CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

KIRCHBERGA castrum Germ. sup. unde illustri Fam. id nomen im positum, quam nonnemo ex Nassoviis derivat. Burggraviorum Kirchbergae, Dominorum in Farnroda. Haec satis annqua, et iam Sec. XII. memoria illius inter affinitates Honstenias reperitur. Albertus, qui vixit A. C. 1423. duos per filios, Theodorum et Hermannum, duos sevit ramos, ab illo enim Kranichfeldii, qui in Hartmanno Abbate Fuldensi Exstincti sunt, A. C. 1538. descenderunt [orig: descendêrunt]. ab isto, Farnrodienses propagati sunt, inter quos georg. (qui Obiit A. C. 1641.) ex Dorothea Magdalena Ruthena (filia Henr. Iun. Rutheni Dn. de Plaven ) Georg. Lud. genuit, maritum Annae Magdalenae Hohenloicae (filiae Phil. Ernesti. Com. de Hohenloe in Langenburg ) et patrem ex ca, Annae Dorotheae. (nat. ac Den. A. C. 1650.) Sibyllae Magdalenae (nat. ac Denat. A. C. 1651.) Georg. Phil. (nat. A. C. 1652. Denat. A. C. 1653.) Elisabethae Magdalenae (nat. A. C. 1654.) Dorotheae Ludovicae (nat. A. C. 1655.) Lud. Cratonis (nat. A. C. 1656.) et Georgii Wolffgangi (nat. A. C. 1660.) Burgraviorum de Kirchberg etc. Idem Parte II. p. 2. Sed et Fug. geriae fam. ramus quidam hoc nomine insignis est. Ioh. enim Iacobi, qui ex mercatore factus Consiliarius Maximiliani I. Imp. illustris huius fam. fundam enta iecit, filii Ulricus atque Georg. ab Imp. Barones et Domini in Kirchberg et Weissenhorn dicti sunt: qua de re vide supra.

KIRCHEMIUM olim Dagoberti Francorum Regis palatium, non procul Mollishemio, ab Alemannis sic appellatum, cum antea Triboni diceretur. Auctor Vitae Florentii Schoti, qui VII. Argentoratensium Ep. fuit, Eo quoque tempore Rex Dagobertus apud municipium Troium, quasi Troiam novam, nunc Kircheim dictum, sibi domicilium fixerat. Ubi Troium B. Rhenanus, Tribonos intepretatur, quem vide Rer. Germ. l. 3. cum Notis Cl. Othonis, p. 603. etc.

KIRCHOLMIA opp. Livoniae, ubi Car. sueciae Rex magna [orig: magnâ] clade affectus est, A. C. 1604. a Car. Chotkeviczio, Vladislai Poloniae Regis Duce. Vide Thuan. Hist. l. 133.

KIREI nomen. Fam. inter Tartaros celbris, quae Crimenses. Precopense huius gentis Imperium condidit. Ex illa enim oriundus Azi-Kirai, filium Tick-Tamisci Schicachmeth-Zarem Taurica [orig: Tauricâ] s. crimea [orig: crimeâ] expulit, seque contra eum Regem Tartarorum appellavit: a quo tempore Crimenses excursionibus Lithuaniam, Poloniam, Russiamque infestarunt [orig: infestârunt]. Vide Georg. Horn. Orb. Imp. cum Not. Felleri p. 435.

KIRIATHSEPHER Palaestinae urbs, olim Debir, Ios. c. 15. v. 60. Lat. civitas literarum.

KIRTELLUM vestimenti species adhibitia in inauguratione Equitum Balnei, C. du Fresne in Gloss.

KISULBASSAE quasi Rubricipes, Persae dicuntur, ab Ismaele Sophi, Sectae Sophianae an auctore, an amplificatore; qui A. C. 1507. Regno potitus est. Hic enim velut tessera [orig: tesserâ] quadam suos a Turcis Osmaneis discreturus, per universum Regnum subditis suis edixit, ut omnes in posterum tegmina capitum rubro tincta colore gestarent, inde hoc nomine illis indito. Praeterea in precibus, ieiuniis et catalogo successorum Mahummedis, varia immutavit etc. Vide Ioh. Leunclav. Hist. Musulmann. l. 16. et mfra, ubi de Sophiana Secta, nec non ubi de Persis.

KITTIM regnavit apud Ianigenas, relicto in Celtiberis Rege filio Sicoro, quem Kittim Ianigenae sua [orig: suâ] lingua [orig: linguâ] ob mentis excellentiam vocaverunt [orig: vocavêrunt] Italum Atlanta. Hic filiam suam Electram Camboblasconi, Ianigenarum Principi dedit coniugem, et Romam filiam suam primo subreginam Aboriginibus sacravit. Berosus.

