CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

JOHANNES [123] XXI., aliis XX., frater Bened. VIII. cui successit, A. C. 1024. ope Patris, Com. Tusanellae. Nec bonis nec malis notus, Platina, in vitis. Audita [orig: Auditâ] Bened. VIII. apparitione post Mortem, monachus factus, inde sedi redditus dicitur. Pet. Damianus, Ep. ad Nic. II. Coronato Conrado II. Obiit A. C. 1033. Glaber l. 4. Leo Ostiens. l. 2. Ciaccon. Onuphr. etc. Successit ei Bened. IX.

JOHANNES [124] XXII. aliis XXI. prius Ioh. Petrus, successit Hadr. V. A. C. 1276. Olisippona [orig: Olisipponâ] Lusitanus, professione Medicus scriptis ea in arte editis clarus Micaelem Palaeologum horratus, ad observandum Conc. Lugd. sub Greg. X. habitum, Obiit ruina [orig: ruinâ] cubiculi, frustra ex Astrorum inspectione longam vitam sibi pollicitus, Viterbii, A. C. 1277. Martinus Pol. Pap. Massonius et Chenius Hist. Pap. Eum excepit Nicol. III.

JOHANNES [125] XXIII. aliis XXII. post Clem. V. biennio Eccl. capite distituta [orig: distitutâ], throno conscenso Lugd. se ipsum elegit, dicens: Ego. sum Papa, assumpto Ioh. nomine, cum prius Iacobus de ossa diceretur. A. C. 1316. Cadurcensis, fil. sutoris, sfaturae exiguae, sed ingentia animo versans: cuius tamen immortalitatem negavit, publice dogma hoc doceri volens. Quo audito Phil. Valesius Galliae Rex ipsi scripsit: Que s' il ne se retractiot, il le feroit ardre. Porro Ioh. haereticos iudicavit eos, qui docebant, Christum eivique discipulos in hac terra, nil proprii possedisse [orig: possedîsse], clerumque sumliter in paupertate vivere debere. Trinum tintinabuli pulsum instituit, Thomam Aquinatem, Thomam Herfordiensem, etc. Sanctis annumeravit, Extravagantes publicavit, Lud. Caesarem vehementer infstavit, Comitiis conquerentibus: Non licet per hunc Antichristum pacem a Deo datam servare; Platina, in vita eius. Aventin. l. 7. Crant6zius l. 9. c. 14. et 15. Graecos ad subiectionem revocanti, responsum: Potentiam tuam summam circa subditos tuos credimus; superbiam tuam summam tolerare non possumus, avaritiam satiare non valemus. Diabolus tecusm, quia Dominus nobiscum. Ioh. de Mondevilla, apud Morn. in Myst. p. 1018. Interea a Lud. Imp. Romae depositus est, Nicolao V. subrogato, qui A. C. 1330. Ioh. cessit, in carcere aliquot post Annis Mortuus. Obiit Avenine A. C. 1334. Aet. 90 Relinquens in thesauris 25. milliones auri. Successit ei Bened. XII. Villan. l. 9. c. 10. et 11. etc. Addo, quod Clementinas, ab Antecessore suo Clem. V. compositas, vulgavit et misit ad Universitatem Bononiensem, cum Praes. sua, Anno Pontificatus [orig: Pontificatûs] sui senundo, C. 1317, Eidem Regulas Cancellariae adscribit, qui illas Commentariis suis illustravit, Lud. Comes, item Reservationes ac Taxas beneficiroum etc. Vide Gerh. von Mastricht Hist. Iuris Eccl. n. 371. 373. et 374. ut et supra, ubi diximus aliquid de Clementinis.

