CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

CERNETANI qui Mariani cognominabantur, Italiae populi prope Casinum, et Bovillas. Plin. l. 3. c. 5.

CERNETUM Italiae oppid. Plin. l. 3. c. 5. Alias Ceratae, oppidum Latii, quod vide.

CERNUI Pueri, in Ludis dicebantur, qui capite in solo fistebant, pedibus in aerem erectis. Servius, Unde et pueros, quos in ludis videmus ea [orig: eâ] parte, qua [orig: quâ] cernunt, stantes, Cernui vocantur, ut Varro docet in Theatralibus. Graeci kubisth=ras2 vocant, et cernuare kubista=|n. Cuiusmodi lusores Consualibus olim, apud Romanos, adhibebantur. Scaliger, Poetices l..1. c. 28. Invenimus in vetustis monumentis, inter coetera ludicra Consualibus pastores inverso [orig: inversô] ac vibrato [orig: vibratô] corpore cernuos salire solitos. Alias cernui equi eidem, qui, pedibus prioribus deficientibus, in faciem cadunt, quasi in eam partem ruentes, qua [orig: quâ] cernimus. Cuiusmodi equi meminit Poeta, l. 12. Aen. v. ult. his,

Tollit se arrectum quadrupes et calcibus aurae
Verberat effusumque equitem super ipse sequutus
Implicat, eiectoque incumbit cernuus armo.

Ubi to\n o)rqoplh=ga Graecorum expressit, qui arrectum se tolli: Non tamen semper se cernuant equi, qui in altum sese erigunt. Recentioribus cernuari est, in praecipitium se dare et per abrupta ruere capite prono [orig: pronô], ut petauristae faciunt: sed verbum simpliciter id significare non ptest, nisi addaur, per praerupta, aut in praeceps, etc. Vide quae supra diximus, de Centareti equo. Sed et Cernui boves dicuntur, quorum cornua terram spectant, sicut Licini, quae ea sursum versus habent reflexa. Salmas. ad Solin. p. 211. et 894.

CEROMA unguentum ex oleo, pulvere ac cera mixtum, quo [orig: quô] priscis temporibus Luctatores, ante certamen, inungi solebant, in ea parte Gymnasii, quae Alipterium seu Unctuarium, aliquando etiam, ut apud Plinium, Senecam ac D. Hieronymum videre est, Ceroma hinc dicebatur: sicut iidem pulvere postea, haphe dicto [orig: dictô], adspergebantur, in alia parte, quae Conisterium vocabatur. Vide Hieronym. Mercurialem, de Arte Gymnast. l. 1. c. 9. et infra, ubi de Lucta, Unguendi ritu, alibique. Addam solum, Veteres athletarum iconibus palaestras suas, ut et Ceromata, exornare consuevisse, uti docert ad Chabriam Nepotis, c. 1. Keuchenius.

CERON [1] equus Adrasti, apud Graecae Thebaidos auctorem Antimachum, laudatum Pausaniae, l. 8.

*)/adrastos2 *talaw=| ui(o\s2 *krhqhi+a/dao,
*prw/tistos2 *danaw=n u(perainetw=| h)/lasen i(/ppw|
*kairo/n te kraipno\n kai\ *)arei/ona *qelpousai=on.

De quo vide Barthium, Animadversion. ad Statium, ubi eius loco [orig: locô] Cyllarum substituit Luctatius, Thebaid. l. 4.

CERON [2] est fons in Hestiaeotide, cuius aqua bibentes oves facit nigras. Plin. l. 31. c. 2.

CERONIA arbor quae siliquas fert, nonnullis sukh= *ai)gupti/a, plurimum nascebatur, in Syria, Ionia, Rhodo, Caria et circa Gnidum, dicta a)po\ tou= ke/raos2, cuius fructus similiter ke/ra et kera/tia, vide supra in voce Ceratium.

CEROPASDES Strab. vel ut alii, Cerospades, a Patre Phraate, Persarum Rege, Augusto firmandae amicitiae obses, cum aliis tribus filiis, duabus nuribus, quatuor nepotibus datus.

CEROSSUS iuxta Ionium pelagus locus aut insula videtur inter Meliten, et Macedoniam. Apollonius, l. 4.

CERPHERES Memphitarum Rex VIII. post Siphurim, praefuit annos 26. Serapide in inferiore Aegypto regnante: cum excepit Soris, quem vide. Pyramidem primam hunc Memphitarum Regem, minorem nempe, condidisse refert Herodot. l. 2. c. 127. ubi illum *xefrhn=a vocat: ficut alteram, maximam videl. Suphis, tertiam Nitocris, omnes in eadem Regum serie, exstruxisse traduntur. Unde, quod Venephes Thinitarum Rex in Chochome primas uyra,odes erexosse. docotir. sprte ad iimc Cerpherem pertinet, cum extra Memphiticum territorium prorsus nulla exstet pyramidum memoria, Plin. l. 36. c. 12. Fuere [orig: Fuêre] quidem augustissima Thebanorum in Aegypto Regum sepulchra, nec contemnenda Saitarum Regum monumenta: sed hi a)i/+dioi oi)=koi, aeternae habitationes, ut Diodor. Sic. vocat, l. 1. pyramides indigito, Memphitarum Regum proprium opus fuere [orig: fuêre]. Et quidem inter hosce, aemulatione quadam [orig: quâdam], adeo increbuit puramidotexni/a, ut tot fere supersint pyramides, quot Memphitarum Regum nomina, cum unicuique Regi sua sit pyramis. Celeberrimae autem sunt tres praedictae, de quibus Plinii locus praefatus sic habet: Pyramides tres, quae orbem terrarum implevere [orig: implevêre] fama [orig: famâ], sitae sunt in parte Africae, monte saxeo sterilique, inter Memphim oppidum et Delta. Item, Istae tres conspicuae undique annavigantibus. Auctorum vero nomina diversimode referuntur, ut Diodorus Sic. docet: quam in rem vide plura apud Ioh. Marshamum, Canone Chron. ad Sec. III. ubi post Nitocrium nullas amplius exstructas pyramides, nisi aevo [orig: aevô] longe inferiori in Moeridis insula, aut Labyrintho, adnotat. Itemvoce Chocborace, et Moeirs.

CERRETANI Hispaniae populi. Plin. l. 3. c. 3. Quorum regio Cerretania. Parsantea Cataloniae; nunc media eius pars subest Gallis. Estque intra montes Pyrenaeos et fontes Sicoris fluv. Oppid. Iugum Cerretanorum, vulgo Puicerda caput est provinc.

CERRETANIA Gall. la Cerdagne, provinc. est inter Occitaniam et Cataloniam.

CERRETANUM quibusdam vicus Torre de Cerdana, in valle Carolina, versus Pyrenaeos, 2. leuc. a Iugo Cerretanorum in Boream.