CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMUS SECVNDVS Literas D, E, F, G, H, I, K, L, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

LUDOVICUS [62] Thuringiae Landgravius, S. Elisabethae martus, ex Lud. Barbato, Car. Lotharingiae Ducis a regno Gal liae per Hugonem Capetum exclusi filio, a Conrado Imp. Thuringia [orig: Thuringiâ] donato, ortus: Avum habuit Lud. Ferreum, fil. Lud. Lotharii Imp. generi, a quo hic Landgravius constitutus est, nepotem Lud. Saltatoris, quem Lud. Barbatus modo dictus genuit. Pater fuit ex Elisabetha Sophia, quae Henr. II. Duci Brabantino nupta, genuit Henr. cogn. Puerum, hodiernae sam. Hassiacae auctorem.

LUDOVICUS [63] cogn. Mitis, fil. Hermanni, Hassiae Landgravii, non exiguae in Imperio auctoritatis, Caesaream dignitatem, post Albertum II. delatam, recusavit: titulum Com. Zigenheinae et Niddae, ultimo Comitum Ioh. A. C. 1453. exstincto, assumpsit: Pater fuit Lud. Pii, qui Cassellas, et Henr. qui Marpurgum tenuit.

LUDOVICUS [64] fil. tertius Phil. Magnanimi, Hassiae Landgravii, Marpurgi habitavit, et sine prole Exstinctus A. C. 1604. Religioni praeprimis testamento cavit.

LUDOVICUS [65] I. Georgio I. minimo natu Phil. praefati filio Darmstattinae lineae conditore, natus, fide in Caesarem Fidelis nomen meruit, cum fratribus Primogeniturae pactum in lineam hanc introduxit, cum patrueli Mauritio multum negotii habuit, Giessensem Acad. instituit, Unionis foedus dissolvit, Palatini restitutionem A. C. 1623. in Comitiis Ratisbonensibus ursit, Obiit A. C. 1626. Pater Georgii II. Ioh. Henr. et Frid. e quibus primo natus est Lud. II. cui cum El. Palatino A. C. 1662. ob ius Ecclesiasticum, quod Umstadii uterque sibi vindicabat lis fuit, genuit hic Georg. et Lud.

LUDOVICUS [66] fil. Bolessai Lignicii Ducis ubi recens aurifodina dives, quae in singulas septimanas 150. auri pondo subministrabat, inventa suerat, spe successionis fratri Wenceslao, qui caelibatum spoponderat, Principatum permisit: postea ab illo delusus, nihilominus tutor fratris filiis fideliter praefuit. Obiit A. C. 1396. pater Henr. qui Stigmatias dictus est.

LUDOVICUS [67] fil. secundogenitus Ioh. Christiani, ex Lignicia fam. in divisione Lignicium sortitus est, et A. C. 1663. morte sua [orig: suâ] Annam Sophiam Megapolitanam viduam reliquit.

LUDOVICUS [68] secundogenitus Car. Ducis inf. Lotharingiae, ex Agnete Veromandua, cogn. Barbatus A Conrado Salito Imp. Comes Thuringiae creatus, Obiit A. C. 1055. Ei successerunt [orig: successêrunt] 5. huius nominis. Ultimus Lud. VI. Sanctus Obiit in Italia, A. C. 1227. Maritus Elizabethae, filiae Andreae II. Hung. Regis Sanctis annumeratae a Greg. P. A. C. 1335. Vide supra.

LUDOVICUS [69] Pictaviensis testamento legavit Car. Delphino, A. C. 1444. region. Diensem et Valentinam.

LUDOVICUS [70] Andegavensis Dux cum exercitu 30000. militum Italam intravit, ut Iohannam Hungarorum Reginam ab ipsis Hungaris liberaret, A. C. 1382.

LUDOVICUS [71] Innoc. Pontificis nepos, a quo Piceni agri Marchio, et Firmianus Princeps constitutus est, A. C. 1406.

LUDOVICUS [72] Aquileiensis Patr. Car. primus equos et canes alere coepit, A. C. 1444.

LUDOVICUS [73] nomen trium Marchionum Mantuan. Akorumque Principum. De quibus alias.

