CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ELLA Scalig. et Vineto Lila, in tabb. Lille, vulgo l'Ile, fluv. Galliae, alluit Macerias Mazieres, ubi ponte iungitur, denide superiorem Viseram vel altum Viseram accipit, Haute-Vezere, vel a situ vel ab altitudine aquarum suarum ita cognominatum. Tum Vesunnam Petrocoriorum attingit, castrum S. Carterii, Petrocoricae urbis quondam Episcopi, S. Chastier, Mulcedonum Mucidan, Beneventum, Vallem Claram Vauclere; inde Drunam accipit, Drone aut Droune, fluvium Dronam in veteribus Galliae Annalibus dictum, qui Monasterium Brantosinense in Petrocoriis, et Corterate Courtras, in tabula Peutingeriana memoratum, Henrici Magni victoria [orig: victoriâ] nobilem locum irrigat. Ella demum infra Frontiacum castrum, Fronsac, in Duranium labitur ad Liburniam vel Condate, la Ille Vasconibus nuncupatus. Liburniam Libourne, ait Massonus dici nonnuquam Ellae limitem sive bonnam, quod ab Eduardo Rege Anglorum ad confluentes ellae et Duranii sit condita: nuncupatam esse Libourne, aut Liborne, quasi la bourne aut la borne. Hadr. Vales. Not. Gall.

ELLIOTUS Ioh., Anglus Pastor Ecclesiae Ripensis, in Nova Anglia, qui locus Bastonio leucae spatio dissitus, ingenti Zelo convertendi Americanos ardens, labore immenso Biblia Sacra Varios tractatus Theologicos, ac inprimis Catechismum et Rudimenta Religionis Christianae, in eorum Linguam transtulit, circa A. C. 1646. pauloque post in urbe Natika recens conversorum Indorum eximiam erexit Ecclesiam; quam quatuor aliae in vicinia secutae quibus ipse primo per se, exin per Americanos Ministros, praefuit. Unde Indorum Apostolus dictus, Cresc. Matherio Epist. ad Ioh. Leusden scripta [orig: scriptâ] Bastonio Nov. Angliae d. 12. Iul. A. C. 1687.

ELLOPIA Regio Euboeae, et ipsa ins. ab Ellope Iovis fil. Sic etiam dicebatur regio iuxta Dodonam, cuius incolae Elli, et Selli. Etiam urbs circa Dolopiam, et regio circa Thespias, teste Steph.

ELLOTIA Graece *)ellw/tia, festum Europae Agenoris Phoenicis filiae, in Creta dicatum, Hesych. Nemp. *)ellwti\s2 Europa Cretensibus dicta est, teste eodem. Quo etiam nomine corona venit, e myrto texta ambitu cubitorum viginti, quam in hoc Festo in pom pa, cum ossibus Europae, vehi consuevisse, Athen. tradit l. 15. Vide Salmas. ad Solin. p. 172.

ELLUS [1] 5. Cos. et solus A. U. C. 1231. Item fluv. comnium maximus qui se in Hermum exonerant. Herod. Vide infra.

ELLUS [2] Magister missus a Zenone Imp. contra Leontium, huic se coniunxit contra Imp. Liberatus Breviar. c. 16. 17. et 18.

ELLUS [3] mel. Hellus vulgo Ill. Oritur in Suntgovia, prope Ferretam opp. dein per Alsatiam fluens Mylhusia, Eusishemio, Colmaria, Selestadio, et Benorelda [orig: Benoreldâ], tandemque Argentina [orig: Argentinâ] rigatis, paulo infra in Rhenum se exonerat. Hinc Alsatia regio, nomen Elsas, accepisse quibusdam videtur.

ELLUS [4] fluv. Lydiae. Aliis Hyllus; quod vide, paulo infra Tyatum seu Tyathiram in Hermum latbitur. Baudr.

stupae sunt tortiles, lychnis oleo plenis flammam alentes, Gr. e)llu/nxia, item qrualli/des2, et flogmoi\, Pollus l. 6. c. 18. et l. 10. c. 26. Quem in usum etiam adhibebantur bulborum complicatae tunicae quas mox addit Poeta. Ex cicina uva praecipuae claritatis fieri solita, scribit Plin. l. 23. c. 4. qui etiam ellychniorum, ex quodam sulpuris genere, meminit l. 35. c. 15. Ex Carystio lapide quae torquebantur, non consumebantur ardendo. Sic Athenis lychnus aureus Minervae consecratus pendebat, a Callimacho factus, cuius h( qrualli\s2 ex hoc lapide, Pausan. in Atticis. Hodieque Tartari ex herba Sinensi, quae supra lapides nascitur, ellychmum concinnant perpetuum, quod numquam emungitur, sed cum sordibus concrescentibus aliquantum oppletur, conicitur in ignem, putresque illi adhaerentes fugni post ustionem absterguntur, quod incorrupta in igne illius materia perstet, ut refert Auctor Anonymus Sinae et Europ. c. 32. etc. Vide quoque Salmas. ad Solin. p. 178. C. Barth. ad Stat. d. l. Alios: nec non hic passim, inprimis in voce Linum. Alias Gossypii usus in ellychniis frequens, de quo aliquid infra in voce Fumalis. Vide quoque ubi de Papyro, item Marino vellere, Pinuico, in voce Tythemius, Sed et vestes Sacerdot. apud Iudaeos sordidiores factas aut inquinatas ad ellychnia sepositas fuisse dicemus infra in voce Vestiarium. Producebantur autem ellychnia acu, uti Moreti Auctor habet de lucerna,

Quod prowqei=sqai e)llu/xnion, item probu/ein lu/xnon et promo/ttein (namque et mu/ca ellychnium) Graeci dixere [orig: dixêre]. Unde apud Heronem in Pneumaticis rationem tradi reperimus, qua [orig: quâ] lychnus fiat e(anto\n probu/swn, cuius ellychnium sponte promoveatur et producatur, Cuiusmodi lychno usus fuisse Cassiod. legitur etc. Vide eundem Salmas. ibid. p. 132. ut et infra Muxa. In palatio Pontificis Rom. ellychnia lucernis aptare Ficacario in cumbit, de quo Vide infra uti plura hanc in rem, ubi de Vett. Lucernis.

ELMANTICA urbs Iberiae, intra Iberum fluv. Steph. Vide an sit Salmantica Ptolemaei.

ELMELECH civitas in tribu Aser, Lat. Deus rex vel rex Deus. Ios. c. 19. v. 26. Hieronymo Alimelec. Alias Elmeleth.

ELMODAD fil. Iectan. Gen. c. 10. v. 26. Lat. Dei mensura, vel artium dilecti.