KLEM vox Germanica, rigidum parcumque denotans, cogn. fuit Ruperti ex Fam. Palatina Imp. cui vulgo per errorem cogn. Parvi tribuunt, quasi Klein fuisset vocatus. Georg. Horn. Orb. Imp. p. 88.

KMETHONES servilis conditionis homines, apud Polonos, in LL. Polon. Chopini de Domanio libb. subnexis.

KNAPDALIA vulgo Knapdaile, prov. Scotiae versus Occas. et inter provincias Lornam ad Bor. Cantierma ad Austr. Eius praecipua urbs est Kilmoria.

KNAVE in Charta Anni 22. Henr. VII. Regis Angl. apud Henr. Spelmann. Ioh. fil. Vilhelmi Conper de Denby Knave, ad satifaciendum Regi etc. forte Armiger est. s. scuti famulus; samulum enim vox Saxonibus sonat. Vide Ian. Dolmer. ad Ius Aul. antiquum Norvagit.

KNIPHUSIA nomen Dominii, olim sub Comitibus Oldenburgicis, hodie sub Antonio, ab ultino stirpis eiusdem nominis, ex Ungnadia suscepto, Comiti Altenburgio; cuius familiam si deficere contingat, haeres Dynastiae huius Ioh. erit Servestanae sam. Princeps, qui Ieveram etiam, matris Magdalenae Oldenburgicae iure, nactus est. Vide Phil. Iac. Spenet. Sylloge Geneal. Hist. in Fam. Oldenburgo Danica sub sin. et Tob. Pfanner. de praecipus Germ. Principum gentib. c. 10.

KNOXUS Ioh. Scotus, ob religionem pulsus Genevam secessit, ibique Calvino innotuit. In Patriam inde reversus, rebus iam pacatis, magnis muneribus defunctus est. Vide Buchan. Rer. Scot. l. 16. Vide Cnoxus

KNUZENIUS Matthias Holsatus, moribus iniquis, ingenio turbidus, cum Regiomonte in Borussia, alibique pravitatis, suae indicia iam satis dedisset, levibus de causis in peiora provolutus, eo tandem insaniae pervenit, ut Deum esse apertis verbis negaret et publicis scriptis, susceptisque itineribus prolatandae impietati improbum laborem impenderet, in clarissimis universae Europae Urbibus iam asseclas se habere gloriatus; quibus tamen meliora omnes

sperant. Scripsit contra hoc hominis monstrum Ioh. Musaeus libellum peculiarem vernaculo sermone, cui tit. Ableinung und Bericht von der vermenter Gevvissener Sect. Tob. Pfanner. Theol. Gent. par. c. 2. §. 2. de DEO.

KOGKENHUSIUM vulgo Kochenhauss, opp. est Livoniae, in Litlandia prov. ad Dunam fluv. alias iuris Polonici, nunc Suecici. 70. nilliaribus distat a Riga in Ort.

KOLA vulgo Kola opp. Lapponiae Moscoviticae, cum portu ad ostia fluv. cognominis in ora Oceani Glacialis. Valde frequentatur a Batavis. In viciniis est etiam lacus Kola dictus.

KONIG Emanuel Medicus Basil. nat. A. C. 1659. Dissertationibus 2. de Regno Vegetabili et Animali editis, famam meruit. Hinc in Societatem Leopold. Naturae Curiosorum receptus, Avicennae nomen accpeit. A quo, varia porro ingenii sui monumenta, Regnum Minerale, Scholia in Observationes Chirurgicas, it. Augmentium Hippocratis Helvetici Ioh. Muralti Tigurini, Thesaurum Remediorum e triplici Regno, Observationes Miscellaneas, Medicas. Physicas. Chymicas, in lucem emisit; aliaque meditatur, nomine suo digna.