JOHANNES [126] XXIV. aliis XXIII. prius Balthasarus Cossa Neapolitanus, Alex. V. successor, fraude se ipsum obtrusit, A. C. 1410. Bellatoris potius quam Pontificis ingenio. Schisamatis tollendi gratia [orig: gratiâ], Conc. Romae convocavit, ad quod, post Missam Spititus S. dirus ac feralis bubo horrifica [orig: horrificâ] voce, super trabem medii templi considens, et obstrepens advolavit, Nic. Clemangis, apud Morn. in Myst. p. 1129. Hic [orig: Hîc] nihil actum: alind Constantiae, opera [orig: operâ] Sigismundi Imp. qui in Italiam venerat, coactum, A. C. 1415. Ubi in prima Missa, post hymnum, Veni S. Spiritus: Charta in templum proiecta, inscriptum habeat, allis rebus occupati, vobis adesse non possumus. Secunda [orig: Secundâ] Sess. Papa hic coram altari sancte promisit, se Papatui renuntiatutum, si Bened. et Greg. idem fecissent. Mox paenitentia [orig: paenitentiâ] ductus, cum videret de sua depositione agi, Schaphusiam profugit, inde retractus, condemnatus, depositus, ac Lud. Palatino in custodiam traditus, Sess. 12. Ex qua captivitate liber, A. c. 1419. an pretio corruptis custodibus, an publica [orig: publicâ] auctoritate, Florentiam venit, ubi Martino V. se submisisse dicitur. Obiit eodem Anno, cura [orig: curâ] Cosmi de Medicis amici sui magnifice seputus. Platina Onuphr. Ciaccon. Pap. Massonius, Theodoricus de Niem et Du Puy, Hist. Schismatis. Paul. Simson in Hist. Eccl. Angl. Cent. 15. etc. Successit ei Martinus V.

Patriarchae aliique Praesules.

JOHANNES [127] I. cogn. Talaida, Patr. Eccl. Alexandrinae, ab Orthodoxis surroegatus est Timotheo Solofaciolo, A. C. 482. Ab Acaio apud Zenonem variorum criminum, praeter meritum, accusatus, pulsus, et Petrus Mongus haereticus ei substitutus est. Hinc in Italiam veniens, Nolae Ep. a Felice III. creatus, ibi Obiit. Baron. A. C. 482. et seqq.

JOHANNES [128] II. cogn. Mela, Anastasio haeretico haereticus susccessit, A. C. 497. Zenonis Henotito subscripsit. Successit alius similis farinae, A. C. 506.

JOHANNES [129] III. cogn. Machiota, priori successit. Henotito subscripsit, Conc. Chalcedon. reiecto, saevus in Orthodoxos. Obiit A. C. 516. Niceph. in Chron.

JOHANNES [130] IV. Apollinaris successor, A. C. 570. magna cum cura praefuit. Obiit A. C. 581. Idem.

JOHANNES [131] V. ob largas eleemosynas, Eleemosynarius dictus, Amathunte Cyprius, fil. Epiphanii Praefecti, Theodorum excepit, A. C. 610. auctoritate Heraclii Imp. permotus. Haeresin omnem et Simoniam sustulit, mores Cleri meliores reddidit, Templa, Ptochotrophia, etc. fundavit. Moritutus, cum sibi nummum restare recordaretur, illum Iesu CHRISTO legavit. Obiit in Cypro, quo se furori Barbaorum, Alexandriae obsidionem minitantium, subduxerat. A. C. 620. Leonitus, in vita eius Niceph. in Chron.

