December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0002

[gap: blank space]
image: as0003

[gap: illustration]
image: s0119a

DURANDUS [2] Ep. Leodiensis, pauperrimis natalibus, Cancellarius Henrici II. fuerar. Quibusdam auctor epistolae contra Euseb. Burnonium Andeg. et Berengarium creditur. Sed Morerius illam vel Deoduino, Ep. Leod. vel Durando Abbati Truartii ascribit. Vixit circa A. C. 1025.

DURANDUS [3] Doctor Paris. scripsit contra libellum de potestate Eccles. et Saeculari, condemnatum in Concilio Senonenii et Aquensi.

DURANDUS [4] Gulielmus cognom. Speculator, Provincialis IC. celeberrimus sui saeculi 13. edidit Speculum iuris, Rationale divinorum officiorum, repertorium Iuris, et Comment. in Concilium Lugdun. Ep. Minatensis, sub Martino IV. qui eum ad Ducem Spoletanum legaverat. Obiit Romae A. C. 1296. Maiolus, in vita eius. Gesner. et Simler, in Bibl. Hotroman. Comm. de Verbis Iuris. Fichard. in vitis Iurcoss. Boucheus, hist. Prov. l. 9. sect. 3. §. 10. Morerius.

DURANDUS [5] Petrus vide Petrus.

DURANDUS [6] de S. Purcano Arvernas, Iacobinus, Ep. Metensis, scripsit in 4. libros sententiarum, et de origine iurisdictionum. Obiit A. C. 1333. Trithem. Cat. Sixtus Sen. Bibl. sacr. etc.

DURANDUS [7] Villagagno vide Nicolaus.

DURANDUS [8] Waldachius haereticus, coniugium velut impurum reiecit, etc. A. C. 1117. Exustus cum socio. Gautier. Chron. 14. sec. c. 1.

DURANGUM [1] opp. Biscaiae satis cultum, 4. leve. a Bilbaio in Ort. Placentiam versus; a qua 6. leuc. distat, ut etc 3. ab ora Oceani Aquitanici.

DURANGUM [2] urbs Novae Biscaiae, in Nova Hispan. versus Zacatecas, ad radices montium.

DURANIUS vel DURANUS fluv. Gall. Aquitanicae, primum Ausonio in Mosella memoratus; ex montibus Arvernorum, et quidem Cebennico Duravo a fluv. dicto, vulgo Montber oriens. Alluit Balnea Bains, Muratum Murat, Bortum Lemovicum, Valetam la Valette, Auriacum, Argentadum Argentat, Bellum locum, Belleve incolis, Gallis Beaulieu dictum, veteri Monasterio illustrem, Podium nigrum Pecbrun ad Sarae Sere, et Bavae confluentes, Carennacum Cadurcorum, Variacum Vayrac, Solliacum Petrocoriorum Suillac, Montemfortem, Castellum novum Castelnau, castrum Limolium Limeil aut Limcuil, ubi Visera [orig: Viserā] augetur Vesere, de quo fluvio alias. Tum Brageracum vel Bragaracum in Petrocoriis attingit, Bergerac, opp. S. Fidis, Sainte Foy, in Nitiobrigibus, Gentiacum Gensac, Castellionem Castellon, castrum S. Aemiliani S. Emilien, Liburniam Libourne, olim Condate dictam ad Eilae et Duranii confluentes, vicum S. Pardulfi S. Perdoul, vel Pardoul, Cavernas, Cusacum, et Burgum Pontii Paulini, castrum Sidonio memoratum ac descriptum, Bourg: infra quem locum Garumna [orig: Garumnā] recipitur, iam antea ob aestus Oceani, quibus qugetur, maris nomine honoratus: unde agrum inter Garumnam et Duranium vocitant pagum inter duo Maria, le pays d'eutre deux Mers, et Burgum ad Mare multi cognominant, Bourg sur mer, cum sit positus ad Duranium. Dutanius ad Limolium recepto Visera [orig: Viserā] navigabilis redditur, Hadr. Vales. Not. Gall. la Dordonne Vineto Auson. Edyll. 10. in Mosella. v. 464.

Concedes gelido Durani de monte volutus
Amnis: et auriferum postponet Gallia Tarnem.

Fontes habet in Alvernia, Dor et Dagne, utrumque in monte Dorio: Excipitque post aliquot leuc. ex eadem Alvernia amnem Serre, qui rigat Orilliacum. Inde per Lemovices et Petrocorios, ubi reclpit Vezeram et Coserim, rigatque Marrellum, Limolium et Bergeracum, deinde Liburniam opp. et Franciacum, inter quae recipit. Illam fluv. prope Burgum ad mare, in Guienna propria, in Garumnam labitur, e regione rostri Amborum, et cum ipsa Girundam aestuar. efficit, usque ad eius ostia in Occean. Aquit. ubi Corduenna turris, alias Andros Inf. Baudr.

DURANTIUS Stephanus vide Stephanus.

DURAS [1] vulgo DRAUM, fluv. Norici, ex lacu, in tractu Salisburgensi, effluens, qui per Austr. in Bor. fluit, inque Danubium labitur, inter Lentiam et Anisum.

DURAS [2] vide Durus.

DURATEUS Equus ponitur pro equo Troiano: quod dou/reios2 ligneus, esset, unde et Durius dictus.

DURBETA urbs Mesopotamiae iuxta Trigrim. Ptol. Dedu videtur.

DURCLARUM ; vulgo DUCLER, praedium Galliae, memoratum Monacho Centulensi l. 2. Miracul. S. Richarii, est in pago Rothomagensi Cissequanico, Gemetico non procul. Vide Hadr. Vales. Not. Gall. in voce Rothomagensis pagus.

DURDANUM opp. Ins. Franciae, in Hurepoesio tractu, ad amnem Orge. 13 leuc. a Lutetia, Aurelias versus, 3. a Stampis in Orcas.

DURDUM Mauritaniae mons. Ptol.

DUREI vel DURI in Tab. Peutingeriana, iidem forte, quos Buros vocant Dio et Capitolin. in Marco.

DUREMUM opp. Duc. Iuliacensis, ad Roeram amnem, celebre obsidione Caroli V. Vix 2. leuc. a Iuliaco. Olim Marcodurum Brietio.

DURENSIS S. R. Isaac Middura, composuit Asur uchitar, dictum Sabare Dura, i. e. portae Durae. circa A. C. 94. Millevarii VI iurta R Ganz.

DURERUS Albertus pictor excellentissimus, Cardan. Natus est A. C. 1471. Decessit Norimbergae, A. C. 1527. pietatis insuper et sapientiae laude illustris. Vide Paul. Frehet. Theatro Virorum eruditione clarorum.