December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0005

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS PRIMVS Literas A, B, C, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0006

[gap: praeliminaria]
image: s1005a

COTYLA mensura liquidorum, continens quartatios duos, utnas mensurales novem, Graece kotu/lh. Aliquando pro hemina; nonnumquam etiam pro libra mensurali. Cuiusmodi quinque Cotylarum aquae mensura unicuique litigantium Athenis olim dabatur, ad quam causam oraret suam, ex lege Harpocrationi memorata. Ad clepsydram enim causas, quae magni momenti erant, agi consuevisse legimus, kai\ pro\s2 diamemetrhmen/hn h(me/ran; qualis inprimis h( th=s2 kakwsews2 tw=n gone/wn di/kh, causa malae tractationis Parentum; item causa abdicationis: de qua praesertim intellecta vult Harpocrationis verba Petitus: neque enim omnibus in causis totidem eaedemque mensurae aquae dabantur, addens. Vide eum Comm. in LL. Attic. l. 2. tit. 4.

COTYLAEUM Euboeae mons. Steph.

COTYLAEUS Aesculapius apud Eurotam Laconiae fluv. cultus, cuius templum ab Hercule positum est, cum ex vulnere in cotyle, i. e. in manus concavitate sanatus esset. Pausan. l. 3.

COTYLIUS Arcadiae mons. Pausan. l. 8.

COTYLUM collis in Ida monte 120. mill. pass. a Scepsi distans, in quo Scamandri, Granici, et Aesopi fluv. origo, a)po\ th=s2 kotu/lhs2, a cavitate vel receptaculo dictus.

COTYORA vide Cytorum.

COTYRGA Siciliae Mediterraneae urbs. Ptol.

COTYS [1] fil. Manetis, primi Maeoniae Regis ex Callirrhoe Oceani filia, patri successit: ex Halia Tulli indigenae filia, suscepit Asiem, a qua Asia dicta, et Atym, Lydi patrem Atyadarum seu primae Regum Lydorum Dynastiae conditorem. Dionys. Halicarn. l. 1. Vide supra Atys.

COTYS [2] Latina [orig: Latinā] terminatione Cotus, Thraciae Regum nomen. Nepos in Iphicrate, c. 3. Mnesthea filium reliquit, ex Thressa natum, Coti Regis filia. Idem in Timotheo, c. 1. Cotyn Graeca [orig: Graecā] ratione vocat. Cotyn Thraciae Regem in Pompeiana militia, commemorat Caesar. l. 3. de bello Civili, c. 4. ubi vide Ciacconium. Pompeianas partes fovit. Lucan. l. 5. v. 54.

--- -- Fortemque Cotyn, fidumque per arma
Deiotarum. --- -- --- --

Hic, cum natura [orig: naturā] esset iracundior, et asper eorum, qui in ministeriis deliquissent, castigator, vasa fictilia, tenuia quidem et fragilia, sed caelaturis quibusdam et sculpturis eleganter elaborata, sibi ab hospite allata, simul omnia confregit, ne in eos, qui illa fregissent, asperius animadverteret. Plut. in Apophth. Alius [orig: Alīus] Regis Thraciae hoc [orig: hōc] nornine, qui regnum cum patruo suo Rescupori divisit, ab hoc dein per proditionem occisus, mentio est apud Tacitum, l. 2. Annal. c. 64. etc. Hic ille Cotys est, literis, et Poesi excultus, an alius Getarum Rex? ad quem Ovid. l. 2. Eleg. 9. de Ponto, v. 1. scripsit, exul scil. in eius regno,

Regia progenies; cui nobilitatis origo
Nomen in Eumolpi pervenit usque Coty.

Coti Odrysarum Regis meminit Liv. l. 42. c. 29. et 51. Alius [orig: Alīus] Coti Aedui Caesar, l. 7. de bell. Gall. c. 32. Vide Cotus.

COTYS [3] Armeniae minoris Rex, sub Claudio, Mithridati bel lum movit, Tacit. l. 11. et 12. Annal.

COTYTTO us, Dea impudicitiae, cui Athenis a Baptis (eo [orig: eō] nomine vocabantur eius sacerdotes) nocturna sacra fiebant, quae ab illa vocantur Cotyttia. Hanc Probus saltatticem fuisse existimat, unde etiam sacerdote eius lascivis saltationibus mores eius referebant. Iuvenal. Sat. 2. v. 91.

Talia secreta [orig: secretā] coluerunt orgia taeda [orig: taedā],
Cecropiam soliti Baptae lassare Cotytto.

Horat. Epod. 17. v. 58.

Inultus ut tu riseris Cotyttia
Vulgata, sacrum liberi Cupidinis.

Vide Politian. Miscellan. c. 10.

COTZIANUM Phrygiae civitas. Iornandes.

COVALIA vulgo Kile, provinc. Scotiae meridionalis inter Carrictam, Cuninghamiam et Cludesdaliam provinc. ubi Aerea, urbs primaria, mercibus affluens, cum portu satis commodo.

COVARRUVIAS [1] Antonius, ICtus, fratrem Didacum, de quo mox, iuvit in editione Variarum Resolutionum: atque ipse de Iure Portugallico librum emisit.

COVARRUVIAS [2] Didacus, Toletanus, ICtus famigeratissimus, docuit Ius Canonicum Salmanticae, inde Corrector et Auditor Burgis ac Granatae, postmodum Archiepiscopus Insul. S. Dominici A. C. 1549. interfuit concilio Tridentino, Decreto Reformationis componendo adhibitus: tandem Episcopus Segoviensis, et Praeses Consilii Regii, obiit Madriti A. C. 1577. aetat. 65. Edidit plurima quae vide in Elogiis Ant. Teissier, Part. 1.

COUBELA Arx Indiae Orientalis in Amboina, una ex Moluccis, in ditione Hollandorum.

COUCHIN unum ex maximis Indiae promontoriis. Garzias ab Ort. l. 1. Histor. aromat. c. 17.

COUCINUS Guilielmus, vide Guilielmus.

COUCUM regnum parvae Barbariae, in Africa cum urbe cognomine in mediterran. intra montes, inter regna Algerii et Bugiae. 60. milliar. ab ora maris Africi.

COVELIACAE vulgo Kochel, locus Bavariae superioris non longe ab Isaro fluv. Cluver. 8. leuc. Germanic. a Monachio in Merid. 6. a Schonga in Ortum.

COVENTRAEUS Guilielmus, vide Guilielmus.

COVENTRIA urbs Angliae media inter Herefordiam, et Lincolniam ad 50. milliar. a Vigornia 20. Londinum versus. Baudrando sita in Comitatu Varvicensi, 20. milliar. a Lichfeldia, 6. a Warvico in Boream. Vide Conventria.