Theodoro successit, A. C. 427. In Nestorianismum prolapsus, edodem Theodoretum Cyrum pertraxit, quem Cyrillo opposuit. In Nestorii gratiam, non accessit ad Conc. Oecum. Ephesinum, 15. dies exspectatus, nisi 5. die post illum iam condemnatum: Tum domi suae conciliabulo 30. Epp. qui omnes aut ob crimma depositi, aut ob haeresin pulisi, habito, Cyrillum et Muemonem Ephes. condemavit, excommunicatis reliqus Episcopis Conc. a quo citatus, et cum non compateret, anathemate ictus est. Nec omittendum, in praefato Conciliabulo, Pelaginaos Epp. restitutos, et conclusum esse: Animam Adami non propter offensam mortuam esse, nec originis peccatum a Patre ad filium propagari. Quae conclusio inter legitima decreta Cone. Ephes. irrepsit, donec id Greg. Mag, observasset [orig: observâsset]. Imerim Ioh. Theodosio Iun. per literas imposuit, et lite Cyrillo mota [orig: motâ], diu Eccl. pacem turbavit. Tandem ad frugem rediens, A. C. 432. cum Cyrillo pacem iniit, Nestorioque condemnato, Conc. subscripsit. Obiit A. C. 440. Sucdessit nepos eius domus. Acta Conc. Eph. Nicephorus, Theodoretus etc.

JOHANNES [133] II. A. C. 1090. sussessit, praefuitque, donce urbs a Latinis capta est. Genebr. in Chron.

JOHANNES [134] I. Patr. Hierosolymitan. post Beniaminum, A. C. 123. quo tempore in Eccl. gravissima passa est. Euseb. in Chron.

JOHANNES [135] II. Monachus, et sectator haereseos Macedonianae, hac eiutrta [orig: eiutrtâ], Cyrillo successit, A. C. 386. Epiphanio ob levia quaedam succensuit, Hier. quoque huic negotio im oiocito. Sed vera [orig: verâ] causa suberat, quod ambo hi Praesules, prior imprimis, Origenianisini illum accusarent. Et omnino docere Ioh. dicebatur, cum Origenistis: In Trinitate nec Patrem a Filio, nec Filum a Spiritus S. videri: Animas, iam ante Paradisum, exitisse: incorpore, tamquam in carcere, detineri: Daemones et damatos in gratiam receptum iri, etc. Cum itaque Epiphanio, utpote Ep. non ita facile nocere posset, in Hier. eo acrius desaeviit. illo excommunicato, et Pelagio contra illum concitato. In synodo Diospolitana, in Palaestina celebrata. A. C. 415. Pelagii etrores in speciem condemnavit, mox ei contra accusatores apperte favens. Hinc monitus ab Augustimo, de fraudibus erroribusque Pelagii, summissio eius de Natura libro, et sua [orig: suâ] responsione, misit ei rogatus acta Synodi praefatae, quae cum Augustinus accepisset, librum hunc editit. Obiit A. C. 416. Successit Prailus. Gennad. Cat. 30. Petrus Vastelius, edidit A. C. 1643. duo volumina, quae huic Patriarchae atrribuit, vide Moret. Dict. Hist. Ceterum plura de Ioh. Hier. Ep. 61. Aug. Ep. 252. de gestis Pelagii. Theodoret. Hist. l. 5. c. 35. Idacius, in Fast. et Chron. A. C. 406. etc.

JOHANNES [136] III. contra Eliam Orthodoxum, intrusus est, A. C. 513. Eutychis et Severi deliriis mancipatus. Sed Sabas, ipsi tam efficaciter veritatem demonstravit, ut Nestorio, Futychi et Dioscoro anathema diceret, Obiit A. C. 625.

JOHANNES [137] IV. successit Eustochio, A. C. 561. Obiit A. C. 595. Euagr. l. 6. Genebrardus Iohannem V. ab A. C. 795. usque ad A. C. 802. praefuisse scribit.

JOHANNES [139] II. Cappadox, A. C. 517. sub Iustino Imp. Eutychem, Nestorium, Severum, aliosque condemnavit, Conc. Chalcedonense recepit, Synodo quatriduo post habita [orig: habitâ], Episcopos ab Anastasio pulsos restituit, pace Ecclessis Or. reddita [orig: redditâ]. Obiit A. C. 520.

JOHANNES [140] III. dictus Scholasticus, Apocrisiarius s. Nuntius Eccl. Antioch. ad Constantinop. erat. ubi cum plurimis haereticis commercio defunctus, illorum ope; et Iustiniani Imp. auctoritate, Eutychio successor datus est. A. C. 564. usque ad A. C. 578. Eustath. in vita Eutychii, apud Sur. Vide Eutychius.

