CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

JAMA arx Ingriae, quae Sueciae provincia est, permunica, in margine fluenti Iamische Beck: Haec Imper. Moscovitici clavis, cum tota Dioecesi, A. C. 1617. pace Suecis cessit: e regione arcis, trans fluentum quoddam municipium Russi, sed Suecorum iuris inhabitant, 3. mill. Germ. a. Narva Livonica, vulgo Iamagorod.

JAMAICA quae nunc Ins. S. Iacobi nuncupatur, ins. est ampla maris Sept. ab Hispaniola 25. leuc. in Occ. a Cuba ins. in Austr. 20. Mer. S. Bernardi insulas et Carthagenam respicit, Occ. Iucaranas terras, seu Fonduram versus fertur, in longit. 50. mill. protenditur. Baudr. 40. leuc. Hisp. longa, 18. lata Ambitus eius 600. milliarium. Eid. 100. leuc. Hisp. Hanc ins. Columbus secunda [orig: secundâ] navigatione detexit, eiusque insulanos Didacus, Columbi fil. A. C. 1509. rebellantes subegit, et iamaicam Coronae Hispanicae stipendiariam tributariamque reddidit. Duabus civitatibus habitatut, quarum primaria Sevillia sive Hispalis vocatur, in parte Sept. Ins. Ioh. Matal. Metell. Merc Melilla urbs, in eodem tractu, ad Ort. Hispalis, et Oristanium Oristagni, ad Mer. cum aliquot coloniis Anglorum, quibus mai. ex parte nunc Ins. paret, ab A. C. 1654. Baudr. Linschot. Hist. Amer. A Costa, etc. ingenti terrae motu haud pridem horrendum in modum concussa vastataque. Hinc nomen fam. in Hisp. illustris, Marchionum de Iamaica, quae ramus est stirpis Portugallensis. Inter Fam. enim, quae ex naturalibus Lusitaniae Regum filiis ortae, cum tres praecipuae sint, harum secunda, Bragantina, ab Alphonso Duce Bragantiae ac Com. de Barcellos, Ioh. I. Regis notho descendit: Ex cuius liberis Ferdinandus I. post Patrem Dux, ex tribus filiis totidem linearum fuit sator. Et maximus quidem natu Ferdinandus II. Ducalem domum continuavit, ex qua nunc Reges, nec non Marchiones de Flechilla et Xarandilla atque Comites de Oropesa oriundi sunt. Eiusdem rami palmites sunt Comites de Lemos Duces Taurisani cogn. de Castro, atque ex hisce iterum Comites de Gelves Duces de Veragua, in quorum domum successio fam. Columbiae, cum dignitate March. de Iamaica, delapsa est. Georg. eim de Portugal Com. de Gelves, fil. Alvari et Philippae (fil. Roderici de Melo Com. de Olivenza ) iunxerat sibi Isabellam Colombo (quae ex Diaco Columbo Duc. de Veragua neptis fuit Christophori, famosi illius Argonautae et Americae repertoris) e quo matrimonio natus Alvarus I. de Portugal Com. de Gelves, ex Leonora de Corduba, genuit Nunium de Portugal Columbum Duce de Veragua: quo, et Aldonica [orig: Aldonicâ] Portocarrera [orig: Portocarrerâ], natus Alvarus II. maritus fuit Catharinae de Portugal Com. de Gelves (fil. Ferdinandi de Castro Com. de Gelves ) et ex ea suscepit Petrum Nunium I. Columbum de Portugal Duc. de Veragua et de la Vega; cui Isballa Ferdinandina de la Cueva (filia Ferdinandi Francisci Duc. Albuquerquii) genuit Petrum Nunium II. Columbum de Portugal March de Iamaica. Vide Phil. Iac. Spener. Theatr. Nobil. Part. III. Eur. p. 72.

JAMAISOTIA vulgo JAMAYSOIT, reg. Iaponiae, in parte Occ. Niphoniae Ins. sub qua 12. regna, nempe Aquia, Bingum, Biteum, Fochium, Idzuum, Inaba, Ivamum, Mimalaca, Nangatum, Suvum et Taiimum. Brietius.

JAMAMA urbs Arabiae fel. regionis cogn. caput, ad Astan fluv. prope conf. Arab. des. 250. mill. a sinu Pers. in Occas. versus Meccam.

JAMBA urbs Indiae, cis Gangem, prov. cogn. caput, in dit. Mag. Mogolis. Vix 80. mill. a Gange fluv. in Ort. Lahorium versus.

JAMBE muliercula quaedam meranirae ancilla, uti tradit Philochorus. Panos et Echus [orig: Echûs] filia, quae cum Cererem maestam videret, ridiculas narratiunculas, et sales Iambico metro, ad commovendam Deam ad risum, et ad sedandum dolorem interponebat. Nicander in Alexipharmacis.

