam, cuius haec acute dicta in veter. exemplari Salmas. reperit. De incestu: Incestum si promiseris, perii --- si negaveris, tu perusti. De funambulo: Vidi hominem pendere cum via, cui latior erat planta, quam emita. etc. Multi alii eiusdem nominis occurrunt in Veter. scriptis: Eius vero origo a Bonus est, pro quo Bonosus illa aetas loquebatur; sicut canosas, pro canus, legimus, apud Valerianum Ep. ad Probum. Salmas. ad Vopisc. in Bonoso. c. 14.

BONTAS angustia Alpium, per quas ex Hungaria ad Meridiem transitus est in Transylvaniam ad Septentrionem. Rottenburn, et Pross, Lazio.

BONUMS Mariae in Capitulis Carolomauni ann. 743. c. 19. superstitionis et paganiae species apud Car. du Fresne.

BONUS [1] cognomen Phocionis, apud C. Nepotem in eo, c. 1. illius autem (scil. integritatis vitae) magna fama: ex quo cognomine BONUS est appellatus. Uti Iustus Aristidis, apud eund. in illo c. 1. utrumque a virtutibus impositum. Qui mos passim obvius apud Latios Graecosque, rarus primo honor et gloriosus, mox ridicula [orig: ridiculâ] saepe ambitione vulgatus obsolevit. xrhstos2 Graece, auctore Suida [orig: Suidâ] quod omnibus aliis magis quam sibi utilis esset: u)po\ tou= xra=sqai. Nam et in pecuniis erogandis fuit largus, et filias elocavir cum dote etiam pauperrimis, modo essent frugi. Vide quoque Plut. in vita eius, et l. de Music.

BONUS [2] Presbyter Romanus simul cum Fausto et Mauro Diaconis Romae sub Valerio Principe passi, sepulti sunt in via Latina Volaterran. Vide et Laurentius.

BONUS Aer urbs Americae meridionalis in Tucumania regione iuxta Argenteum fluv. Civitas Trinitatis etiam dicitur, paretque Hispano multis ab annis.

BONUS Conventus vulgo Boncovento, urbecula ditionis Senensis, in colle, iuxta Umbronem amnem, 5. milliar. a Sena Romam versus. Hic [orig: Hîc] Henricus VII. Imperator a Bernardo Monacho veneno [orig: venenô] sub Sacramenti specie propinato [orig: propinatô] peremptus, obiit A. C. 1313.

BONUS Deus apud Graecos a)gaqo\s2 sqeo\s2, cuius templum Pausan. in Arcadicis commemorat ad sinistram viae, quae in aenalum montem ducit.

BONUS Dies additum olim diebus festis. *kala\s2 enim h(me/ras2 festos dies vocabant Graeci, Latini honos: unde numquam Saturnalia, Liberalia, Hilaria et eiusmodi alios dies festos, nominabant Veter. quin adderent, Bonum diem. Ut, Saturnalihus bono [orig: bonô] die, Liberalibus bono [orig: bonô] die, Hilaribus bono [orig: bonô] die. Plautus in Paenulo, Actu. 3. sc. 5. v. 13.

--- -- Tum tu igitur die bono Aphrodisus
Addice tuam mihi meretricem minusculam.

Inde kalh/meros2 Graecis, homo festus et festi diei, qui libenter genio indulget, et sibi amicisque morem gerit, festivus et hilaris. Latine festus et festi diei, ut dictum, homo. Sic namque Donatus ad illud Terentii, Eun. Actu 3. sc. 5. v. 12. o [orig: ô] festus dies hominis; pro, homo festi dici. Sic dicitur etiam scelus homo. Ennius, o pietas animi. Contra. misokalh/meroi dicebantur homines morosi, qui nec sibi, nec aliis bene facerent, tristes et severi, geniique sui defraudatores, alias u)pofra/des2, a diebus malis ac infaustis, quae illis sic dicuntur. Salmas. ad Trehellium Pollionem in Claudio. c. 1.

BONUS Eventus ab antiquis cultus est. Plin. l. 34. c. 8. describit Euphranoris simulacrum Bom Eventus dextra [orig: dextrâ] pateram, sinistra [orig: sinistrâ] spicam, ac papaver tenens. Boni Eventus [orig: Eventûs] etiam meminit Varro de R. R. l. 1. inter Consentes Divos agricolarum.

BONUS Finis seu Receptio, Bonus Receptio it. Consolamentum et Baptismus spiritualis, dicebatur olim inter Albigenses receptio in communionem eorum, quae, ne receptus denuo ad pristina vitae inquinamenta posset relabi, differri solebat ad extremam usque infirmitatem. Quare et quidam, licet iam advenisset Albigensis, recepti non sunt, quoniam nondum mors instare credebatur. Sic legitur Petrus Sancii vocatus, ad haereticandam quandam infirmam: quae tamen tunc non fuit haereticata, quia non visum ipsi fuit, quia dicta infirma adhuc erat fortis. Postea ingravescente morbo [orig: morbô] iterum advocatus fuit Petrus Sancii, sed nec tunc fuit haereticata, quia convaluit, in libro Sententiar. Inquisitionis Tholosanae, nunc primum in lucem prolato, a Phil. a Limborch, Historia Inquisitionis l. 1. c. 8. Vide quoque hic passim, vocibus Abstinentia, Consolati, Endura.

BONUS Genius Graece *)agaqo\s2 *dtu/mwn, vide supra Agathodaemones et Agathus-Daemon, item voce Genius. Eius; ut et *)agaqh=s2 *tu/xhs2, Bonae Fortunae cellam prope antrum Trophoonii, in Boeotia, consultoribus adeundam prius, antequam in antrum descenderent, et post acceptum responsum reperendam, memorat Pausan. in Boeoticis, quem locum supra artulimus, ubi de de Bona Fortuna. De poculo *)agaqou= *dai/monos2, it. Boni Genii, Graecis appellato, hincque voce composita [orig: compositâ] *)agaqodaimonisth\s2, de pitissatore, apud Hesychium occurrente diximus ibidem supra, ubi de Bibendi ritu.