CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

CALLIA melius CALLIAE, urbs una ex tribus Aetoliae. Item parva regio prope Talantum.

CALLIADES Gubernator deprehensus a nave celeriore, gubernaculum frequenter inhibuit, a quacumque parte esset incursur, ut persequentes allisis ad gubernaculum remis impresionem facere non possent, quae fere primis remis sesselibus fieri consuevie. Polyaen. l. 5. c. 43. f. 410.

CALLIAE duo fuerunt quorum saepe meminere [orig: meminêre] Graeci, Diver et Nepos, uterque Hippovici, uterque da|dou=xos2 Eleusiniae Matris, quod honestissimum Athenis munus erat, sicur contra *mhtragu/rtai, seu famuli matris Idaeae, vilissimi ac profligatissimi errones erant. Tertius memoratur Phaenippi filius, Hipponici pater: quem virum fuisse dignum, cuius memoria vigeat et praeclarum vindicem Patriae libertatis, solum Atheniensium Pisistrati in exilium pulsi bona ab hasta emere ausum et omnia in eundem insesta machinatum. Olympia viciste equo [orig: equô], quadriga [orig: quadrigâ] secundum locum ienuisse: ythiis prius quoque praemium tulisse, et inter omnes Graecos magnificentia [orig: magnificentiâ], etiam in dote danda filiabus, eminuisse etc. refert Herodotus, l. 6. Eundem th\n e)rgani/an mi/ltou sive minii invenisse, dum sperabat aurum posse excoqui arena [orig: arenâ] rubente, in metallis argenti, ait Plin. l. 33. c. 7. Fuit hic avus Calliae divitis, qui Olymp. 72. ann. 2. cum in praelio Marathonio in barbarum incidisset, hicque eum habitu Sacerdotali taeniisque revinctum, cen diadema gestaret, pro Rege adorasset [orig: adorâsset] et thesaurum ei monstrasset [orig: monstrâsset] in puteo defossum misero [orig: miserô] indice contra datam fidem occiso [orig: occisô], repente dives prodiit et lakko/ploutos2 dictus est, Schol. Apristoph. in Nubib. Nisi mavis cum Gronovio illum sic potius appellatum esse; quod avitum quaestum secutus magnas pecunias ex metallis fecillet, ut refert Corn. Nepos in Comone. c. 1. Hic Cimone, cuius sororem Elpinicem in matrimonio habebat, Cyprum fuiugante, ad Artaxerxem fuit legatus pacificator, teste Diodoro [orig: Diodorô] Siculo [orig: Siculô], et Imperator Atheniensium victorque ad Potidaeam contra Corinthios, occubuie Olymp. 87. anno [orig: annô] 1. successore Phormione, ex filio Hipponico pater Calliae iterum, qui dadou=xos2 quoque propter libidinem luxumque traducitur ab Aristophane in Panis et Avib. amicus Socratis et Alcibiadis familiaris: quem cum Thebani eiecissent e Baeotia Plataeenses et Thespienses, Athenienses de pace ineunda legatum miserunt etc. Vide Iohan. Fird. Gronovium Observation. l. 4. c. 7. ut et infra Sus alba.

CALLIARUS urbs Locrorum, a Galliaro Odoedoci et Laonomes filio. Straboni vero, quod bene aretur, et colatur.

CALLIAS [2] Archon Athenis, Olympiadis centesimae anno [orig: annô] quarto [orig: quartô].

CALLIAS [3] alter a Phocensibus in locum Phalaci, ob sacrilegium remoti, Dux subrogatus, Olympiad. 118. anno [orig: annô] 2.

CALLIAS [4] ut videtur, Comicus, qui scripsit *paidh/tas2. Vide Scholia, in Aristoph. Aves.

CALLIAS [5] Atheniensis Comicus fil. Lysimachi, qui Schoenion cognomiatus est, quod funes ob paupertatem torqueret. Tragoediam scripsit de Grammatica, ingeniosissimam; et Comoedias, Arthen. l. 10. Voss. de Poet. Graec. p. 86. et de quat. Art. pop. c. 2. §. 2. Scal. Poet. l. 1. c. 8.

CALLIAS [6] Syracusanus Historicus; de rebus Siculis libros complures reliquit, ab Agathocle corruptus. Vide Ioseph. contra Appion. l. 1. Athen. l. 12. Aeliau. l. 16. Hist. Animat. c. 28. Dionys. Halicarn. Ant. l. 1. Macrob. Saturn. l. 5. c. 10. Suid. Voss. de Hist. Graec. l. 1. c. 11.

