December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0005

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0006

[gap: praeliminaria]
page 939, image: s0939b

COMES [46] Novellus, dictus Bertrandus de Balcio Comes Montiscaversi et Andriae, apud Ioann. Villaneum, l. 9. c. 72. etc.

COMES [47] Numeri seu Cohortis eidem praefectus. Sim. Metaphrastes in Martyr. S. Georgii, n. 2.

COMES [48] Obsequii qui obsequio et Comitatui Imperatoris praeerat, in Epist. Gregorii II. Vide infra Obsequium.

COMES [49] Officiorum, in Clementina Epist. de Gestis S. Petri c. 164. idem forte cum Magistro Officiorum.

COMITES [14] Ordinis primi praecipui erant ex Magistratibus Palatinis, quorum quidam Comites Ordinis primi intra Palatium dicebantur, quod seil. in Palatio militarent: vel Comites primi Ordinis in Consistorio; erat enim iis Consistorium Principis ingredi fas, si vocarentur. Vide Salmas. ad Pollionem, loc. cit.

COMITES [15] Ordinis secundi dicebantur, qui his proximi erant, et e quibus ad Comitivam primi Ordinis assumebantur. Vide Senatorem, l. 7. Ep. 26.

COMITES [16] Ordinis tertii iidem Car. du Fresne videntur, qui Comites Inferiores et Minores, in quorum numero Tribuni. Salmasius vero secundi Ordinis Comitiva [orig: Comitivâ] eos donat, ubi supra: minimam et infimam tertii ordinis Comitivam vocans.

COMES [50] o)yari/ou seu obsoniorum in Chron. Alex. idem cum Comite Annonae.

COMES [51] Pagi, h. e. provinciae vel Civitatis, vide supra.

COMITES [17] Palatii, vide infra Palatini.

COMES [52] Parochialis apud Hungaros dicitur proprius regionis cuiusque praefectus: qui cum suo Vicecomite, qui Iudex Nobilium dicitur, iudicandi ius habet, in suo Comitatu.

COMES [53] Patrimonii quod privatum Imperatoris dicitur, l. 8. Cod. Theodos. de Iure Fisci: apud Gothos etiam, patrimonium Regis ac mensam procurabat. Cuius Comitivae formulam exhibet Senator, l. 1. Ep. 9.

COMES [54] per utramque Germaniam apud Ammianum, l. 27.

COMES [55] per Illyricum per Orientem etc.

COMES [56] Perpetuus apud Hungaros dicitur cum dignitate natus, qui solius Regis iudicio [orig: iudiciô] nititur.

COMES [57] Pilosus apud Alemannos, idem cum Silvestri seu Hirsuto. In Chronico Flandriae, c. 15. le Comte Pelu, etc. 21. le Pelu du Rhin dicitur, et inter Electores saeculares primus recensetur: quo [orig: quô] pacto [orig: pactô] is fuerit Comes Palatinus Rheni, vide infra in Pilosus.

COMES [58] Portus [orig: Portûs] Romae sub dispositione Praefecti Urbis, navibus frumentariis praeerat. Formulam huius dignitatis exhibet Senator, l. 7. Ep. 9.

COMES [59] Praesenti, *ko/mhs2 *praise/ntou apud Theophanem, p. 141. qui militibus in Praesenti praeerat, vide infra Praesens.

COMES [60] Provinciae seu Rector Provinciae qui provinciae, Comitiva [orig: Comitivâ] primi ordinis decoratus, praefuit, Senator, l. 1. Ep. 1. Vide infra Provinciae Comes.

COMES [61] et Rationalis summatum Aegypti sub dispositione Comitis sacratum Largitionum in Notit. Imper. Vide infra Summa.

COMES [62] Regalis, apud Odonem Fossatensem in Vita Burchardi Comitis Corboliensis, i. e. clientelae iure Regi obnoxius.

COMES [63] Rei castrensis apud Ammianum, l. 30.

COMES [64] Rei Militaris qui cum certo militum numero provinciam defendebat, l. 3. Cod. Theodos. de Comitib. Rei milit.

COMES [65] Rei privatae vide supra.

COMES [66] nitentium vide infra Tribunus rerum nitentium.

COMES [67] Riparum et Alvei sub dispositione Praefecti Urbis, curam habebat aquarum et alvei Tiberis: prius Curator alvei et riparum Tiberis ac cloacarum urbis dictus, quod officium Augustus instituit, Sueton. c. 43.

COMES [68] sacrarum Largitionum vide supra.

COMES [69] sacrarum Remunerationum, Idem.

COMES [70] Sagittarii Armeni, unde 6. Vexillationibus Palatinis, quae erant sub dispositione VI. Magistri Militum Praesentalis, in Notit. Imper.

COMITES [18] Sagittarii minores una e 5. vexillationibus Palatinis, sub dispositione eiusdem. Ibid.

COMES [71] Scanciarum, in Concil. Toletano VIII. XIII. iidem cum Scancione, Gall. Eschancon.

COMES [72] Scholarum, qui Scholis Palatinis praeerat, de quibus Notit. Imper. et Iac. Gothofredus ad Cod. Theodos. et Iustin. tit. de Comitibus et Tribunis Scholarum.

COMITES [19] Seniores, una e 6. vexillationibus Palatinis, sub dispositione Magistri Militum in Praesenti, Notit. Imper.

COMITES [20] Siliquaticorum, ponderibus et mensuris praeerant. Vide infra Siliquaticum.

COMES [73] Silvester, Gall. le comte Sauvage du Rhin, idem cum Hirsuto et Piloso.

COMES [74] Sollemniorum, apud Ammianum, l. 15. ubi Comes Sommorum restituit Vir doctus.

COMES [75] Spathariorum, dignitas Palatina in Aula Regum Gothicorum Hispaniae, vide Spatharius.

COMES [76] Stabuli vide in voce Connestabilis, Constabularius et infra in Stabuli Comes.

COMITES [21] Taifali, una e vexillationibus Palatinis sub dispositione Magistri Militum Praesentalis, Notit. Imper.

COMITES [22] de Tertio denario dicebantur in Anglia Comites, quod Comitatuum reditus [orig: reditûs] pars tertia ad illos pertineret: ab ipso iam Caroli M. aevo. Quod et in Hungaria obtinuit.

COMES [77] Thesaurorum, in provincits thesauros Principis servabat, l. 14. et 22. Cod. Theodos. de divers. Offic. et Appar. Dignitas etiam in Palatio Regum Gothicorum Hispaniae usitata, ut ex Concil. Toletano XIII. patet.