CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

LENTULUS [9] Spinther praenomine Publius, Hispaniae Praetor, Augur et Cos. in partibus Pompeianis, a Caesare Cornificii interceptus. In argenteis denariis a se in Hispania cusis expressit cum Pontificatus [orig: Pontificatûs] insignia, tum Quaesturam Hispaniensem cum notis: P. LENT. P. F. L. N. Q. S. C. nam hunc denarium cudit, ut ex eius forma apparet, Quaestor cum esset in Hispania.

LEO [1] I. Imp. Orientis, cogn. Macelles, Senior et Magnus, natione Thtax, Martiano, opera [orig: operâ] Asparis Patricii, successit, A. C. 457. Edicto publico Conc. Chalcedonensis auctoritatem tuitus; Occidenti Maioranum, Anthemium, Olybrium Iulium Nepotem successive praeposuit. Contra Vandalos bellum gesturus, Basilisco, Verinae uxoris fratri, classem mille navium tradidit, qua [orig: quâ] ille, a Genserico argento corruptus, prodita [orig: proditâ], mhilominus, veniam impetravit. Asparem tamen et Ardaburium fil. eius, unde haec mala orta, a se removit, huius uxore Ariadne, filia [orig: filiâ] sua [orig: suâ], Zenoni Isauro tradita. Obiit CPoli, A. C. 474. Imp. 18. Princeps Orthodoxus, clemens et in literatos beneficus, sed indulgentior in haereticos, et Zenone genero lecto im prudens. Varias condidit leges, quae in Codice Iustiniani habentur, etc. Niceph. l. 15. Euagr. l. 2. Procop. de B. Vandal. l. 1. Cedren. in Compend. Marcellin. et Cassiod. in Chron.

LEO [2] II. Iunior, fil. Ariadnes ex Zenone Isauro, in cunis, Avi iussu, Aug. pronuntiatus, decimo post mense A. Aet. 3. an veneno a patre propinato? Obiit. Candidus Isaurus, l. 1. Hist. Byz. Marcellin. et Cassiod. in Chron. Nicephor. Suid. etc.

LEO [3] III. Isaurus 71. Rom. Imp. A. C. 717. Classem Solimanni, urbem gravi obsidione prementem, incendit ac dissipavit: Omati vero successoris, fame ad reditum compulit. Anastasium II. ope Bulgarorum, Imperium repetentem, summovit: Constantino fil. coronato, A. C. 720. Statuas ex templis congestas in medio urbis concremavit, in contradicentes saevus. Apud Pontificem Greg. II. pluribus egit, imagines ut aboleret. Cui Papa restitit, perque universum orbem scripsit, ne Imp. iussionibus obedirent, et in apertam rebellionem plurimos abduxit. Blond. l. 10. A Greg. III. quoque excommunicatus, in solutos ab oboedientia sua per Pontificem Italos classem misit, quae in mari Hadriatico tempestatibus disiecta est: ipse morbo intestinorum confectus Obiit A. C. 741. Imp. 24. Beda de 6. aet. P. Diacon. l. 6. c. 47. et seqq. Historia Miscell. Cedren. etc.

LEO [4] IV. Rom. Imp. 74. cogn. Chazarus, A. C. 775. post patrem, Constantinum Copronymum, venerationem imaginum mysticam idoloatriam ratus, eam in aulicis coniugeque Irene damnavit. Constantium fil. Imp. creavit, Nicephorum fratrem, cum sociis rebellem, oppressit, Telerichum, Bulgarorum Regem pulsum in fidei communionem ac affinitatem recepit, Saracenorum in Syria Amiras quinque, et 6000. Arabum Occidit. Febri correptus Decessit, A. C. 780. Cedren. in Comp. Theoph. l. 2. 3. Blond.

LEO [5] V. Imp. CPolitanus A. C. 813. cogn. Armenius, fil. Bardae, Michaeli Rangabo successit, a Nicephoro Patr. coronatus. Is Chrumnum Bulgarorum Regem ex parta victoria elatum, qui CPolim exercitum duxerat, eruptione facta [orig: factâ], interfecit, Bulgarosque repulit. Honoris divini contra imagines, hominum opus, assertor, Patr. Nicephorum, harum defensorem, pepulit, Theodosio surrogato; Hinc a Paschali I. excommunicatus. Occisus est a Michaele Balbo domesticorum comite, tum captivo, qui per arma ad imperium sublatus est, A. C. 821. Zonar. tom. 3. Cedren. in Hist. Blond. l. 2. dec. 2.