CALLIAS [7] vulgo Laccoplutus cognominatus, Dux Atheniensium nobilis, contra Artaxerxem missus. Suidas. Vide Scholia in Aristoph. Nubes, et supra Calliae.

CALLIAS [8] Elecus, vates Iamnidarum, Sybaritarum Principe Teli relicto [orig: relictô], Crotoniatis, hostibus eius, suppetias ivit. Herodot. Musa [orig: Musâ] 5.

CALLIAS [9] Methymnaeus, Grammaticus, quem Strabo l. 13. dicit Alcaeum, Sapphoque Poetas enarrasse [orig: enarrâsse]. cur Mitylenaeus dicitur, et inter illustres Lesbios refertur. Vide etiam Athen. l. 3.

CALLIBLEPHARA Mulierum, memorata Plinio l. 33. c. 6. Superciliis ornandis pingendisque inserviebant, quam in rem vide infra aliquid vocibus Fucus, Platyophthalmon, Stibium, et ubi de Superciliis.

CALLICHORUS [1] locus in Phocide, Panopeus dictus: propterea, quod Thyades Athenis profectae, ut Liberi Patris orgia cum Delphicis mulieribus in Monte Parnasso celebrarent, quotannis medio [orig: mediô] itinere multis locis, praecipue Pavopensi agro, Thyasos et choreas ducerent.

CALLICHORUS [2] vel rum, Paphlagoniae fluv. olim Oxynum dictus, ab Arriano Oxina. Nec non est locus aut fluvius in Artica. Siciliae fluvius apud Callimachum. Puteus in Attica. In Cnosso Adriani locus est.

CALLICOLONA Homero locus Troadis circa Simoenta fluv. quem Strabo dicit distare ab Ilio 40. stadiis.

CALLICRATES [1] cui thesaurorum Susis receptorum tutela ab Alexandro Magno permissa est. Curt. l. 5. c. 2.

CALLICRATES [2] artifex ex ebore formicas, et alia tam parva animalia fecit, ut partes earum cerni non possent. Plin. l. 7. c. 21. et. l. 36. c. 5. Aelian. Var. Hist. l. 1. c. 17. Plut. l. 2. contra Stoicos. Unde mirabilem oculorum aciem in eo ostendit Plinius; qui enim satis clara [orig: clarâ] oculorum acie fuerat in illis partibus

animalium subtilissime sculpendis, utique etiam sculptas facile cernebat, quas coeteri videre non poterant. Quin etiam, ut ea operum minutalia facilius cernerentur, admovebantur serae nigrae, ut candor eboris, opposito [orig: oppositô] setarum nigrore, oculorum aciem magis adverteret, uti testatur Varro de L. L. l. 6. apud Salmas. ad Solin. p. 46.

CALLICRATES [3] a)nh\r *)axaio\s2, quomodo perfidia [orig: perfidiâ] sua [orig: suâ] Achaeos omnes Romanis parere coegeit, docet Pausan. l. 7. Itemque, quomodo a Menalcide perfidia [orig: perfidiâ] superatus fuerit, idem demonstrat ubi supra.

CALLICRATES [4] Tyrius, Aureliani tempore, et paulo post vixit. qui vitam Imperatoris huius in literas retulit. Vopisc. in Auvelian. c. 4.

CALLICRATIDES [1] Methymnam vi cepit, Conone Atheniensium Duce Mitylene obsello [orig: obsellô], unice patriae devotus, Spartani exercitus Imperator. Sed ab Atheniensibus prope Insulas Arginusas victus, mari mersus obut, an. 347. Urb. cond. Xenoph. Hist. l. 1. Diodor. Sic. l. 13. Polyaen. l. 1. c. 48.

CALLICRATIDES [2] quartus e legatis, quos Lacedaemonii, rupta [orig: ruptâ] cum Alexandro Macedone societate, ad Darium miserunt; cum trihus collegis, prodita [orig: proditâ] Damasco [orig: Damascô], in Alexandri manus venit. Curt. l. 3. c. 13.

CALLICRATIDES [3] seu CALLICRATES, Graece *kallikra/ths2, Athenaeo l. 11. refertur inter nobiles Toreutas, *kallikra/ths2 o( la/kwn kai\ *mu=s2, Callicrates Laco et Mys. Unde Salmas. apud Plin. l. 33. c. 12. Post hos celebratus est Calamis --- Mox Cyzicenus Tauriscus, item Ariston --- et circa Magni Pompeii aetatem Praxiteles, Posidonius Ephesuis, Laedus Stratiates, qui praelia armatosque caelavit: Pro Laedus Stratiates, legi vult, Laco Callicrates. Vide eum Exercitat. Plin. ad Solin. p. 1047.

