CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

HURDASPALENSE coenob. Vrdax et Urdache in regno Navarrae, intra Pyrenaeos montes, vix 1. leuc. a conf. Galliae, 5. a Baiona.

cratis est lignea, qua [orig: quâ] maenia obducebantur, ne ab arietibus vel missilibus lapidibus laederentur: vel pali in fossatorum marginibus infixi, ne statim ad ipsa moenia accessus pateret, C. du Fresne in Gloss.

HURONES pop. Canadae, mere feri, mortuos globatim recondunt, parentum nomina aspernantur, frumenti variis modis praeparandi, ignissolum aquaeque beneficio, artem mire callent.

HURSTA vox Sax. silvam denotans, nomen fuit castelli, quod in tutelam portus Avoniensis exstructum est, a silvestri situ sic dicti. De eo sic Lelandus, apud Eund.

Non tulit hanc labem magni mens Principis alta,
Qui Hurstam statuit vindicis illa loco.

HUS [1] fil. Aram. Gen c. 10. v. 23. qui principatum tenuit, inter Palaestinam, et Coelesyriam. Huius regio *au)si=tis2 ab Interpp. 70. in Iobo dicitur, c. 1. v. 1. Primogenitus item Nachor. Gen. c. 22. v. 20. Fil quoque Dison. Idem c. 36. v. 28. Lat. consilium aut lignum, vel Syriace fixus.

HUS [2] urbec. in Ausitide reg. in Syriae Arabiaeque conf. Patria Iobi. Omps, Th. Minadoio.

HUSCARLAE vox Sax. quasi Domestici famuli, aulici dicuntur et Regum domestici, apud Hoveden. Sim. Dunelmensem, Florentium Wigorn. Alios. De Huscarlorum Danicorum dignitate sic Ius Aul. Norwegicum vet. c. 26. ex versione Ioh. Delmeri: Omnes viri, qui fidem servitii, ex veteri consuetudine, Regi adiuraverant, sive manus datae, sive apprehensi gladii confirmatione, vocabulo Huskarla appellabantur, quamvis illi postmodum multo excellentiore et eminentiore titulo, pro sua quisque conditione sint honorati. Omnes vero in Regia aula servientes Hirdmen vernacule nominantur, Regem observaturi ac tuituri etc, Idem tradit alibi, Praefectis provinciarum concessum a Rege, ut 40. non vero plures, servos domesticos nomine Huscar larum in servitio suo haberent: Scribitque Sveno in LL. Castrens. c. 8. Colloquium, seu Curiam Aulicam, in qua de rebus ad Huscarlas pertinentibus iudicia fiebant, Huskarlesteffne appellatam. Addit Steph. Stephanius Huscarle dictos esse Officiales aulicos sive officia Palatina, milites praetorianos et quotcumque in aula Regis ac Principis alicuius versantes. Sed et etiamnum Huscari Danice domesticos, operarios et vernas appellari: antiquiores item Danos aulam Regiam lingua [orig: linguâ] sua [orig: suâ] Huus appellasse, tradit Resenius apud C. du Fresne in Gloss. Significat autem hodieque Haus Germanicis domum, sicut carl, masculum etc.

HUSENUM seu HUSUNUM, vulgo HUSUM, urbs in parte Occ. Holsatiae, in ora maris Cimbr. ad sinum Heverum, cum arce praeclara Ducum 5. leuc. a Slesvico in Occ. 2. a Fridericopoli in Bor. Probe haud pridem munita.

HUSIM altera uxor Saharaim. 1. Par. c. 8. v. 8. Item fil. Dan. Gen. c. 46. v. 23.

HUSO piscium grandiorum genus, vide infra Ichthyocolla, it. in voce Uso.

HUSSENEC patria Ioh. Hussi, quo ille, cum ei Pragae contionibus interdictum esset, secessit, ibique docuit: paulo post Pragam revocatus. A. C. 1408.

HUSSITAE in Bohemia dicti, qui, Ioh. Husso doctore, Evangelii doctrinam amplexi, Sec. 15. ab adversariis dira saepe sunt passi. Illorum antesignanus Ioh. Zisca, undecies victor cum Sigismundo pugnavit, post ipsum Procop. Holy, strenue rem gessit; agnoscente Conc. Basil. sess. 3. Bohemiam occulto Dei iudicio bello pluries attentatam, superari non potuisse. Tandem Bohemiam restituere [orig: restituêre] Sigismundo, admittenti 4. articulos, qui Compactata dicti, Latine, Germanice et Bohemice promulgatisunt, ac marmori aureis literis inscriptum: Bohemos, communicantes sub duplici specie panis et vini, esse legitimos et germanos Catholicae Eccl. filios. In Poloniam mox diffusi sunt, ubi Disputatione cum Hussitis instituta [orig: institutâ], A. C. 1431. Iagielo Rex adeo motus est, ut Ministrum Evangelicum ex Bohemia evocaverit, cumque saepius in occluso conclavi audierit, maxime propinquam sentiens mottem. Regina quoque Hedvigis Biblia S. in linguam Polonicam transferri curavit, seduloque, legit, etc. Fratres etiam dicti: quorum reliquiae in Polonia, collimitioque Silesiae et regnorum adiacentium, adhuc superstites. Lasicius de gestis Fratrum. e m. s. Daubrav. in Hist. Boh. Camerar. in Hist. Fratrum. Cochlaeus in Histor. Huss. Laet. etc. Vide Iohannes Hussus Addo hic [orig: hîc] saltem, quod post mortem Ziscae, in duas illis factiones divisis, quarum una Ducem sibi creavit Procopium Magnum; ceteri, nullum inveniri posse dictitantes, qui iure Ziscae succederet, se Orphanos appellavere [orig: appellavêre]: multum ex his dissidiis detrimenti causa ipsorum cepit. Georg. Horn. Orb. Imp. Penitus tamen exstingui non potuere [orig: potuêre], usque ad A. C. 1630. quo toto Regno pulsi Hussitae in vicinis regionibus latebras petiere [orig: petiêre]. Vide quoque in vocibus Calixtini, Fratres etc.