LEO [6] VI. Basilii Imp. fil. CPolitanorum Imp. II. cogn. Sapiens, s. Philosophus, successit Basilio Macedoniano patri, A. C. 886. postquam a Theodoro Santabareno Monacho, apud Patrem, insidiarum in ipsum structarum, falso delatus, et propterea in carcerem septennalem coniectus, hinc tandem intercessione Magnatum et Psittaci voce crebro ingeminantis, Heu Domine Leo! innocentia [orig: innocentiâ] in apricum producta [orig: productâ], liberatus esset. Iam Imp. Photium Patr. pepulit, imposturam Santabareni ultus est. A Simeone Bulgaro victus, rursum eum per Ungaros evocatos magna [orig: magnâ] clade superavit. Primus cum Turcis foedus pepigit; sub Nicetae ductu emissa [orig: emissâ] classe, cum Saracenis Siciliam Lemnumque vastantibus victor conflixit. A Marco Monacho fuste vix non trucidatus; Beneventanum Ducatum occupavit. Urbem ipse noctu vigil obiit, custodes, a quibus pulsatus est, remuneratus, reliquis amotis. Obiit A. C. 911. Imp. 25. Ex Zoe, quarta [orig: quartâ] uxore, pater Constantini Porphyrogenetae. Scripsit varia, Epistolam inprimis circularem, qua [orig: quâ] omnes fideles ad sancte vivendum hortatus est: aliamque de veritate Relig. Christ. ad Saracenorum Regem scriptam: quarum illa a Frid. Metio, haec a Seb. Champiero versa, prodiit. Gretserus 9. eius Orationes publici iuris fecit, A. C. 1600. Combefixus 10. alias addidit, A. C. 1648. Prodierunt [orig: Prodiêrunt] quoque eius Tractica, Opus Basilicarum, Novellae Constitutiones, etc. Scylitzez, Zonaras, Glycas, Manasses, Cedren. etc. Armeniae Reges.

LEO [7] I. ex stirpe Lusignana, Armeniae Regis fil. Livonis III. Obiit improlis; successit ei patruus.

LEO [9] III. regno, uxore liberisque exutus a Turcis, omnes Europae aulas, auxilium emendicaturus addit. Parisiis Obiit A. C. 1393. Sanut. Iuven. de Ursinis, in Car. VI. Pontifices, Patriarchae, etc.

LEO [10] I. Magnus, Tuscus, primatu [orig: primatû] Papae propugnator, quem tamen et Revennae Ep. sibi arrogabat, quod laneo pallio. quo soli

Impp. utebantur, a Valentiniano donatus esset. Successit Sixto III. A. C. 461. postquam in Gallia Aetii et Albini Ducum reconciliationi incubuisset. Nestorianis in Oriente, Vandalis in Africa, Manichaeis in Occidente obnixus, Pelagianos Italia [orig: Italiâ] penitus pellere instituit, Prosperi Aquitani ad id mimsterio usus. Controversiam inter Viennensem et Arelat. Eccl. exortam decidit, Eutychianis, qui Lystrica [orig: Lystricâ] Synodo haeresin suam stabiliverant, se opposuit. Ad Conc. 4. Oecum. Chalcedone a Marciano Imp. celebratum, legatos misit: A. C. 451. Canoni, quo Sedi CPolitanae, secundae a Roma triburae, restitit, unde infelix de Titulo Universalis certamen ortum. Attilam, post cladem in Gallia acceptam, Romam properantem, facundia [orig: facundiâ] sua [orig: suâ] avetrit. Eutychianismi ab aemulis accusatus, literis ad Marcianum, Eudoxiam et Pulcheriam se purgavit. A Genserico, qui Romam captam 15. dierum rapinae exposuit, impetravit, ne urbi ignis im mitteretur. Obiit A. C. 461. Opera eius, Sermones et Epistolas Decretales continentia saepius impressa. Gennad. c. 70. Honorat. Augustodun. l. 2. c. 69. Phot. cod. 52. etc. Ei Hilarius successit.

LEO [11] II. Sic. Agathoni successit, A. C. 683. Eruditus et Musicae apprime peritus. Eius quinque habentur Epistolae, quas Baron. quod in iis Honorius P. damnetur, pro suppositiis reicit. Obiit A. C. 684. Anastas. in vitis Pontif. Ado Viennensis, in Chron. Eum excepit Benedictus II.

LEO [12] III. Rom. Hadr. I. successor, A. C. 795. fil. Asuppi, Car. Mag. iuramentum subiectionis ac fidelitatis dixit, ad quem se receperat, a Romanis orto tumultu vix non interfectus: Hanc iniuriam vindicavit Caesar, Romamque perveniens, a Leone coronatus est Occidentis Imp. Quo Mortuo, Leo ab aemulis impetitus, quosdam neci dedit, missis legatis ad Lud. Pium, cui haec minime placebant, factum excusare conatus, qui Bernardo Italiae Regi in mandatis dedit, ut quid factum esset cognosceret, seditiososque punitet. Obiit A. C. 816. Anastas. in vitis Pontif. Eginh. in vita Car. Mag. Adhemar. in Lud. Pio. Platina, in Leone III. etc. Ei Successit Steph. V.

