CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

IGNOSCE apud Pelagium, l. 15. n. 20. sugxw/rhson, apud Sozom. l. 8. c. 17. formula est loquendi Monachis olim familiaris; quemadmodum Gallis etiamnum, Pardonnez moy. Idem.

IGNOTUS Deus nomen erat Dei, cui Arabes, Diis suis quos notos habebant diffisi, aras suas dedicaverunt [orig: dedicavêrunt], teste Giraldo Syntagm. 17. Idem Athenienses fecisse, non Paus. solum in Atiic. sed et Lucas in Actis Apost. c. 17. v. 23. docet. Cuius rei occasio secundum quosdam haec fuit. Philippidr Atheniensium ad Lacedaemonios auxiliorum causa [orig: causâ] contra Persas legato horribile spectrum se obrulit, quod cum se ab Atheniensibus neglectum, aliosque Deos ab its cultos, graviter conquestum esset; opem promptam pollicitum est, si et sibi sacra fecissent. Quare victoria [orig: victoriâ] obtenta [orig: obtentâ] Athenienses, ne in posterum Numen hoc iratum sibi haberent, templum aramque erexere [orig: erexêre], cum epigraphe: *)agnw/stw| *qew=| Ignoto Deo. Alii dicunt, cum gravissima [orig: gravissimâ] peste graslante Athenienses frustra Deorum sibi cognitorum opem precibus sollicitassent [orig: sollicitâssent], ratos malum sibi ab aliquo sibi ignoto fuisse immissum, erexisse altare, eique inscripsisse: *qeoi=s2 *)asias2 kai\ *eu)rw/phs2 kai\ *libu/hs2, *qew=| *)agnw/stw| kai\ ce/nw|, Diis Asiae, Europae et Libyae, Deo ignoto et peregrino, Iustin. Martyr, Oecumen. etc. Vide Fr. Rossaeum Archaeol Attic. l. 2. c. 1. Nec Athenis se Numinis huius cultus continuit, sed in viciniam longe lateque se diffudit: Unde vicinas gentes *nh\ to\n e)n *)aqh/nais2 a)/gnwston, Per ignotum Atheniensium Deum, iurare solites fuisse, docet Lucian. in Philopatride. Etiam Romae quid simile. Tertullian. adv. Marcion. l. 1. c. 9. Invenio plane ignotis Deis aras prostitutas: sed Attica idololatria est. Item Incertis Deris, sed superstitio Romane est. Burdigalae item in Gallia, ubi aram Ignoti Dei fuisse, docet Martial. Ep. Ep. ad Burdegal. c. 3. etc. Aurelian. Ep. Leovicensis vita [orig: vitâ] S. martialis. Vide Ioh. a Wower et Geverh. Delmenhorst ad Minuc. Fel. ubi Ignota Nununa et Manes Caecilius iungit, non sine ratione, adnotante Rigaltio etc. Plura hanc in rem vide supra, ubi de Idoloatriae incunabulis. Quomodo autem occasione huius inscriptionis, quam Athenis in ara quadam Ap. Paulus deprehendit, hic incolas ad veri Dei notitiam pertraxerit, vide Act. c. 17. v. 23. Simile quid quod in Terraemotibus incerto ac innominato Numini sacrificatum legimus, uti dicemus infra in voce Neptunus. Vide quoque Quisquis es. De Ignotorum hominum, origine, ad caelum Terram que olim a Gentilibus relata [orig: relatâ], habes aliquid lemmate, Terrae filius.

IGORANDIS vulgo INGRANDE, vicus Pictonum, inter castellum Heraldi et Crosae ac Vingennae confluentes positus: Eius meminit Auctor vitae B. Leodegarn. Item locus in Biturigibus Cubis, Cella f. Prioratu et Eccl. B. Mariae clarus, vulgo Aigurande. Hadr. Vales. Not. Gall.

IGUANA Mexicana animal est, quod more piscium natat ac sub aquis degit; et more quadrupedum, veprium herbarumque inter arboreta luxuriatur, arboresque scandit. Forma crocodilo simillimum, solo cutis colore differt, qui in atrum inclinat et duritie; utpote, quod sine squamis tersum, ac de more serpentum maculosum est. Per dorsi longitudinem spinas habet pectinatim ad caudam usque descendentes, in modum serrae dentatas aculeatasque. Oris rictus magnus est, dentes modici et minuti; ungues avium unguibus similes, sed debiles et innoxii. Oviparum est, et magnum ovorum numerum parit, quae gustui gratissima; decem, imo viginti dierum spatium sine cibo ac potu vivit. Caro dulcissima ac maximarum in America deliciarum ac illecebrarum mensalium complementum est; quod ab indigenis demum Hispani dedicerunt [orig: dedicêrunt]. Primi enim horum, cum in illas plagas penetrassent [orig: penetrâssent], Iguanam, utpote visu horridam, diu neglexerunt [orig: neglexêrunt]; donec a Barbaris edocti, non nisi Magnatum illam servari epulis, demum gustus sui eam scitamentum fecerunt [orig: fecêrunt]. Georg. de Sepibus in Colleg. Rom. S. 7. Museo p. 28. Vide quoque Voss. de orig. et progr. Idol. l. 4. c. 62.

IGUVIUM postea EUGUBIUM, vulgo GUBIO, Umbriae opp. Caes. Com. l. 1. Interea certior factus Iguvium Thermum Praetorem cohortibus 5. tenere. Cic ad Att. l. 7. c. 13. Quid agat Domitius in Marsis, Iguvii Thermus. Verum nescio quo fato clarissimi huius municipii nomen apud omnes fere antiquos scriptores sit vitiatum. Nam apud Ptol. vulgo est *)isou/i+on et apud Strabo l. 5. *)/itoron pro *)igoui/+on. Item apud Plin. l. 3. c. 14. variis in exemplaribus, Iguini, Inguint, Ingini, pro Iguvini. Sed et apud Sil. Ital. Punic. Bell. l. 8. v. 459. ubi Umbriae urbes recenset, pro vulgaris inginum et Inginium, reponendum erat Ignuvium, in his,

Et infestum nebulis humentibus olim
Iguvium Patuloque iacens sine moenibus arvo
Fulginia.

Nic. Lloyd. Nunc in Duc. Urbini, sub Pontif. in amoena planitie, 28. mill. ab Urbino, 15. a Perusia in Ort. 12. ab Assisio in Bor. Baudr.

IHELON fil. Esau ex Oholibama uxore. Gen. c. 36. v. 5. Lat. occultus, sive adolescens, aut caprea eorum, vel saeculum. Hebraice enim [gap: Hebrew] dicitur.

IHORA vulgo IHOR, urbs Indiae ulter. in tractu Malaccae, regni cogn. caput, cum portu, prope prom. Sincapurae. Eius Rex potens est in illo tractu, pluriesque Malaccam, sed frustra tentavit.