CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

IOHANNES [57] Germanus Cluniacensis, Duci Burgundiae gratus. Ep. Cabillonensis Basiliensi et Florentino Conc. interfuit. Auctor Comm. in Mag. Sentent. l. de regimins Ecclesiasticorum, etc.

IOHANNES [58] Gerson alias Charlierus dictus, Gallus, Gersonii, pago agri Remensis, natus, Petrum de Alliaco Praeceptorem hahuit, et Cancellarius Parisiensis factus est: Claruit in Conc. Constantiensi, ubi quod emendationem Eccl. Rom. plurimis rationibus suasisset, finito Conc. domo, patria, dignitatibus spoliatus, et a pontifice pulsus, Lugduni consenuit, ibi Mortuus, A. C. 1429. apud Caelestinos cum honore sepultus. Eius opera exstant 3. tom. Fol. Argentorati A. C. 1488. ex recensione Wimphelingiana. 3. Vol. Fol. Parisiis A. C. 1521. et 1606. 4. Tom. 2. Vol. ib. A. C. 1616. Gerson. coge. Doctor Christianissimus, Pareo: Famosissmus, sua [orig: suâ] aetate Theologus, Thuano: Vir in divinis literis eruditissimus, dubiorum clarissimus interpres, vita [orig: vitâ] et conversatione insignis, Trithem.

IOHANNES [59] Goia aliis Flavius Campanius Amalphitanus, inventor pyxidis nauticae, A. C. 1302. vel saltem consummator.

IOHANNES [60] Gosselinus Bibliothecarius Car. IX. auctor Ehemeridum, A. C. 1571. et Historiae imaginum caelestium.

IOHANNES [64] Graunsonus Eleemosynarius Eduardi III. scripsit Sermones, vitam Thomae Cantuar. et martyrologium. Obiit A. C. 1369. Voss. de Hist. Lat.

IOHANNES [65] Grolaius Card. Gallus, legationibus ad Alex. VI et Ferd. V. Hisp. Regem, inclitus. Scripsit in Mag. Sententiarum, sermones, etc. Obiit A. C. 1499.

IOHANNES [67] Gropperus Archidiac. Coloniensis, colloquio Ratisbonensi, cum Euangelicis instituto, interfuit, A. C. 1541. Obiit Romae.

IOHANNES [68] Gualbertus Fundator Ordinis Valumbrosae, A. C. 1070. Obiit A. C. 1073.

IOHANNES [69] Gutenbergius natione Teutonicus, equestris dignitatis vir, an Moguntinus, an Argentinensis; primus omnium in urbe Moguntia imprimendarum literarum excogitavit artem, primumque ibi eam exercere coepit, A. C. 1440. vel 1442. Alii hunc Guttenbergium saltem socium fuisse dicunt Ioh. Fausti inventoris. Alii id Ioh. Menteilio, eiusdem urbis civi, adscriptum eunt. Harlemenses huius inventi gloriam sibi vindicant, per Laur. Iansonium, cui typos a quodam surreptos et Moguntiam sic delatos dicunt. A Sinensibus quidam ad nos divinam hanc artem pervenisse statuunt, sed alia illis imprimendi ratio. Sixtus Ressius vel Russingerus, Neapolim, etc. Ulricus Haan, ex Guttenbergii famulis paulo post Romam artem, hanc detulerunt [orig: detulêrunt], ubi August. de Civ. Dei et Lactant. impressi. Epitaphium Guttenbergii aeri incisum Heidelbergae in Collegio Sapientiae, ita sonat:

Hans Gutenberg ist mein nom,
Die erst Truckrey bracht ich nach Rom,
Bitt vor mein Seel, gibt dir Gott lohn.

Vide Serrar. Hist. Mog. l. 1. c. 37. Iun. in Batav, Wimpheling. in Epit. rer. Germ. c. 65. Aventin. Boic. l. 7. Palmer. in Chron. Melchior. Guilandin. de Papyro membr. 26. Chassan. de G. M. P. 11. Cons. 39. Ioh. de Barros, Asi. dec. 1. l. 9. c. 1. P. Iov. Hist. l. 19. Osor. de Emmanuel. l. 11. Pancirol. t. 12. Salmuth. notis in Pancirol. Volaterr. l. 33. antr. Polyd. Virg. l. 2. c. 7. De rer. inv. ut et infra in voce Typographia.