LEO [13] IV. Rom. Sergium II. excepit, A. C. 847. Urbem Romam reparavit, Leoninae nomine ei indito Saracenos vicit A. C. 848. Leopolim condidit, pedes deosculandos populo praebuit, Basiliscum halitu infestum Roma [orig: Româ] expulit. Obiit A. C. 853. Successit Ei Ioh. VIII. sexu femina. Platina in Leone IV. Sigon. l. 4. ad A. C. 847. Onuphr. in Chron. Baron. in Ann.

LEO [14] V. post Bened. IV. Papa, A. C. 906. quadragesimo post die, a Christophoro, qui se vi intrusit, in carcerem coniectus est. Genebr. in Chron. Successit Ei Christoph.

LEO [15] VI. Rom. Ioh. XI. a Marozia incarcerato, successit. A. C. 929. similiter in vincula coniectus, sub initium A. C. 928. Flodoard. in Chr. Rem. Luitpr. l. 3. c. 12. Eum sequutus est Steph. VIII.

LEO [16] VII. Rom. Ioh. XII. excepit, A. C. 936. Obiit A. C. 939. Ei successit Steph. IX.

LEO [17] VIII. Ioh. XIII. ab Othone Imp. deposito successit, A. C. 963. Ius eligendi Pontifices ac in vestituram Cleri Caesari restituit. Episcopos in Bavaria dissidentes, ad pacem hortatus est, inter alia docens: Satius esse casto connubio frui, quam multarum amore deperire. vide Aventin. l. 4. Ann. Boi. A Ioh. pulsus, Roma [orig: Româ] post gravissimam obsidionem famemque ingentem capta [orig: captâ], ab Othone, restitutus est, Bened. V. Antipapa [orig: Antipapâ] Hamburgum abducto. Obiit A. C. 965. Leo Ostiens. Platina, etc. Ei Successit Ioh. XIV.

LEO [18] IX. prius Bruno dictus, ab Henr. III. Imp. Papa creatus est A. C. 1049. post Clem. II. Moguntiae cum Ep. sub tempus Missae litigavit. Romae, Remis, Moguntiae Synodos celebravit, contra Clericorum Simoniam, Coniugia et Concubinatus Godofredum Lothar. Duc. cum Imp. reconciliavit. A. C. 1050. conc. Romae contra Berengarium celebravit. In Galliam secundo profectus, inde copias quasdam secum deduxit, quas Normaninis, qui Apuliam occupaverant, opponeret. Errores Graecorum condemnavit, A. C. 1053. legatis CPolim missis. Ex Germania, ubi Imp. Wormatiae convenerat, redux, cum Normannis obviam iret, captus, et Beneventum abductus, Obiit A. C. 1054. Successit Ei Victor II. Scripsit Homilias et Epistolas Decretales. Sigebert. de Vir. Ill. A. C. 152. Moret. Dict. Hist.

LEO [19] X. fil. Laurentii de Medicis, ex Claricia Ursina; Discip. Angeli Politiani, Demetrii Chalcondylae, et Urbani Bolzani, amicus Pici Mirandul. Marsilii Ficini, Ioh. Lascaris, Christ. Landini, etc. Legatus Iulii II. in praelio ad Ravenuam, captus A. C. 1512. huic successit, A. C. 1513. Eruditus, sed minus religiosus, utpote cui Religio de Christo fabula fuit: tanto fastu coronatus est, ut una [orig: unâ] die decies centena aureorum milia expenderentur: ad quam lacunam resarciendam, sororique, ut quidam volunt, Magdalenae gratificandum, Indulgentias liberales, sed Eccl. Rom. letales concessit, vide supra in voce Indulgentiae. Lux. XII. et Francisci I. amicitiam coluit, Pragmaticae sanctionis abrogatione ab hoc ex parte obtenta [orig: obtentâ], Conc. dein Lateranensi, decreta expeditio sacra contra Selimum Imp. etc. Interea Euangelii lux in Germania oriri coepit, A. C. 1517. Martino Luthero in Tecelium, Indulgentiarum praeconem, acriter invecto. Imo paulo ante et Ioh. Misniae Ep. Venias venales e sua dioecesi eiecit, populi stultitiam reprehendens, Chytr. par. 1. Sax. Hisce obviam iturus Leo, Luthero excommunicato, A. C. 1520. qui a Papa ad Conc. ptovocavit: Henr. VIII. quod contra eum scripsisset, Protectoris fidei elogioornavit. Coniurationem contra se initam dissipavit, Alphonso Petruccio Card. Senensi necato, complicibusque varie punitis. Foedus A. C. 1521. cum Car. V. ad ditiones suas defendendas, et Franciscum Sfortiam restituendum iniit: cuius felici contra Gallos successu in gaudium sibi letale datus: Aliis occultius quid subfuisse ratis, Obiit A. C. 1521. P. Iov. in eius vita. Guicciard. l. 12. v. 13. Onuphr. et Victorel, in Leone X. Successit Ei Hadr. VI.