LUDOVICUS [74] Vilhelmus Marchio Badensis Ferdinando Maximiliano et Luisa [orig: Luisâ] Christina [orig: Christinâ] Sabaudica [orig: Sabaudicâ] genitus A. C. 1655. Exercitus [orig: Exercitûs] Caesarei in Hungaria Dux fortissimus, multa praeclare feliciterque gessit, praelio inprimis ad Salankamen, quo Mag. Vezirium vicit, castris exuit, et immani strage profligavit, A. C. 1691. inclitus. A quo tempore ex Hungaria in Germaniam ab Aug. missus, hactenus Gallorum ad Rhenum conatibus fortiter obnixus est: ex Legatione Anglicana, ad Mag. Britanniae Regem Gulielmum III. nuper una feliciter reversus Uxorem ei dedit Imp. filiam Iulii Francisci ultimi ex Lauenburgica Fam. Ducis haud pridem Defuncti. Comites Principesque ex Fam. Nassovia.

LUDOVICUS [75] fil. ordine quartus Gulielmi Nassoviae Comitis. Desuncti A. C. 1559. ex posteriore eius uxore, Iuliana Bothonis Com. Hanoviae vidua, frater Gulielmi Auriaci, a quo hodierni Principes Arausionenses, et Ioh. cogn. Senioris, a quo reliqui Comites Principesque Nassovii; priori, in asserenda Belgarum Libertate, strenuus adiutor fuit. Inter Foederis, contra Inquisitionem, a praecipuis Belgarum initi, inter quos erant etiam Romanae Religionis nonnulli, primarios Duces, a rom. sacris palam dissentiebat, sociatissibi prae aliis Herenbergensi et Culenburgico Comitibus, nec non Henr. Brederodio, antiquo Hollandiae Principum genere edito. Qui, quadringentis foederatorum comitantibus, die Non. April. A. c. 1566. intermes in Curiam Bruxellensem venere [orig: venêre], preces hac ad Margaretham, quae tum Phil. II. nomine Belgio praesidebat, ferentes: Ut edicta super Religione a Rege, de Ordinum Belgicorum sententia mutarentur, interitu quiescerent. Quorum cum alterum Praefecta se commendaturam Regi promitteret, alterum suae potestatis negaret, non aliud impetratum, quam ut Iudices et Quaesitores iuberentur cognitionem prudentia [orig: prudentiâ] temperare. Postea Albani crudelitate exasperatis Belgarum animis, et hinc gliscente bello, pars exulum Lud. ductum sequnti, in Frisiam irruerunt [orig: irruêrunt]: qui, interempto Arembergio, quem prudentius cunctantem militum ardor et convitia in praelium impulerant, disiectisque eius copiis, victores, cum descituras civitates frustra exspectarent et iam deficiens stipendium disciplinam solvisset, Albani superventu concisi, amisso etaim in priorepugna Adolpho, Arausionensis ac Lud.

fratre, alterno hostium et suo sanguine bellum imbuerunt [orig: imbuêrunt]. A. C. 1568. Astu dein militari Lud. Montem, hannoniae urbem, cepit, quam Albanus recuperavit A. C. 1572. Post varias tandem res praeclare gestas, cum copias fratri adduceret, ut hossem detraheret Hollandia [orig: Hollandiâ], prope Noviomagum, immodestia [orig: immodestiâ] militis, qui, cum strictis pugionibus hostis instaret, aera Ducem flagitabat, caesus Occubuit A. C. 1574. Is finis fuit, verba sunt Hug. Grotii Ann. l. 2. Dui ingenio manuque inter landatissimos, fratri ipsius Henr. Christophoro praeterea Palatmi Principis fil. etc.

LUDOVICUS [76] fil. Ioh. Sarae-pontani com. rami Weilburgensis, ex Elisabetha Lud. Pacifici, Hassiae Landgravii filia, Patri successit, Exstinctus A. C. 1523. Eum excepit fil. Phil. ex Margaretha, Adolphi Com. Nassoviae Weisbadensis filia.