IOHANNES [70] Hagen s. de Indagine, Carthusianus, Scripsit tractatus 433. inter quos tria Chronica, sunt. Petreius Bibl. Carthus. Obiit A. C. 1475. Trithem. in Cat. Voss. de Hist. Lat. Simler. in Bibl. Sec. 15. Alius ab auctore Chiromantiae, Physiognomiae et Astrologiae Iudic. A. C. 1522.

IOHANNES [71] Hantwilius Anglus, scripsit Architrenium, s. de antiq. Angliae, metro, A. C. 1200. Simler. in Epit. Pitsaeus.

IOHANNES [72] Hardingus Anglus, auctor Chronici, etc. A. C. 1460. Baleus, Cent. 8. c. 30.

IOHANNES [73] Haucuth Anglus, qui Vicecomitibus Mediol. militaverat, copiis Urbani V. praefectus est, ut Ecclesiae ditionem ab hoste tueretur. Platina, Blond.

IOHANNES [75] Hesius Presbyter Ultraiectinus, Itinerarii O. rientis, Hierosolymis in Indias auctor.

IOHANNES [76] Heurnius primus Medicinae in Acad Lugduno. Batava Professor, in Hlppocratis lectione adeo diligenter versarus est, ut illum totum a capite ad calcem memoria [orig: memoriâ] teneret. Vide supra Heuthius Iohannes.

IOHANNES [77] Hexhamus Benedict. Anglus, varia scripsit, Sec. 12. Baleus, Gesnerus, Voss. etc.

IOHANNES [78] de Hildesheim Carmelita, scripsit Chronicon, de translatione trium Regum, etc.

IOHANNES [80] Honsemius Canonicus Leodiensis, plurimis Legationibus defunctus. Auctor Hist. Episcoporum Leod. ab A. C. 1247. usque ad A. C. 1348.

Cosmogragraphiae libb. 4. Mappas Geograph. principia Astronomiae et Geographiae edidit.

JOHANNES [254] Houctonus Anglus, Carthusianus, sub Henr. VIII. cruci affixus, Obiit A. C. 1535. Epistolae eius editae.

JOHANNES [256] Huniades Vaivoda, tutor regni Hungariae factus. A. C. 1445. Ritius. Vide Huniades.

JOHANNES [257] Huss Bohemus, ex libro Ioh. Wiclefi Alethia, ab Hier. Pragensi, sibi tradito, luce doctrinae salutaris hausta [orig: haustâ], eam in Bohemiam intulit, et Pragae docerecoepit, exstimulatus ad id im pudentissimis Indulgentiarum nundinationibus, quae tum sub A. C. 1400 propositae. Hinc A. C. 1404. Pragae disputatum, contra Transubstantiationem, Confessionem auricularem, Ordinationem, a Iacobo et Conrado, Cantabrigiensibus, qui quod paulo ante S. Brigitta, Papam esse Antichristum asserebant. In templo Betleem, recens a Mulhemio erecto, contionatus est, ingenti cum successu: Wiclefilibros Bohemice vertit, illosque ad Proceres, et Iodocum quoque Moraviae March. misit. Contionari prohibitus, in patriam Hussenec secedens ibi docuit. Rediit tamen revocatus, Academiaeque Pragensis Rectoratu functus est. A. C. 1409. Nec in Bohemia solum salutarem doctrinam propagavit, sed hinc illa in Silesiam, Germaniam, Poloniam, Venceslao Rege connivente, ac dicente, Anserem aurea sibi ova parere, feliciter sparsa est. M. Cromer. l. 15. A. C. 1414. sub fide publica Constantiam. ad Conc. a Sigismundo Imp. evocatus, in foedum carcerem mox abiectus est, frustra Bohemica [orig: Bohemicâ] et Polonica [orig: Polonicâ] nobilitate, Venceslao inprimis Leszczinio, violari fidem datam, protestante: In vanum quoque a Nobilibus Moravis 54. Epistola [orig: Epistolâ] totidem sigillis obsignata [orig: obsignatâ] dafensus. Camer. in Hist. Fr. Bohem. Sim. Turnov. in Spec. Ver. paralip. ad Chron. Ursperg. Condemnatus enim, velut haereticus, Casparo Schlik, Imp. Cancellario, solo non assentiente, Lasicius in Hist. de gestis Fr. l. 1. e. m. s. mox iure Sacerdotali peculiari ritu spoliatus, et combustus, 6. Iul. A. C. 1415. Adeo generose tulit mortem, ut non nisi pias preces ac cantus sanctissimos ab eo adstantes audiverint. Populo Constantiensi hinc voce expressa [orig: expressâ], Quid iste homo antea docuerit aut fecerit, ignoramus, certe ista sunt maxima verae pietatis indicia. Morn. in Myst. Doctr. Iesuit. tom. 3. Ante mortem, vatidico Spiritu, Reformationem Lutheri praedixit, Nunc quidem, inquiens, torretis anserem, (id enim Bohemis vox Huss notat,) at veniet Cycnus, quem torrere non poteritis. Post centum annos Deo et mihirespondebitis. Camer. in Hist. Fr. Innocentiam Viri miraculo dignatus Deus est: Ubi enim loci cum Ioh. Huss, tum Hier. Prag. paulo post, exusti, usque ad haec tempora, circum luxuriante prato, nullum gramen succrescit. omni artificio et industria [orig: industriâ] incolarum hactenus incassum laborante. De utriusque supplicio, Aen. Sylv. ita scribit: Iohannes combustus est prier: Hieronymus postea in vinculit habitus, etc. Pertulerunt [orig: Pertulêrunt] ambo constantes animo necem, et quasi ad epulas invitati, ad incendium proper ârunt: nullam emittentes vocem. quae miseri animi indicium facere posset. Ubi ardere coeperunt [orig: coepêrunt], hymnum cecinere [orig: cecinêre]: Ave vivens hostia, Veritas et Vita, etc. quem vix flamma et fragor intercipere potuit, etc.