*(emplh/dhn kukew=na po/rois2 e)s2 ku/mbesi teu/cas2
*nhstei/rhs2 *dhou=s2 moro/en po/ton, w(=| pote *dtai\
*leukani/hn e)/brecen a)\n a)/sturon *(ippoqo/wntos2
*qrhi/+sshs2 a)qu/roisin u(pai\ r(h/trh|sin *)ia/mbhs2.

JAMBLICHUS Pythagoricus philosophus, e Chalcide Syriae, Porphyrii discip. Constantini Mag. tempore, qui adeo profecit, ut secundas post praeceptorem Romae obtineret. Vixit adhuc sub Constantini filiis, et Iuliano Ap. cuius 3. ad illum epistolae. Scripsit inter alia, vitam Pythagorae, Alypii, Orationes paraeneticas ad Philosophiae studium capessendum. Cum Porphyrio tamen, Magica [orig: Magicâ] impietate, videtur Philosophiam polluisse. Eunapius in eius vita. Item Babylonius, auctor amorum Rhodani et Sinonidis. Sub Antonino Philos. itidem Magus. Vide plura de variis Iamblichis, apud Ionsium de Script. Hist. Phil. p. 174. et 292. etc. Critici Iamblichum scribi volunt, accentu penultimam longam denotante. Sane Syrophoenicium istud nomen servatur adhuc, in sacris Hebraeorum literis [gap: Hebrew word(s)] Yamlech pro [gap: Hebrew word(s)] Yamlich. 1. Par. c. 4. v. 34. Ubi tertia futuri persona singularis migrat in proprium nomen, et quod sit in coniugatione Hiphil, habet vocalem longam accentu notatam, i. e. Hhirek magnum, quod optime per ei diphthongum exprimitur, ut [gap: Hebrew] *)elwei/m in Philone Biblio apud Euseb. Ita si scriberetur *)iambleixos2, omne dubium evanescet. Graece avem M. et *l. concurrere non possunt nisi B. interveniente. Sic M. et P. ut [gap: Hebrew word(s)] Nimrod, Graece *nembrw/dhs2, ab h(me/ra mesh/mbrinos2. Nic. Lloyd.

JAMBOLUS de mirificis hominum in India formis quaedam tradidit. Tzetzes Chil. 7. Hist. 144.

JAMBULARIUS Petrus Franciscus Florentinus, polu/glwttos2, Astrologus, Cosmographus, Chronologus, Philosophus,

Theologus celebris, scripsit Hist. Italiae usque ad A. C. 1200, morte praevertus, A. C. 1564. alia quaedam ad culturam dignae patriae pertinentia, de quibus vide Elogia A. Teisserii P. I. ex Poggianto de Scriptor. Florent. Thuano Hist. Ghillino P. 2.

JAMBUM urbs in parte Austr. Sumatrae, inter fretum Malaccae in Sept. et Palimbanum in Mer. Aliquot mill. ab ora litor. Hollaudis frequentata; vulgo Iambis.

JAMESIUM vulgo IAMETZ, oppid.Lotharingiae probe munitum in conf. dit Luxemburg. Sub Gallis. Inter Mommedium ad Bor. et Danvillerium ad Austr. vix 2. leuc. utrinque, paulo amplius a Stenaeo in Ort.

JAMIN fil. Simeonis Patriarchae. Gen. c. 46. v. 10. 1. Par. c. 2. v. 17. Fil. Ram, primogeniti Ierameel. Idem c. 4. v. 24.

JAMNA [1] urbs Balearis ins. Ptol. Cittadella Ep. Gerundinensi. Minoricae caput, in ora Occ. e regione Maioricae; cum portu utcumque capaci, recens munita.

JAMNA [2] altera Iamnis Plin. l. 5. c. 13. Iamnia Antonino, Iamnetorum portus Ptol. Zania Masio et aliis, urbs Palaestinae marit. inter Ioppen ad Bor. et Azotum ad Met. proxima Gazae, ab Azoto et Ascalone 200. stad. a Ioppe 10. mill. pass. Ascalonem versus supra 20.

JAMNEA Graece *)ia/mneia, opp. Phoenices, ab Ioppe 12. mill. pass. distans, in Tab. Peutingeriana, Ascalone XII. Azoto X. Iamnia XII. Ioppe. Ubi Iamniam vocat, namque et *)iamni/a dicebatur. Portum habuit ad mare, eumque paulo longius remotum, quae causa, quod duas Iamnias ponit Plin. alteram intus: l. 5. c. 13. Constat id ex Ptol. cui in ota recensentur, *)io/pph, *)iamnitw=n lemh\n, *)/azwtos2; deinde in medirerraneis urbibus th\n *)ia/mneian numetar. In divisione Regni Herodis Magni testamento facta, qua [orig: quâ] Archelao dignitas Regia cum Iudaea, Samaria et Idumaea obtigit, fratribus eius Tetrarchis constitutis, tres urbes Salomae sorori assignatae sunt, inter quas Iamnea quoque, ut apud Ioseph. videre est. Vide Salmas. ad Solin. p. 569. et 576. ut et in voce Iabne, Iamna, item Iamnia.