JOHANNES [141] IV. Ieiunator, Tiberii II. cura [orig: curâ], Eutychio subrogatus est, A. C. 583. hoc nequiquam, in lecto emortuali, obnitente. Sede potius, Synodo habita [orig: habitâ], titulum Ep. Oecumenici sumpsit; unde offensus Pelagius Papa. titulum hunc nemini neque Rom. Pontifici convenire, cum monnit. Morn. in Myst. iniq. et post cum Greg. mag. a Mauritio monitus, Ioh. ob temperaret, non tantum titulum Universalis condemnavit, sed et qui eum habuerit, praecursorem Antichristi dixit, seque ipsum Servum Servorum appellans, hunc titulum, velut superbum, novum, profanum, erroneum, venenatum, schismaticum, etc. reiecit. Obiit A. C. 596. insignis abstinentiae et charitatis in pauperes. Pelag. Ep. 8. Greg. l. 4. Ep. 38. et 39. etc. Niceph. l. 18. c. 34.

JOHANNES [142] V. Syncellus, i. e. Vicarius et Coadiutor Patriarchae successit Thomae II. A. C. 658. Monothelita. Obiit A. C. 664. Niceph. in Chron.

JOHANNES [143] VI. Monothelita item, Cyro, a Philippico Bardane pulso, surrogatus est. A. C. 712. paulo post deturbatus, ab Anastas. Imp. suasu Greg. II. Anastas. in Greg. II.

JOHANNES [144] VII. a Phil. promotus, Theophili Imp. praeceptor, successit Theodoro, A. C. 835. Michaele III. ad Imperium evecto, a matre eius Theodora pulsus, surrogato Methodio, A. C. 842. Quod Imaginum improbaret venerationem, gravia passus, A. C. 844.

JOHANNES [146] IX. cogn. Camaterus, Greg. Xiphilino successit A. C. 1198. Genebr. in Chron.

JOHANNES [147] X. quibusdam Beccus, approbata [orig: approbatâ] unione Eccl. Gr. cum Latina, facta [orig: factâ] a Michaele VIII. in Conc. Lugd. Iosepho contrarium sentienti, qui in Monasterium se abdiderat, successit. Ab Andronicco, fil. Michaelis, comdemnatus, A. C. 1283. Gregoras l. 5.

JOHANNES [149] XII. Niphonis successor, A. C. 1315. uxoratus: exornandae linguae Graecae omnuem abhibuit operam. Obiit A. C. 1320. Gregoras l. 7.

JOHANNES [150] XIII. Isaiae successit, A. C. 1331. Synodi Praeses, A. C. 1341. ubi Barlaarmus et Palamas iudicati: Depositus A. C. 1345. Cantacuz. l. 3. et 4. Gregoras l. 10. Onuphr. in Chron.

Series Virorum Celebrium.

JOHANNES [152] Presbyter, dictus Aegeates, Sec. 5. sub zenone, scripsit Historiam Eccl. 10. libb. a Theodosio Iun. et Nestorio, usque ad Petrum Fullonem, Ep. Antioch. pulsum. Ubi laudat Dioscorum, Synodum Lystricam divinam appellat, et in Conc. Chalcedonense invehitur. Photius Cad. 41. et 55.

JOHANNES [153] Cyprius, cogn. Marcus, S. Barnabae cognatus, in cuius aedibus S. Cenam a SERVATORE administratam, Spiritum S. effusum, et fideles congregatos esse, Petro e vinculis liberato, sunt qui dicant. Fil. Mariae. Quod a Barnaba et Paulo destitisset in Pamphylia, neque cum illis ad opus profectus esset, a Paulo reiectus est; Hinc inter utrumque Apostolum parocusmo/s2. Actor. c. 15. v. 39. Postmodum autem fidelis eius collaborator evasit, ut liquet ex Coloss. c. 4. v. 10. Baron. A. C. 34. 35. etc.

