CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

MARCUS [10] Haereticus, Memphi oriundus, Gnosticorum errores per orbem circumtulit. In Galliam appulsus, plurimos habuit, impuritatum suarum assecla, inde in Hispaniam delatus, feminas complures, quarum princeps Agape, in suas partes pertraxit, cum Helvidio Rhetore, et Priscilliano, capite Priscillianistarum. Sulpic. Sev. Hist. Sacrae l. 2. Baron. A. C. 381.

MARCUS [14] Aelius Antoninus Philosophus et L. Aelius Commodus Verus Divi Fil. AA. 18 Roman. Imper anno [orig: annô] 19. Tum primum Romana Res publ. duobus aequo [orig: aequô] iure imperium administrantibus paruit. Eutrop. l. 8. Iul. Capitolin. A. C. 162.

MARCUS [20] Aemilius Mamercus, Consul, an. Urb. Cond. 346. 5. Tribun. Militum an. Urb. Cond. 380.

MARCUS [21] Aemilius Paulus, Magister Equitum, Hetruscos vicit, triumphum egit, an. Urb. Cond. 453.

MARCUS [24] Agrippa, in pedes dicitur ex utero matris egressus, unde nomen auspicatus sit, unico [orig: unicô] felicitatis exemplo [orig: exemplô], quamquam ille plurima sit passus, duabus susceptis Agrippinis, quibus C. Caligula et Nero principes totidem generis humani faces geniti sunt. Hic gener fuit Augusti, coronaque [orig: coronâque] navalis ab eo donari meruit bello [orig: bellô] Actiaco [orig: Actiacô], A. M. 3930. ante Christum natum 32. de quo Virg. l. 8. Aen.

MARCUS [26] Antonius Triumvir, fil. et nepos Antonii, qui, insignis Orator, quod Sullae partes esset amplexus, Cinnae iussu necatus est. mater eius Iulia fuit, quae, ex Iulii Caesaris familia, defuncto [orig: defunctô] marito [orig: maritô], Lentulo nupsit, quem Cicero, quod cum Catilina faceret, e medio sustulit. Quae funesti forsan inter M. Antonium et Ciceronem dissidii, prima scintilla fuit. In Graeciam cum iuvenis transiisset, sub Galinio meruit, eumque in Aegyptum et Iudaeam secutus est, munificus et animosus, sed ob vitia non parum bonis exosus. Reversus Romam, inde in Gallias abiit, ubi cum Caesaris gratiam sibi conciliasset [orig: conciliâsset], eum contra Pompeium aemulum exstimulavit, fida [orig: fidâ] ipsi toto [orig: totô] bello [orig: bellô] civili opera [orig: operâ] navata [orig: navatâ]. Tandem collega Caesaris in Consulatu factus, festivo [orig: festivô] Lupercalium die huic diadema imponere conatus est: Occiso [orig: Occisô] postimodum illo [orig: illô], eodem [orig: eôdem] an 710. Urb. Cond. Senatum coegit, indusioque [orig: indusiôque] aesaris cruento [orig: cruentô] ostenso [orig: ostensô], contionem ad tumultum excitare contendit: quod cum ad tyrannidem spectare videretur, arma sumere coactus, Mutinam obsedit: Unde cum nulla [orig: nullâ] ratione a Senatu se avocari pateretur, missus est ab hoc Octavius Caesar, cum Pansa et Hirtio Consulib. ut illi bellum inferrent: quo [orig: quô] feliciter sopito [orig: sopitô], Triumviratus Marci Antonii, Octavii seu Augusti, et Lepidi, plurimis egregiis civibus, Ciceronique inprimis tantopere funestus, exortus est. Anno [orig: Annô] sequente, qui erat 712. Urb. Cond. iunctus Augusto, Brutum Cassiumque devicit, dein cum eodem collisus, mox ducta [orig: ductâ] Octavia [orig: Octaviâ] arctius cum illo foedus iniit. Hinc Lepido [orig: Lepidô] neglecto [orig: neglectô], in Asiam abiit, dum Augustus in Gallis rem gereret, sed a Parthis male mulctatus rediit ex Armenia in Aegyptum, ubi Cleopatrae artibus irretitus prolis uxorisque oblitus est: quae, hoc [orig: hôc] audito [orig: auditô], auxiliares ipsi adductura copias, simulque illum ab Aegyptica hac strige abductura, advolavit. Sed sistere se Athenis Romamque reverti iussa est, quo brevi se rediturum promisit maritus. Interea Cleopatrae ambitioni obsequens, Reges, quos vellet, illi praedae exposuit, captumque per proditionem an Urb. Cond. 720. Armeniae Regem aureis catenis vinctum, Alexandriam in triumpho duxit. Post quae hostis a Senatu iudicatus, dum imperium Cleopatrae promittit, vincitur ab Augusto ad Actium, an. 723. Urb. cond. et Cleopatram e praelio fugientem sequitur Alexandriam, vires reparaturus. Sed imminente, post anni decursum, acrius Augusto [orig: Augustô], cum pellice, mortem sumpsit. Plut. in vita eius, Sueton. in Aug. Dio, Appian. Florus, Oros. etc. Nic. Loydius.