JOHANNES [258] Hyrcamus fil. Simonis, Iudaeorum Dux. Vide Ioseph. Antiqq. l. 13. c. 8. et in voce Hyucanus.

JOHANNES [259] Iac Weckerus, celebris Medicus Basiliensis, auctor Antidotarii. Obiit Colmariae, A. C. 1586.

JOHANNES [261] d'Imola Bononiensis, IC. Baldi discip. In Decretales et Clementinas comm. etc. scripsit. Obitt A. C. 1436. Forster. et Fichard. in vitis Iuriscoss. Trithem. in Cat. Simler. in Bibl. Gesner.

JOHANNES [262] Institor vel Institutor, Carthus. Scripsit de Ob. iectionibus Bibl. A. C. 1400. Suevus.

JOHANNES [263] Ioffredus Card. egregius doctrina et ingenio, interfuit Conc. Florentino. Obiit A. C. 1473.

JOHANNES [265] Iuven de Ursinis, Archiep. Remensis, potens et populo acceptus. A. C. 1461. coronavit Lud. XI. Obiit A. C. 1473 Auctor Historiae Car. VI. ab A. C. 1380. usque ad A. C. 1422. Sansovin. Geneal de la Casa Ursina.

JOHANNES [266] de Kikellew Archidiac. urbis cogn. et magnus Vicarius Episcopatus Strigoniensis, vitam Lud. Hung. Regis scripsit. Voss. de Hist. Lat. l. 3. et 6. Turocius in Chron. Hung. illam refert.

JOHANNES [267] Killingwortus Anglus, Mathematicus celeberrimus, scriptis Astrologicis, Arithmeticis, etc. inclitus.

JOHANNES [268] Lallamantius Medicus Augustodun. praeter plurima alia, de collatione anni Romani, praecipuarumque Gentium exterarum etc. scripsit.

JOHANNES [269] de Lana Bononiensis, IC. egregius. Obiit A. C. 1357. Aet. 93.

JOHANNES [270] Langdenus Anglus, Benedictinus, auctor Chronici, usque ad A. C. 1420.

JOHANNES [271] Langius Silesius, Medicus clarissimus, Cosmographiam primo Lipsiae docuit, inde in Italiam profectus. sub Nic. Leoniceno, Ferrariae, Medicinae operam dedit. Reversus in Germaniam, Heidelbergae vixit, Frid. II. Othonis Henr. et Frid. III. Medicus *galaktofa/gos2 adeo insignis, ut Lac et Casaeum erudito carmine celebraret, neque unquam sine his delitiis cibum caperet. Vide Epigrammata eius l. 2. Obiit A. C. 1565. Aet. 80. Scripta eius reliqua vide in Elogiis A. Teisserii, plura de illo apud Melch. Adami Vit. Medicor. Nic. Reusnerum Praef. Ep. Med. Langii, Alios.