JOHANNES [154] Abbas montis Cassini, Chronici auctor. Obiit A. C. 934. Leo Ostiens. Item Anachoteta, Propheta, sub Theodosio Imp. A. U. C. 1147 Sozom. l. 8. c. 1. Item, Italus, Monachus, auctor vitae Odilonis, Abbatis Cluniac. Item, auctor vitae Petri Damiani Card. Item, Italus, Chronici auctor, Baronio laudati. A. C. 892. et 963. etc. Item Discip. Epiphanii, vitam huius scripsit. Edidit Petav. Item Antiochen. Historicus Graecus. Tzetzes Chil. 2. Hist. 33. Alius Antiquitatum Historiae auctor. Voss. de Hist. Graec. l. 2. c. 23. Item, Presbyter Nicomediae, auctor vitae, Basilii, Ep. Amasinai. Simon Metaphr. Item, Menachus, scripsit Vitam Alex. Mag. quae saepe, cum Curtio edita. Alius tempore Iustiniani. Voss. de Hist. Graec. l. 2. et 3. Item, Abbas Raitensis, Ioh. Climachium, ut sanctam suam scalam sciberet, impulit, illamque notis illustravit. Bibl. PP. Item Archidic. Barensis, scripsit de translatione S. Nicolai. Item, Leetor, Historiam et vitam Constantini Mag. Romae condidit.

R. JOHANNES [1] praeses Scholae in terra israelis, composuit Thadmud. Babylonicum per 5. classes. Socius et adiutor Resch Le Kisch, praeceptor Raf Ami et Raf Asi, R. Elizar. F. Phaedat, atque R. Samuel F. Nehumiae. Floruit sub fin. Millenarii IV. iuxta calculum R. Ganz.

JOHANNES [155] Tzechai caput Scholae fuit, tempore Gamalielis I. Imp. Vespasiano et filio eius tito honoratus. R. Ravid Ganz. Chronol. Rerum et Ducum sub templo II. ad Ann. 793. Primum rectorem fuisse Scholae Iafnensis et caput exulum quinque Annis praeceptorem porto r. Elieseris auctoris Pirke, discas ex Iuchasin p. 20. Eiusdem inter Misnitos Doctores celeberrimum esse nomen, atque effata illus ferme pro indubitatis haberi, observat Vorstius ad R. Ganz. p. 290.

JOHANNES [156] Abbaevillianus Picardus, Card. A. C. 1220. A Greg. IX. in Hispaniam et Lusitaniam missus, homines ad Expeditionem sacram, contra. Saracenos, hortatus est. Apud Fred. II. Imp. quoque legatione functus. Obiit Romae A. C. 1237. Auctor. Comm. in Cant. Canticorum, Sermon. libb. 4. etc. Alberic. in Chr. Trithem. Cat. Morer, in Dict. Hist.

JOHANNES [157] Abgillus Friso, auctor relationis fabulosae, de progressibus Car. Mag. in Palaestina et Indiis. Voss. de Hist. Lat. l. 2. c. 32.

JOHANNES [158] Abiosus Neapol. Medicus et Mathematicus, Dialogos de Astrologia Iudiciaria Alphonso Regi dedicavit, A. C. 1494.

JOHANNES [159] Agricola Issebius, discip. Lutheri, unus ex antoribus libri Interim dicitur, Obiit Berlini, A. C. 1566. Aet. 74.

JOHANNES [161] Aldatus Anglus, Scotorum et Hibernorum Historiam scripsit. Baleus et Voss. de Hist. Lat.

JOHANNES [162] Alerus Tholosanus Gen. Carmelitarum, eruditione clarus A. C. 1342.