LUDOVICUS [77] modo memorati Phil. ex Alberto fil. Annae Auriacae marito, nepos, paternas ditiones rexit, ad A. usque C. 1627. Pater ex Anna Maria Hasso-Cassellana, Gulielmi Lud. cui uxor obtigit Badensis; Annae Sabinae, inter incunabula Defunctae; Alberti, qui vix biennium attigit; Sophiae Amaliae, itidem vix trimulae; Georgii Adolphi, intra Annum Mortui; Phil. Luisae Iulianae, Mauritii intra biennium Defuncti; Ernesti Car. quarto Aet Anno Exstincti; Mariae Elisabethae, frid. derico Dagsbergensi nuptae; Ioh. Dorotheae, Ernesti Casimiri et Othonis. E quibus maximus natu, ex Anna Amalia Badensi, suscepit Annam Sibyllam A. C. 1617. Mauritium A. c. 1618. quo iterum Decessit; Carolam A. C. 1620. Crafftum a. C. 1621. Amaliam A. C. 1623. et Ioh. Lud. A. C. 1625. Cyr. Lentul. Geneal. Princ. Nass. MS.

LUDOVICUS [78] Guntherus fil. minimus natu Ioh. cogn. Senioris, ex priori eius coniuge Elisabetha, Landgravii Liechtenbergici filia, nat. A. C. 1575. Anno Aet. 26. Gadibus expugnandis, non inter postremos adfuit; Equessrem Britanniae ordinem, Essexio Comite virtutis ergo conferente, consequutus. Inde multis capiendarum muniendarumque urbium molitionibus, Maruitio et fratribus comes ac adiutor; quasdam etiam suo ductu occupavit. Ad Neoportum Flandriae, primus hostilem exercitum in fugam convertit, virtutisque tam opportunae praemium, Admiralem Arragonium captum, atqueab eo, Patrum Belgicorum voluntate, ingentem pecuniae summam, lytri loco accepit: paulo post in aetatis rerumque gestarum flore, dum Slusam obsidebat, Exstinctus, Aet. Anno 30. Uxor eius Anna Margaretha Com. Manderscheidia, postquam quadriennio feliciter eius coniugio, sed sine prole, usa esset, Obitum mariti mox sequuta est: an quod luctum non ferret, an quod eadem morbi contage esset correpta? Idem Auctor.

Georgius LUDOVICUS fil. Ioh. Senioris, ex tertia eius coniuge Iohanna, Lud. Sayno-Wirgenstenii Com. filia, paulo post partum Obiit. Item fil. Maximus natu Lud. Henr. (qui Georg. Ioh. Sen. praefato geniti fil. erat) ex Catharina, Lud. Com. Sayno. Witgenstenii filia; Gallos comite I. H. heidfeldio adiit: inde reversus, avertendis a patrio agro hostibus et lenitate obsequii abducendis, non parum emolumenti genitori attulit: conciliandis humanitate animis, quam severitate asperandis, pronior, salva [orig: salvâ] tamen Imperii in vultu et sermone auctoritate. Uxorem duxit Annam Augustam, Aug. Ducis Brunsvico Luneburgici filiam, e qua, praeter reliquam sobolem, Henr. suscepit (cum Anno Aet. 9. Scholae Herbornensis gubernacula susciperet) a Cyr. Lentulo Panegyrico carmine celebratum. Natus autem is est A. C. 1641. atque Dorotheam Elisabetham Lignicio Briegensem uxorem habet. Reliqui Georgii Lud. atque Annae Augustae liberi sunt, Elisabetha Catharina (nat. A. C. 1639. Den. A. C. 1641.) Sophia Eleonora (nat. A. C. 1643. et Ludovica (nat. A. C. 1652. Vide Phil. Iac. Spener. Parte I.

Gulielmus LUDOVICUS [1] Frisiae, Groningae, Tencterorum et Tubantum praefectus. Fil. fuit maximus natu Ioh. Senioris saepius memorati, ex prima eius coniuge, Elisabetha Liechtenbergica; genitus A. C. 1560. Aet. dein 16. commilitone studiorum Mauritio Auriaco et tribus fratribus, Ioh. Georg. et Phil. Heidelbergae aliquandin literis operam dedit. Hinc genitorem in Belgium sequutus, Britanniaque per traiectum visa [orig: visâ], Antverpiae in oculis Gulielmi Auriaci patruis degit. Militiae rudimenta Brabantica [orig: Brabanticâ] expeditione deposuit: Parenti, in obsidione Daventriae et Camporum, adfuit: 20. Aet. Anno legioni praesectus Groningam obsidione pressit; Anno insequenti, praelio Frisiaco praeclare rem gessit etc. Franekerae postea Lyceum, Frisiae Praefectus, primus aperuit, A. C. 1584. aliisque factis aeternae memoriae commendatis, quorum colophon Groninga fuit capta, nomen immortale promeruit. A. C. 1606. quo hereditatem cum fratribus crevit, etsi ad res suas ad ministrandase Belgio evocaretur, curam tamen belli. imo pacis et induciarum, minime abiecit: quibus durantibus, munitionem Scaldi fluv. adsitam (Lillo vocant) ampliori spatio. Mauritio praeunte, comprehendit: exin A. C. 1613. ad paternarum ditionum inspectionem profectione in Germaniam suscepta [orig: susceptâ], Spinolae in Clivia bellum renoranti, sociorum nomine, se opposuit: Duce Mauritio, Emericam et Reesam, nota ad Rhenum oppida, cepit, et contra Hispanorum ingruentem violentiam praesidio munivit. Obiit A. C. 1620. Aet. 60. Leovardiae Frisiorum: nulla [orig: nullâ], ex Anna patrueli, Gulielmi Auriaci filia prole suscepta [orig: susceptâ].

