December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0002

[gap: blank space]
image: as0003

[gap: illustration]
page 650, image: s0650a

JOHANNES [21] IV. fil. Theodosii II. Bragantiae Ducis ex Anna filia Ioh. Ferd. Velasci, Connestab. Castell. proximus tegni haetes, A. C. 1640. a Lusitanis, excusso Hispanorum iugo, Rex proclamatus, titulo Regis Lusitaniae, Algarbiae, orae maritimae Africae, Domini guineae, navigationis et commercii Aethiopici, Arabici, Persici, Indici sumpto: Coniurationem hortibilem dissipavit, capitibus coniurationis morte multatis, felix et prudens. Literatum fautor, Musicae peritus, pauci somni, vestitu parum a vulgati diverso, sobrius et frugalis. Dicere solitus est, Regem affabilem esse debere, vestem omnem tegere, nutrire omnem cibum. Obiit a. C. 1656. Ex Ludovica filia primogenita Ioh. Eman, Perezii Gusmanni Ducis Medinae Sidoniae, prudentissima heroina et regni restauratrice, Theodosii, qui brevis aevi, alphonsi Regis et Petri, qui fratre in Terceram Ins. remoto, hodie Regens est, ut et Catharinae, Car. Ii. Mag. Britann. Regi nuptae Parens.

Scotiae Reges.

JOHANNES [22] I. dictus Balliolus, Socotiae Rex e Normannia oriundus, post Alex. III. improlis Mortem, regnum occupavit, hinc diuturno bello cum Roberto brussio collisus. Qui ambo, per matres, ex Scotorum Regum sanguine, cum Eduardum II. tandem arbitrum litis elegissent, hic pro Ioh. sententiam tulit: An quia propior, an quia se ei vasallum forte pollicirus est? Mox tamen eundem bello aggressus, cepit: qui ut liberaretur, ad conditiones Rege indignas cum descendisset, a Scotis reiectus, Obiit in Gallia A. C. 1303. Leslaeus et Buchan. Hist. Scot.

JOHANNES [23] II. fil. Roberti II. nomen mutare coactus, quod a tempore Ioh. Ballioli summo contemptui erat, Robertus III. dictus est. Vide ibi.

Poloniae et Bohemiae Reges.

JOHANNES [24] Albertus Poloniae Rex secundogenitus Casimiri IV. Ladislao fratre Hung. et Boh. Rege anuvente, electus est, A. C. n1492. Eruditus, Historiarum peritissimus, munificus in milites, sed bello parum felix. Obiit caelebs A. C. 1501. Michov. Sarm. l. 1. et Hist. Pol. 4. Cromer. l. 30. etc.

JOHANNES [25] Casimirus Vide Casimirus V.

JOHANNES [26] exercituum summus Dux, post Michaelem Regem fato functum, haud pridem successit, rebus contra Turcas praeclare gestis inclitus.

JOHANNES [27] Bohemiae Rex fortis et astutus, fil. Henr. VII. Imp. ducta [orig: ductâ] Elizabeta [orig: Elizabetâ], filia [orig: filiâ] Wenceslai Regis A. C. 1309. electus contra Henr. Carinthiae D. Bohemis, ob saevitiam, intolerabilem, et Pragae cum uxore coronatus est. Dein, patre absente, Vicarius Imperii, res in Silesia et Lombardia praeclare, gessit, A. C. 1330. 31. et 32. postquam a M. Duce Crucigerorum Prussiae, in Poloniam vocatus, victis Lithuanis Ethnicis, Poloniae Regis titulum assumpsisset. In hac expeditione altero oculo amisso, clam Monspelium venit. ubi Iudaei Medici imperitia [orig: imperitiâ] et altero privatus est. Nihilo tamen setius bella gerere perrexit. Poloniae Regi ad monomachiam, in cubiculo clauso, se invitanti, respondit, pariturum se, si ille similiter prius ambos oculos eruisset, sic enim arma paria fore. Suppetias veniens in Galliam Phil. Valesio, periit in praelio Cressiaceno. Ubi, quo fortius pugnaret, equvum suum duorum fortissimorum militum equis alligari iussit, a quibus, in confertissimos hostes abreptus, ibi occisus est. Successit ei fil. Wenceslaus Car. IV. Rex. Boh. et Imp. qui patris res gestas memoriae prodidit. Dubrav. l. 20. et seqq. Trithem. in Chron. Villianius, Cromerus, etc.

Sueciae et Daniae Reges.

JOHANNES [28] I. Sueciae Rex Suercheri Regis fil. Erico X. successit. A. C. 1220. Pius et felix, sed brevis regni. Obiit A. c. 1223. Martin. Zeillerus, in nova Deser. Sueciae.

JOHANNES [29] II. Daniae Rex Christierni I. fil. etiam in Sueciae Regem electus est, sed cum promissa non servaret, mox pulsus, Obiit A. C. 1513. Ioh. Magnus, Hist. Suec. Chytraeus, etc.

JOHANNES [30] III. Finlandiae Ducis fil. Gustavi I. ex Catharina Saxonica, a fratre Erico XIV. in vineulis aliquot Annos detentus, inde liber, Suecorumque ope adiutus, Ericum in eundem carcerem compegit, throno conscenso, A. C. 1568. Pacifice rexit. Ex Catharina, filia Sigismundi Aug. Poloniae Regis, pater Sigismundi, Poloniae A. C. 1587. dein Sueciae Regis a Car. patruo pulsi. Obiit A. C. 1592. Car. tutelae filio, regno et Augustana [orig: Augustanâ] Confessione commissa [orig: commissâ]. Thuan. l. 104. et 109.

Rex Hierosolymae.

JOHANNES [31] ex fam. Briennensi, vel de Brema, fil. Gualteri, Rex Hierosolymae, ob uxorem Mariam, filiam Conradi March. Montferratensis, ex Regina Elizabetha, herede Almerici Regis Imperium quoque Constantinop. adm inistravit, genero Balduino II. in Gallia absente. Pater insuper Isabellae, quae Frid. II. Imp. nupsit. etc. Valsingam. A. C. 1218. Sanut. l. 3. P. 3. Blond. Collenutius, etc.

Principes ex fam. Oldenburgico-Danica.

JOHANNES [32] Com. Oldenburgicus, Othone, cui a spectro mirabile cornu oblatum narrant, genitus: Pater fuit Hunonis gloriosi, quo Goslariae ad pugnam cum Leone damnato fil. Frid. pro patre certamen subiit victor. Ex eius successoribus Iohannes, Elimari I. fil. Wildeshusanam lineam orsus est, pater Willebrordi ep. Paderbornensis et Ultraiectini. qui Obiit A. C. 1233. Burchardi et Christiani: e quorum ultimo Hatstedius ramus descendit, post quem quinque Iohannes fuerunt [orig: fuêrunt], quorum ultimi filii Bernardus, Christianus, Iohannes et Burchardus, sine prole Exstincti sunt, circa A. C. 1360.