CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

HARRACH nomen illustris in Germ. Fam.; e qua primus ex Bohemia Austriae immigrasse legitur, sec. decimo tertio Pribislaus. Cuius pronepos Bernhardus, leonhardum et Ioh. genuit, duarum lienarum auctores: sed quae a Ioh. in Goggitsch descendebat, pridem defecit. Altera adhuc durat, Comitum axiomate illustris. Leonhardus enim Dn. ab Harrach, Exstinctus A. C. 1536. fil. habuit ex Barbara de Gleiniz, Leonhardum I. Bar. ab Harrach, qui Obiit A. C. 1590. Pater ex Barbara de Windisch-Graez Leonhardi II. qui ex Maria Iacoba Zollerana, filia Caroli Com. de Hohen-Zollern, Carolum suscepit Com. ab Harrach: quo, et Maria [orig: Mariâ] Elisabetha [orig: Elisabethâ] de Schrattenbach, nat. Carolus Leonhardus, fratrem habuit Ernestum Adelbertum, Cardinalis ab Harrach nomine celebrem, et ex Maria Francisca ab Eggenberg, filia Ioh. Ulrici Principis, genut Leonhardum Ulricum, Leonoram (uxor. Nicolai Com. Palfi) et Teresiam. Vide Phil. Iac. Spener. Theatr. Nobilit. Eur. Part. II. p. 119.

HARRIA seu Harnlandia, prov. Estoniae, in ora litor. Sinus Finnici, ubi Revalia, totius Estoniae caput, sub Suecis.

HARSA nomen viri Esdr. c. 2. v. 52. Lat. artificium, vel aratura, sive, testa, aut silentium, vel surditas; aut Syriace silva.

HARSDORFFER Georg. Phil. patritius, Norimbergensis Philologus, Historicus et Poeta eximius, inclitae Societatis Frugiferae in Germ. membrum, der Spielende ab illa cognominatus est. Inter Assessores Dicasterii Norimbergensis receptus, A. C. 1637. Senator electus est A. C. 1655. Obiit A. C. 1658. Aet. 51. Pater Car. Theophili, et Ioh. Sigismundi: et Auctor der Gesprach-Spielen VIII. Tom. des Poetischen Trichters Part. III. Delitiarum Mathematicarum et Philosophicarum, aliorumque complurium ad Germanicae Linguae culturam facientium: Orationum porro aliquot Funebr. Idem Perislromata Turcica ex Gallico vertit, iisque Aulaea Romana opposuit, ut alia praeteream. Paul. Freher. Theatro Viror. erud. claror.

Saxoniae nemus est viginti milibus et sex
Porrectum, dicit quod Teutona lingua vocans Hart,
Esse potest maius, sed non praestantius ullum
Silvis, sive feris: hoc autem dives habetur,
Quod municpiis et pagis pullulet. Hart est
Hinc ideo dictum, quia durius omne, quod illud
Educat, est aliis.

Nempe Germanis vox durum asperumque notat. Idem vero aliis quoque silvis, in agro Raurico, Suntgoia etc. nomen, vide in voce Iurassus.

HARTENBURGUM locus Germ. sup. sub proprio Comite, ex Fam. Comitum Leiningensium. Emico enim Catharinae Nassoviae (a qua Sarwerdensis illi praetensio obtigit) maritus; qui Obiit A. C. 1541. cum varios haberet filios, eorum maximus natu Ioh. Phil. I. Hartenburgicam lineam orsus est, minor vero Emico Dagsburgio-Fatckenburgii rami auctor fuit. Obiit autem prior A. C. 1562. ex Anna Mansfeldia, pater Emiconis, qui Decessit A. C. 1607. rerelicto ex Maria Elisabetha Palaitina, Ioh. Philippo II. Exstincto A. C. 1643. Quo et Elisaberta [orig: Elisabertâ] Agnata [orig: Agnatâ], filia [orig: filiâ] Emiconis Demortui A. C. 1593. nati sunt Frid. Emico in Hartenburg nat. A. C. 1621. maritus Sibyllae Waldecciae) et Ioh. Phil. Bockenheim seu Emichsburg (A. C. 1622. q. A. C. 1666. postquam primis nuptiis Agnetem Waldecciam; alteris Elisabetham Carolum Solmensem sibi iunxisset.) E quibus Frid. Emico, genuit Mariam Elisabetham A. C. 1648. Emiconem A. C. 1649. Christianam Magdalenam A. C. 1650. et Dorotheam Sibyllam A. C. 1632. Comites Leiningenses et Dagsburgios etc. in Hartenburg: Ioh. vero Phil. ex posteriore uxore; Mariam Magdalenam suscepit, A. C. 1659. Vide Phil. Iac. Spener. Theatro Nobilit. Europ. Part. I. p. 36. et 164. item in Ind.

HARTMANNUS [1] Rudolphi I. Impfil. A. C. 1281. circa natalem Domini, apud traiectum Confluentiae Helvetiae naufragium passus et mersus est. In adyto summi templi Basileae, cum matre, Anna Hochbergia, sepultus. Christ. Urstisius Epit. Hist. Basil. c. 8.

HARTMANNUS [3] Scedelius Norimberg. auctor Chronologiae Imperatorum, Regum, Paparum, etc. usque ad A. C. 1492. Vulgo Chronicon Norimbergense dicitur. Voss. de Hist. Lat. l. 3. c. 6. Item Annalium conditor, Stumpf. in Comm. rer. Helv.

HARTOMUNDUS apud Vopisc. in Aurel. ubi alii legunt Harimundus, quod vide.

HARTUNGUS Ioh. Miltenburgo ad Moenum in Franconia, oriundus Heidelbergae primum, dein Friburgi Brisigaviae, Graecae literaturae Professor, scripsit Annotat. in 3. priores Odysseae rhapsodias, Chiliades locorum Homericorum, Decurias locorum memorabil. Notas in Virg. et Apologiam Graecorum de igne purgatorio, exhibitam in Concilio Basiliensi et Apollnii Argonautica Latine reddidit. Porro, Dict. Graeco Lat. auxit, et Arist. Strab. correxit. Obiit Friburgi A. c. 1579. Aet. 75. Melch. Adami in vita [orig: vitâ] Philos. et Anton. Teissier Elogiis Parte I.

HARTPENNY vox Saxon. ex heard, focus, et penny denarius, dictus est Denarius S. Petri, in LL. Edgari Regis c. 4. quod singulis focis, h. e. domibus imponeretur. Vide Romescot.

HARTZERODA prtius Hartzkeroda, castr. Princip. Anhaltini, ad Selkam amnem, 12. mill. pass. a Northusia in Caec. Magdeburgum versus. Sedes unius e 5. Principibus Anhalt. dominum nacta Christiani Bernburgici A. C. 1630. mortui fil. minorem natu Fridericum, qui Chymiae studio et peregrinationibus delectatus, ex Iohanna Elis. Naslovia suscepit Vilhelmum. Vide Phil. Iac. Spener. Syll. Gen. Hist.