Gulielmus LUDOVICUS [2] fil. Lud. Com. Nassovii, lineae Sarae-pontanae, vide supra.

Johannes LUDOVICUS [1] fil. secundo-genitus Ioh. Senioris ex tertis eius coniuge Iohanna Witgenstenia, natus A. C. 1590. Genevae, Sedani, Lutetiae, aliisque in locis aliquandiu egit; divisione dein paternae hereditatis inter fratres facta [orig: factâ], Hadamariam

cum aliis nactus est, vide supra in voce Hadamaria. Post Germaniam dein, Galliam, Angliam, Belgium, Hungariam aliasque regiones perlustrates, Cassellis Hassorum aliquandiu in aula Landgravii Mauritii substitit, A. C. 1609. castra ad Iuliacum posita, ut Mauritio ibi Auriaco sese insinuaret, visit, A. C. 1610. Romanorum Regis electioni Francofurti interfuit A. C. 1612. postea Frid. V. Palatinum, Elisabetham Iacobi Mag. Brit. Regis filiam ducturum, Londinum usque comitatus est. Inde sub Mauritii Principis vexillis, in Clivia et Iuliacensi agro, rem gessit: Ursulam Simonis Lippiae Com. Filiam, uxerem duxit, A. C. 1617. atque ex ea complures liberos sustulit. Secunda [orig: Secundâ] hereditatis divisione, Hadamariae et Ellariae domini, Megerskirchiae territorium adiunxit: communi Comitum Nassoviae nomine legationen liberam Viennam Austriae suscepit, A. C. 1629. ibi aureae clavis et Cubicularii munus a Ferdinando II. nactus: eodem Anno ibidem Latinae Eccl. accessit, et domum redux etiam suis, ut idem facerent, suasit. Iesuitis et Franciscanis collegium conventumque Hadamariae struxit, nuper receptae a se Religionis fervidissimus cultor. Postea, in Conventum Circuli Electorum, Caesaris negotia obivit, A. C. 1631. quo absoluto, Wormatiam ad conventum circuli sup. Rheni ablegatus, Suecica arma impedivit. Denuo itinere Viennam suscepto, A. C. 1636. a Caesare in Consilium Aulicum assumptus, atque inde ad dissidia leodien sium componenda missus est: quibus ex peditis, ab Imp. cum pleno agendi iure, ad pacis negotium est ablegatus; quod Coloniae Agrippinae coeptum A. C. 1638. inde Monasterium et Osnabrugum translatum A. C. 1643. undecimo demum A. C. 1649. nempe finem invenit optatum. Interea dum Monasterii ageret, Caesari a secretis consiliis esse iussus est, et a Phil. III. Hisp. Rege aurei velleris insignibus ornatus. Tandem, culmen honorum adeptus, et a Ferd. III. Imp. in Principum Imperii Collegium ascitus atque biennio post, A. viz C. 1652. ad Comitia Imperialia Ratisbonae, vocatus est. Decessit Anno seq. Pater, ex uxore praefata, Iohannettae Elisabethae (nat. A. C.1619. Frid. Princ. Anhaltino nuptae.) Luisae Ursulae. (nat. A. C. 1620. Den. A. C. 1635.) Sophiae Magdalenae (nat. A. C. 1622. uxoris Lud. Henr. Princ. Nasioviae. Den. A. C. 1658.) Ioh. Lud. (nat. A. C. 1623. Den. A. C. 1624.) Simonis Lud. (nat. A. C. 1624. Den A. C. 1628.) Mauritii Henr. (nat A. C. 1626. cui nupsit Ernestina Naslovia) Hermanni Othonis (nat. A. C. 1627. Canonici Coloniensis et Argentinensis, Den. A. C. 1661.) Phil. Lud. (nat. A. C. 1628. Den. A. C. 1629.) Annae Catharinae (nat. et Den. A. C. 1630.) Ioh. Ernesti (nat A. C. 1631. Canonici itidem Colon. et Argentinensis, Den. A. C. 1651.) Anselmi Ferdinandi (nat. A. C. 1637. et paulo post Mortui) Francisci Bernardi (Canon. Colon. etc. nat. A. C. 1637.) et Mariae Elisabethae (nat. ac Den. A. C. 1638.) qui omnes, Principes ac Comites Naessoviae etc. lineae Dillenburgicae, rami Hadamarensis.