JOHANNES [163] Amerbachius Typographus Basiliesis celeberrimus [correction of the transcriber; in the print celiberrimus], varios edidit Eccl. Patres, ius Canonicum, etc. Bibliothecam Carthusianorum magno librorum numero auxit. Filios habuit Brunonem, Basilium, et Bonifacium, viros doctrina [orig: doctrinâ], linguarumque cognitione et usu clarissimos, ab Erasmo enixe amatos laudatosque, Sec. Praet. Eum Ioh. Reuchlinus prooem. l. 1. de verb. mirif. fuisse, ait, ingenio praestantem et miro characterum artificio nobilem variisque disciplinis excultum, ac in hominum clarissimorum literaria Rep. clarissimum. Vide Amerbachius.

JOHANNES [165] Anagnus, Ius Canonicum docuit, Bononiae, Obiit A. C. 1455. Auctor Comm, in Decretales, et voluminis Consoltationum. Valerius Forster l. 3. Hist. Iuris.

JOHANNES [166] Andreae, Ius Bononiae docuit, A. C. 1345. Scripsit in Novellas, Speculum Iuris Gul. Durchandiauxit, Glossarum in Sextum et Clementians auctor. Obiit peste, A. C. 1348. Rabbi Dctorum, Lux, Censor, Normaque morum, etc. Epitaph. Filium generumque similiter insigens Iure Coss. habuit, post mortem Filii. Ioh. Calderino adoptato.

Viri Clari.

JOHANNES [167] Andreae Schmidlinus Theologus Wittenbergensis, libri Concordiae auctor. Georg. Horn. Orb. Imp. cum Not. Felleri p. 102. Vide huius, Notas, ubi Iocobum vocat

JOHANNES [168] Anglicus Franciscanus, auctor Summae Ioanninae. Sec. 13. Alius Medicus Anglus, auctor Rosae Anglicanae. Gesner. in Blbl. Alius Historius. Voss. de Hist. Lat. l. 3. p. 708.

JOHANNES [169] Antiochenus Scholasticus Presbyter primo et Apocrisiarius, dein Patr. CP. post Entychium in exilium pulsum, A. C. 564. praefuit usque ad A. C. 578. quo post mortem Iustiniani Eutychius revocatus est. Eius inter alia exstant, *sunagwxh\ *kano/nwn, Collectio Canonum, quam Theodoreto Cyri Ep. male nonnulli atribuunt; Concordiam Canonum vocat Nicol. I. Papa Ep. ad Photium Patr. et *nomoka/nwn, qui Epitome et Collectionis. Primus iis Collectioni suae inseruit inter Graecos, Canones Apostolicos 85. semi Sec. circiter ante eum confictos etc. Vide Gerhard. von Mastricht IC. Hist. Iuris Eccl. n. 161. et seqq. infra, in Scholiasticus.

JOHANNES [170] Antonius Delphinus Casali oriundus, Franciscanus celebris. A. C. 1560.

JOHANNES [171] Antonius Maginus Patavinus, Mathematicus, scriptis inclitus. Sec. Praet.

JOHANNES [172] Antonius Pathaeus Veronensis, scripsit de Pliniorum patria, etc.

JOHANNES [173] Antonius Rubeus IC. Duci Sabaudiae a consiliis, docuit Ius Valentiae, Ticini, Patavii et Taurini: scripsit quaedam. Forster. l. 3. Hist. Iur. Gesner. in Bibl.

JOHANNES [175] Arculanus Veronensis, cum Ion. Arundineo, Carmelita celebris, A. C. 1494.

JOHANNES [176] Argytopylus Constantinopolitanus, capta [orig: captâ] a Turcis urbe, in Italiam transiit, a Cosmo Mediceo, benigne exceptus, filiique Petri et nepotis Laurentii institutioni adhibitus. In hac aula Ethicam et Phys. Aristotelis Latine vertit: de Regno, Consolationem ad Imp. Constantionop. Monodiam, etc. scripsit. Peste pulsus. Romae Graecam literaturam docuit. Quidquid autem laboribus his lucratus est, gulae sacrum fecit, et moriturus amicis pecuniam suam, in aliorum marsupiis reconditam, legavit. Obiit sub fin. Scc. 15. Aet. 70. nimio peponum esu. Ioh. Lascaris discip. ei Epitaphium gratus exsecit. Paul. Iov. Elog. c. 27. Voss. de Hist. Graec. l. 4. c. 19.

