CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

CODURA [note of the transcriber: in the print: CODDURA] Indiae intra Gangem urbs, Ptolemaeo. Gandavari Castaldo.

CODON Graece *kw/dwn, proprie cymbalum est, vel parva potius ex aere nola. Hinc et tubarum orificia, qua spiritus emittitur, quod eam referant formam, sensimque sese in exitu dilatantia repandis per ambitum labris aperiantur. Codones quoque appellati: quos et hodiernas tubas habere videmus. *keklasmenon kwdwna vocat Eustathius, quod labra in ambitu sic repanda et replicata habeat. Porro, ad instar tubae, ribiis Phrygiis, quae ex buxo, aut etiam ex ossibus fiebant, huiusmodi kw/dwnes2 ex cornu facti addebantur, ut clarius et acutius sonarent: cuiusmodi sunt hodieque tibiae, quas altibuxias Galli vocant. Coeterae tibiae his carebant et ea [orig: eâ] parte similes erant, illi generi fistularum, quas dulces iidem vocant. Sed et plagiaulos, i. e. Libyca tibia, codonem similiter e cornu habebat: verum illa incurva erat, Phrygia recta. Undetum adunco cornu tibiam vocat Ovidius, l. 3. Met. v. 533. in Bacchi sacris, de plagiaulo accipi par est. Virg. l. 11. Aen. v. 737.

Utramque in antiquis monumentis implexas videre est, ubi sacra Deum [orig: Deûm] matris insculpta habentur, et utramque quidem cum codonibus seu cornibus, namque et sic codones tibiarum dicebantur. Pollux, ke/ras2 de\ e(kate/ron toi=s2 au)loi=s2 pro/sestin, kai\ au)lei=tai th= *grugi/a| qea=| Hinc Ceraulae et Cerataulae, de quibus supra. Vide almas. ad Solin. p. 123. ut et infra Nola.. it. Papdver, Plagiaula, Tintinnabulum.

CODROPOLIS Illyriae oppid. Appianus. Ioh. Lucio locus in Carnis, nunc Codroipo, in Foro Iulii, iuxta amnem Stellam, 18. milliar. apalmanova in Occasum, 12. ab Utina. Baudrand.

CODRAUS XVII. et ultimus Rex Atheniensium fuit, Melanthi filius; qui cum Heraclidae, instigantibus maxime Corinthiis et Messeniis, gravi bello [orig: bellô] Atticos premerent, respondissetque Pythia, Quorum Dux ab hoste esset occisus eos Futuros superiores, deposita [orig: depositâ] veste Regia [orig: Regiâ], pastoralem cultum induit, immissusque castris hostium de industria rixam ciens interemptus est, an. regni 21. Davidis 5. Mundi 2985. ante Christum Natum 1068. alii circa tempora Elon et Abdon Iudicum. Secuti sunt Archontes, ut narrat Paterculus, l. 1. c. 2. quorum primus Medon, quem vide. Horat. l. 3. Carm. Od. 19. v. 2.

Hoc [orig: Hôc] facto [orig: factô] Peloponnesii, digredientes finibus Atticis, Megaram condiderunt et incolas ex Ionibus fecerunt Dorienses: aboleverunt etiam sth/lhn Cippum, quem Ionibus a Peloponnesiis disernendis, Theseus pridem in Isthmo collocaverat, cum ad agrum Megaricum Attico adiecisset, adeo ut de Megarensibus deinceps dictum sit, ou)/t' e)n lo/gw| ou)t' e)n a)riqmw=|, Strabo, l. 9. Pausan. l. 1. Ioh. Marshamus, Canone Chron. ad Sec. XIII. Ab eo tempore Dorienses in Atticam non venisse, usque ad Pisistratidarum tyrannidem, notat Herodotus, l. 5. c. 76. Ab hoc proverbium, Codro [orig: Codrô] generosior, vide Iustin. l. 2. c. 6. Val. Max. l. 5. c. 6. Cicer. l. 1. Tuseul. c. 48. Apud Virg. Ecl. 5. v. 11. Codrus pastoris nomen est, perinde ut Alcon:

--- - --- Si quos aut Phyllydis ignes;
Aut Alconis habes laudes, aut iurgia Codri.

Ubi male Servius ad Codrum Atheniensem refert, quem eo [orig: eô] nomine Scaliger notavit, animadversionib. Euseb. Nic. Lloydius.

CODRUS [1] Echeanacti fil. qui, ope fratrum anaxagorae et Diodori, Hegesiam Ephesi tyrannum interemit, vide Diodor. -sic. et Polayaen. l. 6. c. 49.

CODRUS [2] Poeta Latinus cuius Virg. meminit, in Bucolicis. Ecl. 7. v. 22.

Nymphae, noster amor, Libethrides, aut mihi carmen,
Quale meo Codro, concedite.

CODRUS [3] Poeta quidam pauperrimus, sub Domitiano, cuius paupertas proverbio locum secit, ut dicamus Codro Pauperior. Iuvenalis, Sat. 3. v. 203.

Plus credit nemo, quam tota [orig: totâ] Codrus in urbe,
Cum sit tam pauper, quomodo caecus amat?

COECILIUS praenomine Titus, Primi pili centurio, cecidit ex Afranianis ad Ilerdam. Caesar, l. 1. de Bello Civ. c. 46.

COECULUS congnomento Saturnus Iunior regnavit apud Aborigines anno [orig: annô] ante Urb. Cond. 807.

COEL Rex M. Britanniae, patruo [orig: patruô] Asclepiodoto [orig: Asclepiodotô] occiso [orig: occisô]. Pater Helenae, avus Constantini M. Item, filius et successor Marii. Item. alius a Fregusio Scoto devictus. Polydor. Virg. Duchesnius, Hist. Angl.

COELA [1] Atticae regiuncula, Miltiadis et Thucydidis sepulchris nobilitata, Marcel. in vita Thuryd.