December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised


image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.



image: as0002

[gap: blank space]

image: as0003

[gap: illustration]

image: s0735a

LAGARIA [2] urbs Lucaniae in monte excisa, nunc Lagara: ad Cylistarnum fluv. hodie Carnistaso. Inde vinum Lagarianum Plin. commendatum. Strabo l. 6. p. 263.

LAGECIUM Angliae opp. Ant. Castleford, Camd. Inter Eboracum et Danum in Mer. Londinum versus 16. mill. pass.

LAGENA ex Graeco h( la/ghnos2 vel la/gunos2, vasis vinarii genus est, kasignh/sth bakxei/as2 ku/likos2, soror Bacchici calicis hinc dicta, in Epigr. apud Hesych. colli angusti, unde, quia non libere liquor effluit, solet edi sonitus, a quo Franc. Rableslius occasionem arripuit tou= o)nomatopoi=hsai lagenam, Gall. baccbuch, alludens simul ad Dionysii cognomen *bakxe/bakxos2, in sacrificiis usurpari solitum; vel potius ad Hebr. basbuc, i. e. vas angusti oris, a concavitate nomen nactum. Sed et Graeca bi/kos2, biki/dion et biki/on Hier. lagenam et lagunculam vertit, Italique etiamnum Bocal appellant. Conficitur autem e varia materia et a viatoribus fere circumgestatur. Apud Rom. olim sigillo annulli quoque, ut et reliqua, quae bene clausa volebant, obsignatas discimus ex Cic. ad Tiron. Ep. 26. ubi matrem suam lagenas etiam inanes obsignasse [orig: obsignâsse], scribit. Et Mart. l. 9. Epigr. 89. cuius epigraphe ad Lupercum.

Nunc signat meus annulus langenam.

Id quod fiebat duabus de causis, ne aut vinum ebiberetur, aut veneno inficeretur a servis: a qua sollicitudine liberum se esse ait Pers. Sat. 6. v. 15.

--- usque recusem
Et signum in vapida naso tetigisse lagena.

Porro e cupa vinum in lagenas defundi, sicque in mensam apportari solitum. colligere est ex illis, quae supra diximus in voce Defundere: uti ex Mart. eodem, ubi lagenas vino refertas pilis in tabernis affixas catenis memorat, l. 7. Epigr. 6. v. 5. cuius Epigraphe ad Caes. Domitianum.

Nulla catenatis pila est praecincta lagenis.

Ubi dicere vult, nullum cauponem vendere vinum ad pilas tabernarias lagenis hoc modo affixis refertas. Vide quoque Iuv. l. 1. Sat. 3. v. 304.

Fixa catenatae siluit conpago tabernae.

et plura hanc in rem apud Chabot. ad illud Horatii l. 2. Ep. 2. v. 133.

--- posset qui ignoscere servis
Et signo laeso non insanire lagenae.

Addam saltem, et mensuram, 4. sextarios continentem, voce hac nonnumquam denotari. Hinc laguncula, apud Plin. Ep. 6. Quum venabere, licebit me auctore, ut panarium et lagunculam, sic etiam pugillares ferat etc. de Consulente lagenam, vide supra Divinatio: utide Lagena Hospitali, apud Athenienses infra, Peregrinus: de Laguncularum stratoribus, in voce Strator.

LAGENIA pars Hiberniae, versus Or. et Angliam magis porecta; Leinster Gallis, Leigningh, Hibernis, sub qua IX. Comitatus; Caterloghensis nempe, Dublinensis, Kildariensis, Kilkenniensis, Mediae Occ. et Or. Comitatus Reginae, Regis et Vexfordiensis, et 15. urbes mercimoniis florentes. Terminatur ab Ortu marti Hibern. ab Occ. Connacia [orig: Connaciâ], a Sept. Ultonia, a Mer. Momonia [orig: Momoniâ]. Eius urbs prim. est Dublinum. Hic [orig: Hîc] olim Brigantes, Coriondi, Menapii, Cauci et Plani. Ptol. Vide Camd. Descr. Brit. Lageniae urbes praecipuae. Arcloa Arcklo. Caterloghum, Caterlagh. Dublinium, Dublin. Kildaria, Kildare. Vide Camd. Descr. Britann. Laghlinia Laghlyn. Molingaria Molinghar. Rossia Rosse. Vexfordia Vexford.

LAGHIUM quae forsan Laasa, urbs Arabiae fel. in ora Oceani Arab. 9. circiter mill. ab Adeno in Eur. 25. a prom. Aromatum in Bor. Sans. Vulgo Laghi, sub proprio Principe.

LAGHLINIA vulgo LAGHLYN, opp. munitum Lageniae, vulgo Leightin, in Comit. Caterloghensi. ad fluv. Brigum, Barow. 6. mill. Angl. a Caterlogha in Austr. 8. a Kilkennio in Ort. Olim Episcopal.

LAGIA unum ex nominibus Deli ins. Plin. l. 4. c. 12.

LAGINIA opp. Cariae, inter Phryscum ac Ephesum, et Bithyniae urbs. Steph. Lagina Strabo l. 14. p. 663.

LAGNUS sinus maris Balthici, Beltz vulgo: Hinc Langland ins.

LAGNUTUM opp. Maurit. Caesariensis. Ptol. Tenes Castaldo. Baudr. Mostagan, inter Quizam ad Occ. et Iuliam Caesaream, nunc Teneza, ad Ort.

LAGO puer subdolae et fucatae vernilitatis, Lycisci ex aere opus memoratur Plin. l. 34. c. 8.

LAGOUS fluv. Asiat. Sarmatiae. Plin. l. 5. c. 32. ex Catheis montibus.

LAGUS pater Ptolemaei successoris Alex. cui Philadelphus successit in regno. Hinc Lageus Sil. Ital. Punic. Bell. l. 1. v. 196.

Terminus huic roseos amnis Lageus ad ortus.

I. e. Nilus. Lucan. Civ. Bell. l. 1. v. 684.

Qua [orig: Quâ] mare Lagaei mutatur gurgite Nili.

Athen. l. 13. p. 576. Iustin. l. 13. c. 4. Virg. Aen. l. 10. v. 381.