JAMNIA [1] opp. Phoeniciae. Strabo l. 6. p. 759. vicum esse scribit. Vide Steph. Civ. matitima, in campestribus, in tribu Dan. 1. Mach. c. 4. v. 15.

JAMNIA [2] sup. Galilaeae vicus, praerupto situ, in tribu Nephthalim quem Ioseph. cum Galilaeae praeesset, contra Romanos communivit. Ioseph. in vita sua. Vide supra.

JAMNICI dicti fratres Bohemi, a speluncis, in quas ingruente persecutione latitabant. Postquam enim, Rokyzana [orig: Rokyzanâ] annitente, secessionem a Taboritis Calixtini fecissent, illi ab his victi, A. C. 1434. et decennio post fraude Rokyzanae tantum non penitus exstincti sunt. Cum vero hic a Papa clusus denuo Taboritis favere coepisset, illi liberum in Montanis Silesiae vicinis habitandi locum a Georgio Rege nacti, eo seceserunt [orig: secesêrunt] A. C. 1460. Scripturarum lectioni ac precibus intenti, fide ac vita [orig: vitâ] ad Apostolicam simplicitatem composita [orig: compositâ]. Sed non diu pace sunt gavisi, ipso Rokyzana Regem ad novam persecutionem inflammante. Quare Taboritae in silvas et speluncas fugere compulsi, a Iamnis huiusmodi, uti in lingua sua vocant, h. e. speluncis, Iamnici, quasi speluncales, appellari coeperunt [orig: coepêrunt], in quibus acerrima [orig: acerrimâ] licet hieme ignem excitate interdiu non audebant, ne fumo proderentur. Etiam Waldenses interdum appellabantur, quod eum iis in Moravia latitantibus, communionem aliquam haberent: Boleslaviensium quoque et Picardorum exoso nomine traducti. Gravissima inde sub Georgio Podiebradio Rege Vladislao aliisque passi, durarunt [orig: durârunt] tamen usque ad A. C. 1500. quo Lutherus ipse, saeculi tum torrente abreptus, acerrime in illos invectus est: imo ad hoc usque sec. piae illorum reliquiae perseverarunt [orig: perseverârunt], uti alibi vidimus. Lege de his Regensvolscium Hist. Sclavon. Hottingerum Sec. XV. et qui instar omnium esse potest, Mutrum in Chron. Vide etiam aliquid in voce Fratres, Taboritae, iet. ubi de Calixtinis.

JAMUEL fil. Simeonis Patriarchae. Gen. c. 46. v. 10. qui 1. Par. c. 4. v. 24. dicitur Namuel. Item opp. Palaestinae in tribu Iuda. Hier. in Loco Hebr.

JANA prius et deinde Diana, D. literae appositione, ut ait Nigidius. Nic. Lloyd. Sane Lunam dictam esse Ianam, indicat Vatro de Re Rust. l. 1. c. 37. Iana crescens et senescens. Et hinc Diva Iana; per syncopen, Diana; Ut in carmine Saliari, apud eund. de Ling. lat. l. 6. Divos Fanos, i. e. Sol. Sed et Iana novella, ibid. l. 5. quod idem ac *neomhni/a, Novilunium etc. G. Ioh. Voll. de Idol. l. 2. c. 16. et 25.

JANASSA Nympha, dicta a suaviter regendo, i)ai/nw dulcoro, et a)na/ssw impero.

JANASUM opp. Celtarum. P. Mela l. 2. Olim Sant Iago, nunc Compostella, urbs Callaicorum Lucensium, in Hisp. Brietio. Archiepiscopal. cum Academia et conventu Iuridico. Ex Chronicis Hisp. urbs recens est, ab Alphonso Rege circa tempora Caroli Mag. exstructa, Iriae Flaviae urbi proximae surtogata, et Archiep. postea sede, quae Emeritae etat, decorata.

JANIAS Pastorum seu Hycsos in Aegypto Rex V. Aphophis successor, paulo post exitum Israelitarum, regnavit Annos 50. m. 1. Eius tempore, Moses mortuus est, Iosue Israelitas duxit trans Iordanem, et in Thebaide regnavit Sistosichermes. Illum excepit Assis. Ioh. Marsham. Canone Chron. ex Manethone et Syncello.