KONIGSBERGA vulgo Kongisberg, Prussiae Ducalis urbs primaria, Hanseatica, ampla, emporiumque Poloniae celebre, cum arce et portu, prope ostia Pregelae fluv. in Habum sinum, sub dominio Electoris Brandeb. Dicitur Mons Regius Lat. Kroleffsky Polonis. Estque triplex, nempe Vetus, ubi arx Ducalis, a Georg. Frid. Marchione Brandeb. excitata: Altera pars Kniphoff dictur, ubi templum inest Cathedrale Ep. Sambiensis et Academia, ab Alberto Prussiae Duce instituta A. C. 1544. Tertia urbis pars Lebenicht dicitur. A voce Rex, Germ. Konig nomen habet. Quemadmodum Regis mons, vulgo Konigsberg Latio, opp. cum monte, qui Vogel dicitur, in Iapidia regione, in Carniolae conf., ac in Comitatu Celeiensi, apud Collem opp. Rain vulgo, a Paetovione 8. leuc. in Austr. a Celeia urbe 4. in Eur. Sic in Tuscia fuit Regis villa, in ora, inter Graviscas et Cosam urbem excisam. Regium fumen, in Mesopotamia, inter Euphratem et Tigrim fluens: Basilius. Porro Regium Gallicum; vulgo Riez, vide Reii Apollinarii. Etiam Regium Germanicum, vulgo Roking, opp. olim Vindeliciae, nunc vicus in Bavaria, inter Abudiacum et Aciliam, a Ratispona 2. luec. in Austr, Regium Iulium, vide Rhegium: et Regium Lepidi, vulgo Reggio, urbs Galliae Togatae, in via Aemilia, Episcopal. sub Archiep. Ravennare prius, nunc sub Bononiensi, inter Parmam et Mutinam ad Ort. 15. mill. pass. prius Colonia Tuscorum, dein Lepidi, sub Principibus Athestinis. Condita autem fuit Konigsberga ab Equitibus Teutonicis A. C. 1260.

KONIGSECCIUM Germ. Konigseck, castrum Germ. sup. sub proprio Dynasta: in cuius Fam. enumeratione variant Progonologi; ubi de Maioribus Marquardo Bar. a Komgseck assignandis agitur, cum quidem in Ioh. ac Ulrico patre et avo consentiant, sed matrem et avias alii alias adducant. Praecipua nunc divisio est, quod in duobus fratibus, Hugone in Irmenstatt et Ioh. Georg. Praefecto Provinciali in Weingarten, novae lineae incipiunt. E quibus ille, ex Maria Renata Zollerana, Leopoldum Vilhelmum genuit (Mariae Polyxenae de Scherfenberg maritum) ac secundis teritiisque nuptiis Carolam Luisam Sultzensem et Annam Amaliam Com. Silvar. ac Rheni duxit: ipse nat. A. C. 1595. Iste, ex uxore Leonora de Hohenemps s. Altempsia Fam. quoque propagare coepit. Utriusque pregenitores habes, apud Phil Iac. Spener. Theatr. Parte II. p. 42. Liberi Ioh. Georgii praefati, sunt Maria Elisabetha (uxor Ioh. Lud. Com. Sultzensis) Franciscus Eusebius, Antonius Eusebius, Monica (uxor Ioh. Ernesti Truchsessii Com. de Trauchburg ) et Iohanna Claudia (uxor Ioh. Franc. Desiderati Princ. Nassovii) vide Eund. Parte III. p. 35.

KONIGSTENIUM Germ. Konigstein, castrum itidem Germ. sub proprio Domino olim, donec Lucardim, filiam Phil. Iunioris Du. de Falckenstein et Muntzenberg, heredem Konigsstemae Gothofredus duxit Com. Eppstenius, qui Decessit A. C. 1412. filiosque ex ea reliquit Godofredum atque Eberhardum; quorum is, ab uxore Iuta Nassovia titulum Comit. Diezii fam. intulit hic Konigsteinam tenuit ac consensu fratris, A. C. 1420. feudum Imperii fecit primusque Comitis titulum obtinuit, proavus Eberhardi, Georgii Phil. Can. Moguntini, qui lineam clausere [orig: clausêre], Exstincti A. C. 1509. 5127. 1535. et Annae heredis, quae nupta Botoni Com. Stolbergae, Decessit A. C. 1538. marito A. C. 1537. praemortuo. Idem Parte III. p. 13

KONOB in nummo Constantini Mag. CPoli obsignata: KONSA. in Constantii, CPoli, ubi A. nota Monetarii est: KONSAV, in Constantii et Iuliani, itidem CPOLI denotat, C. du Fresne Dissert. de inf. avi Numismatibus.

KORSUMA vulgo Korsum, opp. Poloniae, in Ucrania S. Volhinia inf. ad Rossi fluv. ripam, a Rege Steph. conditum A. C. 1581. Ibi Poloni memorabili clade affecti fuere [orig: fuêre] a Cosaccis A. C. 1648. Distat novem leucis Polonicis a Czircassia in Occas.

KRODO Idolum olim Saxonum, quod Saturnum illos arbitratos fuisse, ait Crantzius in Metropol. l. 1. c. 3. apud C. du Fresne in Gloss. Vide supra Crodus.

KRTC in nummo Mauritii Imp. ubi. C. pro S. Karthagine signata est. K. R. T. S. in Constnatini Pogonati, idem denotat. C. du Fresne. d. l.