CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

LESSINA urbec. Hannoniae, ad Teneram fluv. in conf. Flandriae, inter Athum ad Austr. et Gerardimontium ad Bor. 5. leuc. a Bruxellis in Occ. in ipso limite dit. Francicae, Lessines vulgo.

LESTORUM Regio lhstw=n xw=ra, i. e. piratarum regio. Ptol. regio Indiae extra Gangem, cuius incolae silvestres esse dicuntur, et in specubus habitare. Ferunt in ea corvos esse albos, et psittacos, hodie regnum Pegu dicitur.

LESTRYGONES Ovid. Fast. l. 4. v. 69. de Ponto l. 2. Eleg. 9. v. 41. l. 4. Eleg. 10. v. 21. Idem in Ibin. v. 388. Horat. Carm. l. 3. Ode 16. v. 35. Vide Laestrygones.

LESUA vulgo Lewes, oppid. Sussexiae. Vix. 4. mill. Angl. ab ora maris Brit. celebre ex praelio.

LESURA [1] altissimus Galliae mons est, vulgo Losere: Sidon. Lesora, portio Gebennarum, in Gabalis, fluvii Tarnis fonte nobilis.

LESURA [2] amnis dit. Trevirensis, die Leser vulgo: Manderschedium et Witlicum opp. rigat, et paulo infra in Mosellam laevum, ad vicum Lesuram Leser, cadit, 4. mill. Germ. infra Treviros. Auson. Mosella. Edyll. 10. v. 365.

LETA [1] fluv. Piceni, ex Apennino, per agrum Firmanum in mare Hadr. fluit; Leto morto.

LETA [2] Iurisconsultis Anglis iurisdictio est, quam Vicecomes Regius de certis minoribus criminibus et aliis causis intra Comitatum, ut Regius Officialis exercet, vulgo a leete vel a courtleete. Tenebatur in singulis villis semel quotannis sub festum S. Michaelis, solebantque hic [orig: hîc] conscribi liberiores villae s. designatae stationis homines, pacis Regiae sideiussores, unde Visum franci plegii Anglo-Normannis dictum esse, scribit Henr. Spelman. quando autem et quo qutore facta fit haec Letarum distributio, incertum; nisi referatur ad Alfredum, qui Friborgas, i. e. francos plegios, de quibus haec curia cognoscit, instituisse legitur etc. C. du Fresne. in Gloss.

LETE urbe Macedoniae, a Latonae templo in vicinia: Letta, et Lita vulgo. Episcopal. sub Archiep. Thessalon. hinc 20. mill. pass.

LETHAEUS fluv. geminus: unus Lydiae, Magnesiam urb. alluens, et Pactya [orig: Pactyâ] monte erumpens, inque Maeandrum per agrum Magnesianum descendens. Strab. l. 10. p. 478. l. 12. p. 554. l. 14. p. 647. Fiume de Magresia vulgo; alter in Macedonia, Triccam urb. attingens, apud quem Aesculapium natum ferunt. Est et Lethaeus apud solinum fluv. Cretae Gortynam urb. praeterfluens, Letor hodie: Vulgo Anapodari, s. Naporal, Brietio.

LETHE [1] fluv. inferorum apud poetas, cuius aquam, si quis gustasset [orig: gustâsset], omnium statim praeteritorum oblivisci eum voluerunt [orig: voluêrunt], a)po\ th=s2 lh/qhs2, h. e. ab oblivione sic dictus. constat autem revera, Lethen s. Letonem in Africa amnem esse, circa extremum Syrtium cornu, Berenicen urb. alluentem, verum quoniam terrae hiatu absorptus, et occulto meatu per aliquot lapsus milia, circa Berenicen magna [orig: magnâ] aquarum copia [orig: copiâ] erum pit, persuasum fuit accolis, ab inferis eum emergere. Lucan. Civ. Bell. l. 9. v. 355.

Quam iuxta Lethes tacitus praelabitur amnis,
Infernis, ut fama, trabens oblivia venis

Ubi Leton legendum ex optimo suo codice monet Voss. ad P. Mel. l. 1. c. 8. Nic. Lloyd.

LETHE [2] unus ex fontibus in Boeotia sacris, e quibus bibere tenebantur, qui Trophorcii oraculum veniebant consultum, apud Paus. Boetoic. Vide infra Mnemosyne. Item nomen in Persia carceris, memorati Ioh. eleemosynario c. 25. Et descendens retrusus est in carcerem, qui appellatur Lethe, i. e. oblivio, apud Dom. Macr. in Hierol.

LETHERNACHUM vulgo Lerny, locus Belgii, in Tungris, memoratur in Literis Sigeberti Iun. Austrasiorum Regis Versus curtet nostras, i. e. Amblavam, Lethernacho, Alsena, Glane, Albafontana, Amblava. Vide Hadr. Vales. Not. Galliae in voce Amblava.

LETHES fluv. Hisp. geminus; unus Hisp. Tarrac. Strab. l. 3. p. 153. per fines Bracarum fluens, qui et Limaea et Limius, vulgo Lima: Nunc Portugalliae est. Forum Limicorum, s. pontem Limae rigat, dein opp. Viana de Foz de Lima, et paulo infra in Oceanum Atl. se exonerat, 5. leuc. a Bracara in Occ. Alter Hisp. Baetic. per Vandalitiam fluens, ac in mare apud portum Mnesthei exiens, vulgo Guadelete. De priore Sil. Ital. Punic. Bell. l. 1. v. 235. l. 13. v. 555.

Quique super Gravios, lucentes volvit arenas.
Infernae populis referens oblivia Lethes.

Ubi alii Grovios. Super hoc nomine recondite scripsit Is. Casaub. Strab. Commentator in l. 3. Liv. Epit. l. 55. Cum fluvium Oblivionem transire nollent. Nic. Lloyd.

LETHON Asfricae fluv. in Cyrenaicae reg. Plin. l. 5. c. 5. Milel Marmolio, Berenicen alluit et inter ipsam et Apolloniam, in mare illabitur.