December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0002

[gap: blank space]
image: as0003

[gap: illustration]
image: s0102b

DONILAUS Dynasta Gallograeciae, qui cum Tarcundario Castore 300. Equites, auxilio contra Caesarem Pompeio adduxit, Caesar l. 3. de bell. Civ. c. 1.

DONINCUM Ambianorum castellum vel municipium Galliae, a Rodolpho Rege captum ac dirutum, A. C. 931. Hodie Doulens Picardis, alias; sed corrupte Dourlens, ad fluv. Albeiam. Hadr. Vales. Not. Gall.

DONLUSA vulgo DUNLUCE, castrum probe munitum Hiberniae, in parte Boreal. Ultoniae, in Antrimensi Comitat. in rupe, ad oram littoral. et fossa [orig: fossâ] a Continente sparatum, ad ostia amnis Boyess.

DONONIUM vulgo DENAIN, locus Hannoniae, non longe ab opp. Valentianis. Hadr. Vales. Not. Gall.

DONOTAURUS vide Caburus.

DONUM vide Dona.

DONUM DEI , DUNDÉE, urbs Scotiae Bor. in Angusia prov. ad Tavi aestuarium, 6. mill. ab Andreapoli in Bor. 12. a Perthia in Ort. satis munita.

DONUS [1] 66. Romanorum Ep. A. C. 334. Item alius 134. Pontifex Rom. A. C. 634. Nic. Lloyd. Vide Domnus.

DONUS [2] Molossiae fluv. Steph.

DONUSIA ins. parva Rhodi, in quam Dionys. Ariadnen ex Naxo transtulit, cum Minos pater eam persequeretur. Unde corruptum vocabulum videtur pro Dionysia. Steph.

DONUSSA Achaiae castell. inter Aegyram et Pallenem. Steph.

DONYSA ins. in mari Aegaeo, Cycladum una, in qua viride marmor nascitur. Virg. l. 3. Aen. v. 125.

Bacchatamque iugis Naxon, viridemque Donysam.

DONZIACUM vulgo DONZI, castrum Galliae, ad amnem, qui apud Condata Cosne, in Eigerim defluit: caput pagi cogn. pago Nivernensi coniungi soliti, Donziois. Ab illo 10. vel 12. mill. p. distat Domitiacum, vulgo Dommecy, vicus proximus Chorae Cure vico, cognomini flum. insidenti. Ambo hi vici in Duc. Nivernensis sunt finibus, qua [orig: quâ] Antissiodorensem agrum attingunt. Hadr. Vales. Not. Gall.

DOR i. e. generatio vel habitatio, civitas Palaestinae maritima, Dora Ptol. In tribu Manasse, in ora littor. 5. mill. a Caesarea in Bor. Nunc diruta. Baudr.

DORA ins. in sinu Persico. Steph. Item Fons Arabiae Plin. l. 6. c. 28.

DORACHIUS Sacerdos Gallus, scripsit Hist. Galliae, sub Duce Marcomiro II. Texeira, in Odemaro. Genebr. in Sixto I.

DORACTE insulae in sinu Persico, cui Mazena quidam praefuit, a quo Mistropastes Satrapa, Darium fugiens, hospitio acceptus est, navigationis ducem postea sese illi praebens, quo in patriam, quod quaerebat, remearet. Strab. l. 16.

DORAM opp. Phoeniciae, prope Carmelum; item Idumaeae, *dw=ra Ioseph. Antiqq. l. 13. c. 11. *)/adwra, Ibid. c. 17. Vide Bochart. Hierozioici Part. prior. l. 2. c. 18.

DORANAE Galatiae urbs. Anton.

DORATH Mauritaniae opp. Ptol.

DORATUS Iohannes, vide Iohannes.

DORCADES ins. maris Atlantici. Vide Gorgones.

DORCAS [1] i. e. caprea, vel. damula, nomen mulieris, quae et Tabitha Syriace dicebatur, a D. Petro Apostolo a mortuis excitata, Ioppe civitate, Act. c. 9. v. 36.

DORCAS [2] apud Mart. l. 10. Epigr. 65. v. 12. cuius Epigraphe in Carmenionem.

Tam dispar aquilae columba non est,
Nec dorcas rigido fugax leoni:

inter capreas silvestres numeratur; magis tamen ad cervum accedit. A Graeco de/rkw, video. Cuiusmodi animali nullo canum terrore, sed sola [orig: solâ] togarum iactatione, a spectatoribus, in arena agitari, insuperque a Romanis in puerorum oblectationem mansuefieri consuevisse; docet Mart. l. 13. in Xeniis. Epigr. 98. cuius Epigraphe Dorcas.

Delicium parvo donabis dorcada nato:
Iactatis solet hanc mittere turba togis.

Color earum rufus communiter; at in illarum genere platycerotes aliquando totae albae sunt, ut docet Bochart. Hierozoici Part. prior. l. 3. c. 26. et 27. Plura vide supra ubi de Capreis, ut et in voce Dorcas.

DORCATIUS Poeta Latinus, Isid. in voce Pileus. l. 18. orig. c. 69,

DORCESTRIA vulgo DORCHESTER, opp. geminum in Anglia, unum apud oram australem, inter Wintoniam ad Ort. et Exoniam ad Occ. Comitatus, qui Dursetshire vocatur, caput. Ad fluv. varum, Forme. Alias Dunovaria, et Durnovaria, et Durnum, urbs Durotrigum, antiq. monumentis clara. 4. mill. Angl. ab ora maris Brit. 40. a Vintonia in Occ. et 30. a Vecti Ins. similiter in Occas. Baudr. Vide Dorsetia et Dunum. Alterum Dorchester, prope Oxonium, inde 7. mill. pass. in Ort. Londin. versus, ad Isis et Tamae amnium confluentiam, olim sedes Episcopalis, quae postea ad Lincolniam transferebatur. Guil. Malmesbur. l. 4. de gestis Epp. Angl. Baudr. nunc vicus, in Oxon. Comit. 9. mill. ab Oxonio in Austr. totidem a Readingo in Bor. 2. mill. supra Callevam Atrebatum.

DORCEUS [1] Musicus Regis Cyzici, a Polluce, in conflictu nocturno interemptus.

DORCEUS [2] inter canes Acteonis ab Ovid. numeratur. Met. l. 3. v. 210.

Pamphagus, et Dorceus et Oribasus Arcades omnes.

DORDA i. e. habitaculum vel generatio scientiae, fil. Machol. 1. Reg. c. 4. v. 31.