JOHANNES [177] Asser Ep. Anglus, Scriptor Sec. 10. Idem, de Hist. Lat. l. 2. c. 39.

JOHANNES [178] Aventinus Abenspergensis, urbe quae Latinis Aventinum, vel Abusina, in Bavatia, oriundus. nat. A. C. 1460. condidit Ann. Boiorum, libb. 7. usque ad A. C. 1533. Nicolaus Cisnerus edidit, cum additionsibus. Obiit An. Aet. 68. Alia quoque scripsit, Baronio minus grata, t. 9. Ann. A. C. 772. Henr. Pantaleon, de Ill. Germ. Viris, P. 2. Gesner. in Bibl. Voss. de Hist. Lat etc.

JOHANNES [180] d'Auton vel d'Anton. Historiographus Lud. XII. eius vitam scripsit, Abbas.

JOHANNES [181] Baconus vel Barcondorpius, Anglus, Carmelica magni nommis Sec. 14. Scripsit in 4. libb. Sententiarum, Compendium Legis Christi. Quodlibeta: Tractatus de vegula Ordinis Carm. Compendium Historiarum et Iurium, pro defensione eiusdem ordinis, etc. Obiit A. C. 1350. Baleus, Trithemius, Pitseus, etc. Londini Sepultus. Ex eadem fam., celebris est Franc. Baconus, Baro de Verulamio, Philosophus magni nominis, sub Iacobo VI.

JOHANNES [183] Balde Gennensis, eruditione inclitus. Bracellus de Claris Genu.

JOHANNES [184] Baleus s. Balaeus, Anglus, patria [orig: patriâ] Sudovolgiensis, Covi pago oriundus, tribus a Sutholida miliaribus, Ep. Ossoriensis in Hibernia, insignis historicus, plurima scripsit: inter quae in Num. c. 30. Item, de Scriptoribus Anglicanis.

JOHANNES [185] Bapt. Adrianus Florentinus, continator Historiae Guiciardini Thuan. l. 68.

JOHANNES [187] Bapt. Caccialupus et I. Baptista Cananius, ille Iure-Cos. cleebris Bonoiae: Hic Ferrariae Medicus.

JOHANNES [191] Bapt. le Grain Henr. IV. Historiam, ut et initium Lud. XIII. per decades, descripsit.

JOHANNES [192] Bapt. Imperialis Vincentius, Medicus insignis, Orator excellens, Galenum eridito Comm. illustravit, Defunctus A. C. 1623. Aet. 54. Pater Ioh. Philosophi et Medici, ac Musei Historici auctoris P. Frcher. Theotro Viror. erud. Clar.

JOHANNES [193] Bapt. Matthaeus fil. Petri Matthaei, Historiographie Galliae, continuator eius, A. C. 1621.

JOHANNES [194] Bapt. Montanus Medicus, Patavinus auctor Consultationum Medicarum, aliorumque complurium Scriptorum, quorum indicem exhibet Ant. Teissiert Part. 1. Elog. a Car. V. Franc. 1. Gall. Regibus et Mag. Florentiae Duce Frustra expeticus, Obiit in agro Veronensi, solo natili, A. C. 1551. praeceptor, Ioh. Cratonis Medic. illustris, qui post Montani mortem reliqua illius, hactenus nondum edita, luci dedit. Ghillin. Theatr. d'huom. Letter. Thona. Hist. Alii.

JOHANNES [195] Bapt. Pajarinus Vincentius, Historiam patriae libb. 6. condidit, Sec. 15.