Johannes LUDOVICUS [2] Com. Nassoviae, lineae Weisbadensis et Idsteniae, fil. Balthasaris, Defuncti A. C. 1568. ex Margaretha, Reinhardi Com. Isenburgici filia, militari studio valere iusso, literis et morum elegantiae in Gallia vacavit. Decessit, postquam 28. Annos ditioni paternae praefuisset, A. C. 1596. Pater, ex Maria Iohannis Senioris Com. Nassoviae Dillenburgici filia, Margarethae, Adolplo Benthemio Com. nuptae: Annae Catharinae, Simonis Lippiae Com. uxoris: Mariae Magdalenae. Wolffgango Henr. Isenburgo-Budingensi Com. elocatae: Iulianae, prima [orig: primâ] aetate Mortuae: Ioh. Phil. et Ioh. Lud. quorum is cum intra quartum, hic intra pubertatis Annos A. C. 1605. Decessisset, avitarum ditionum iurisdictio Lud. Com. Nassoviae Weilburgensi et Sarae pontano cessit.

Mauritius LUDOVICUS fil. minimus natu Georgii (Ioh. Seniore geniti) ex priore eius uxore Anna Amalia Sarae-pontana, intra Annuum spatium Obiit.

Philippus LUDOVICUS [2] ex filiis Ioh. Lud. praefati, rami Hadamarensis, nat. A. C. 1628. Obiit Anno seq. etc. vide Cyr. Lentul. Geneal. Principp. ac. Comm. Nassov. Viri Celebres.

LUDOVICUS [80] Ep. Tholosanus, secundogenitus Car. II. Hierosolymae et Siciliae Regis: cum fratribus, Patris, apud Iacobum Arragoniae Regem capitivi, obses. Obiit A. C. 1297. Aet. 23. A Ioh. XXIII. Sanctis accensitus, A. C. 1317. Pet. Rudolphus, l. 1. Hist. Seraph. Catel. l. 5. Hist. Tol. Sumont. Hist. Neapol. Moret. Dict. Hist.

LUDOVICUS [81] Albretanus Card. fil. Car. II. Albretani, ex Anna Armeniaca. Obiit A. C. 1465. Idem.

LUDOVICUS [82] Alemannus Card. Archiep. Arelatensis, Sabaudus. A Martino V. variis negotiis adhibitus. Praeses Conc. Basiliensis, cum Eugenio IV. Conc. aliorsum transferre satagente, collisus, illud Basileae, ubi Eugenio deposito Felix V. surrogatus est, continuavit. Obiit A. C. 1450. Pius II. Cosmogr. c. 42. et in Comm. Moret. Dict. Hist.

LUDOVICUS [84] Aligerius Veronensis IC. A. C. 1530. Iul. Puteanus, Elog. doct. Coll. Veron.

LUDOVICUS [85] Ambosianus Dominus Bussiaci, March. Renelii, Andium praefectus, fortitudine et scientia [orig: scientiâ] illustris, orator et poeta. Occisus A. C. 1579. Aet. 29.

LUDOVICUS [86] Arrivabevus Mantuanus, Medicus: Cuius scripta recitat Ioh. Anton. vander Linden, de script. Med.

LUDOVICUS [87] Avila frater Henr. Catharini, illustris historici, Cyprius, familia [orig: familiâ] celebri oriundus, Car. IX. Gall. Regi et Catharinae Mediceae gratus, Venetorum in propugnaculo Zara praefectus. Avila. l. 9. Bell. Civ. Gall. etc.