CALLICULA Mons erat Campaniae, aliter Eribanus et Eribianus, Brietio, inter Turrim Francolisiam et Calem. Item, oppid. Campaniae, ad Casilinum fluv.

CALLIDEMUS an Historicus fuit, haud satis compertum habemus. Plin. l. 4. c. 12. et Solin. c. 17. hoc [orig: hôc] teste astruunt Euboeam prius Chalcidem esse vocatam; aere ibi prius reperto [orig: repertô]. Voss. l. 3. Hist. Graec.

CALLIENA nobile olim Orientis Emporium, cuius mentio apud Auctorem Peripli, *kallie/na po/lis2 h( e)pi/ tw=n *saraga/nou tou= presbute/rou xro\nwn e)mpo/ rion e)/nqesmon geno/menon, meta\ ga\r to\ katasxei=n auto\ *sanda/khn enwlu/qh e)pi\ polu/, Calliena urbs, tempore Saragani senioris (qui ibi regnaveat) emporium fuit celebre, postquam vero Sandaces (Saragani finccessor) illud occupavit, multum pristim splendoris perdidit, vide Salmasium ad Solinum p. 1186.

CALLIMACHUS [1] Cyrenaeus Historicus et Poeta Batti et Mesalmae fil. discipulus Hermocratis Iasensis Grammatici, vixit apud Ptol. Philadelphum usque ad Euergetem Bibliothecae regiae praefectum. Scripsit pluriam, sed paucis, ingentem librum ingens malum vocare solitus, inter cetera opus de origine et causis Sacrorum, quae *ai)/tia inscripsit. Martialis, ad Mammurram l. 10. Epigr [orig: Epîgr]. 4. v. 11.

Si non vis Mammurra tuos cognoscere mores,
Nec te scire legas Aetia Callimachi.

Conscripsit etiam in adversarium poema acerbissimurn, quem ficito [orig: ficitô] nomine Ibin appellavit. Edidit et hymnos, qui hodieque exstant: Item carmen de Beremces coma, quod Catullus transtulit, eum, cum Propertio. saepe imitatus. Vide Suid. Voss. de Hist. Graec. l. 1. c. 15. et Ionsium de Script. Hist. Phil. l. 2. c. 5. Fuit etiam Callimachus iunior Poeta e)popoio\s2, ex superioris sorore natus, Stasenoris, et Megatimae, quae Callimachi soror erat, filius, ut est apud Suidam. Sed huius non ita magnum nomen fuit.

CALLIMACHUS [3] Atheniensis Dux praestantissimus, praelio [orig: praeliô] cum hostibus Persis commisso [orig: commissô], quamplurimis hastilibus cum transfossus esset. et animam efflasset [orig: efflâsset], rectus sterit. Plut. in Paral.

CALLIMACHUS [4] Atheniensium Polemarchus, cum Dianae tot boves vovisset, quot in Marathone Barbaros occidisset, postquam plures occisi essent, quam ut votum solvete posset, capras im molavit.

CALLIMACHUS [5] Colophonius, Tatiano Oratione ad Gent. laudatus. Ut et Euseb. praepar. Euang. l. 10.

CALLIMACHUS [6] Umber, Mevania [orig: Mevaniâ], hodie Bevagna, in Ducatu Spoletano oriundus, Propertii conterraneus; qui Callimachi meminit, l. 4. El. 1. v. 64.

CALLIMACHUS [7] Sculptor thci/texnos2 nominari voluit, quast artis interpellator, et qui eam in tenuiorem, exquisitioremque disciplinam reduxit, th/kein enim liquefacere, conflareque significat. Nam ipse primus lapidem perforavit, minutatimque tractavit. Pausan. l. 1. et Plin. l. 34. c. 8. kakizo/texnos2 legunt. At Vitruvio l. 4. c. 1. kata/texnos2 dicitur.

CALLIMACHUS [9] Experiens Philippus, San Geminiano, in ditione Florentina oriundus, Pauli II. literatorum osoris, odium declinaturus, in Poloniam abiit, a Casimiro Rege filiorum institutioni admotus, ei Albertoque fil. successori gratissimus. Auctor Historiae Attilae, bellorum Vladislai, Poloniae et Hungariae Regis libris 3. ut et de concitatis a Venetis contra Turcas Persis Tartarisque, etc. Trithem. Anno [orig: Annô] 1490. quo [orig: quô] obiit. Volaterran. l. 7. Cromer. l. 30. Michov. l. 4. c. 78. Voss. Hist. Lat. l. 3. c. 8. Adde Platinam, in Paulo II.