CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

CONARUS Scotorum Rex 20. Necis Mogaldo patri illatae conscius, et omnium primus, qui a Scotis tributum, et vectigal exegit, ob id in carcerem trusus, miserrime vitam cum morre commutavit. Hist. Scot.

CONCANA Hispaniaeurbs in Asturia. Ptol. Populi Concani. Horat. l. 3. Carm. Od. 4. v. 34.

Nec, qui Massagetem monsirans feritate parentem,
Cornipedes fusa [orig: fusâ] satiaris, Concane, vena [orig: venâ].

CONCANGIUM Britanniae oppid. Lib. Notit. The Barony of Kendal Camdeno. Cuius verha sunt, Concangios olim (de Candalia in Westmaria loquens) stationem fuisse opinatus sum, sed iam rectius cocuit. Alibi enim de Haulton, vel Holton, oppido in confinio Cestrensis et Lancastrensis Comitatus verba habens, ait, Nec ego alibi quaerere ausus sum, quam [orig: quâm] in hoc tractu stationem illam Cangangios, ubi Nummerus vigilum, etc.

CONCANI populi fuere [orig: fuêre] pars Cantabrorum; quorum oppid. Concana nunc forte Santillana, urbs Asturiae versiis oram littoralem ex primis regionis. 15. milliar. a confinio Biscaiae. Brietius, Sanson.

CONCARNEUM oppid. Britanniae minoris cum arce, in Cornubiae tractu, 4. leuc. a Corisopito in Austrum.

CONCEPTA Verba sunt a Seniore aut honoratiore parte praestituta, praescripta, ab altera probata, et sic tandem in certam foederis formam redacta. Hinc Statius, l. 2. Achill. v. 226.

--- -- An nos humiles tibi, degeneresque videmur?
Non renuis. Iunge ergo manus et coucipe foedus,
Atque ignosce tuis --- --

Petronius tamen et Seneca etiam uni, sine deliberatione cum altero, conceptis et quidem conceptissimis alter, verbis iuramentum adscribunt. Vide Casp. Barthium, Animadvers. ad Statium d. l.

CONCEPTIO [1] Ordo sacer Virginum, in communione Romana a Beatrice de Silva, Lusitava, institutus. Ab Innocentio VIII. approbatus, A. C. 1489. Miraeus, orig. relig. l. 5. c. 13. spond. A. C. 1484. Item ordo militaris, a Ferdinando Mantuano Duce Carolo Gonzaga Nivern. et Adolfo Comite Allano, etc. fundatus, A. C. 1619.

CONCEPTIO [2] civitas Americae meridionalis in ora maris Pacifici, cum portu capaci, ipsa totius Ciles ex primis. Sedes Praefecti. Probe munita, sub Hispanis.

CONCEPTIO [3] oppid. Americae in Paraguaia, ubi amnis Urvaigus in Argenteum fluv. se exonerat. In ditione Hispanica.

CONCEPTIO B. Mariae Virginis Festum celebre in Communione Romana iam A. C. 1136. viguisse Lugduni Galliae, refertur Baronio, ad annum hunc num. 14. Quod officium a Leonardo de Nugarolis Verornensi, Notario, ut vocant, Apostolico, compositum et a sixto IV. confitmatum esse, legas apud Macros Fratres, in Hierolex. Apud Graecos *su/llhyin festivitatem hanc vocari, et die festivitatem Latinorum sequente, ab iis ex Emanuelis Imperatoris constitutione celebrari: in Sfortianae quoque Bibliothecae MSS. Leonis Imperatoris de hac sollennitate Sermonem asservari, iidem referunt. Non fuisse autem Festum illud suo [orig: suô] tempore in Ecclesia Romana communiter acceptum, tradit Durandus Mimatensis Episcopus, Rationalis l. 7. c. 7. qui vixit A. C. 1280. Petrus quoque de Natalibus in Catal. Sanctor. l. 1. c. 42. non exgenerali Ecclesiae constitutione, sed ex privata quorundam devotione, suo [orig: suô] tempore celebratum, docet. Quin in Concilio Oxoniensi A. C. 1224. exceptum fuisse idem, a reliquis necessario celebrandis, colligas ex Concilior. Tom. II. p. 1005. edit. P. Crabbe et Tom. III. Binnil, Part. II. A. C. 1222. Nec Dominicanos, sub nomine Conceptionis, sed Sanctificationis, illud recoluisse usque ad tempora Pauli V. docet Rivetus. Postmodum vero maiori cura [orig: curâ] haec res tractata est, uti patet ex libro Lucae Waddingi Hiberni Minoritae, cui titul. De legatione philippi III. et Philippi IV. ad Paulum V. et Gregorium XV. pro desinienda Controversia, de Conceptione Virginis et Obser v. ad eum A. Riveti, Apolog. pro SS. Virgine, l. 1. c. 5. et seqq. Nec omittenda numismata ab Hispanis, qui Conceptionem immaculatam hoc [orig: hôc] Festo [orig: Festô] celebrari, cum Franciscanis, aiebant, contra Dominicanos (qui hac [orig: hâc] celebritate annua [orig: annuâ] voluisse saltem Ecclesiarn recolere divinum illud beneficium, quo [orig: quô] factum est, ut conciperetur Illa, ex qua Salvator nasci debuit, docuere [orig: docuêre] ) cusa, sub initum huius saeculi, lite hac [orig: hâc] in Ecclesia Romana maxime fervente. Habebant illa ex una parte corporis et calicis Christi effigiern, cum verbis: ALABADO SIA EL SANTISSIMO SACRAMENTO, h. e. Laudatum sit sanctissimum Sacramentum. Ab altera vero parte ferebant imaginem hieroglyphicam Conceptionis huius, cum Inscr. CONCEPTA SINE PECCATO ORIGINALI: adiecta [orig: adiectâ] chorda [orig: chordâ] Frauciscana [orig: Frauciscanâ], ambiente figuram, ut pateret hanc eorum doctrinam esse etc. De quibus et ipsis ingentem litem obortam vide apud eundem Waddingum, ubi supra.

CONCEPTIO S. Iohannis Baptistae Festum itidem Latinorum, quod reperiri in quibusdam Martyrologiis antiquis, die 24. Septembr. et in quodam Missali Equitum Melitensium A. C. 1405. Argentorati impresso, ac in Brancaccii Cardinal. Bibliotheca asservari solito, scribunt Macri.