MARCUS [27] Antonius Orator, avus prioris. Nullam unquam Orationum suarum scripsit, ne, ut dicebat, arma porrigeret suam imperitiam arguere volentibus. M. Aquilium, iam condemnatum, defendit, nudatoque [orig: nudatôque] pectore eius cicatricibus pleno [orig: plenô], effecit, ut a Iudicibus absolveretur. Consul, Censor, etc. iussu Cinnae, quod Sullanas sequeretur partes, necatus est. Cicer. l. 1. de Orat. 2. in Verr. pro Cluent. etc. Plut. in Antonio. Papir. Masson. in elog. Vide Antonius.

MARCUS [28] Antonius Alcaimus, Medicus Siculus, de cuius scriptis, vide van der Linden.

MARCUS [29] Antonius Antimachus floruit Ferrariae, A. C. 1544. Scripsit de laudibus Graecae liger. etc. Gesner. Biblioth.

MARCUS [31] Antonius Blancus Patavinus, ICtus scripsit Practicam, ad legem Corm. de Sic. etc.

MARCUS [32] Antonius Casanova Como [orig: Comô] oriundus, Poeta celebris. Scripsit Epigrammata, in quibus Catulli dulcedine relicta [orig: relictâ], paulo asperiorem Martialis Musam imitatus est: Veterum etiam Romanornm heroum elogiis intentus. Composito [orig: Compositô] in Iulium Mediceum, qui postea Clemens VII. dictus est, carmine,

ut Pompeio Columnae Cardinali placeret, veniam impetravit. Obiit A. C. 1526. quo [orig: quô] Roma a Carolo V. capta est. Paulus Iov. in Elog. Blosius Palladius ipsi hoc Epitaphium condidit.

Comensis Casanova, dum priores
Et duces canit, et canit poetas,
Praecurtis Epigrammatis: perennem
Ac longam sibi gloriam paravit.

MARCUS [33] Antonius Coccius Sabellicus Vico Varronis in Aequicolis, oriundus, fabri ferrarii fil. animum a teneris annis ad studia applicuit, iuventutis per pagos institutione aliquantillla [orig: aliquantilllâ] pecunia [orig: pecuniâ] collecta [orig: collectâ]. Dein Pomponii Laeti et Domitii Veronensis disciplina [orig: disciplinâ] usus, Romae Venetiisque, ubi humaniores literas professus est, inter literatores inclitum nomen est adeptus: Scripsit Historiam Enneadum, a condito Mundo, usque ad A. C. 1504. De situ Venetiarum libros 3. Exemplorum libres 10. De Venetis Magistratibus librum 1. etc. Obiit A. C. 1506. turpi morbo [orig: morbô] confectus aetat. 70. relicto [orig: relictô] filio [orig: filiô] notho. P. Iov. in elog. c. 48. Leand. Albert. descr. Ital. Bembus l. 4. ep. 4. Phil. Bergomas, l. 16. suppl. Chr. Lud. Vives, de tradendis discipl. l. 5. Petr. Georg. Chalcedonius in vita eius. Voss. de Hist. Lat. l. 3. c. 12. Pier. Valerian, l. 1. de infel. Literat. p. 28. Fecerat sibi ipsi hoc epitaphium:

Quem non res hominum, non omnis ceperat aetas,
Scribentem capit haec Coccion urna brevis.

MARCUS [34] Antonius Columna, Cardinalis in praelio ad Naupactum, Pontificiis navibus praefuit: Pontifex futurus, nisi Hispani obstitissent, Obiit A. C. 1597.

MARCUS [35] Antonius Cucchus scripsit Institutiones Iuris Caenonici, Vide supra in voce Cucchus.

MARCUS [37] Antonius Flaminius Italus, in omni literarum genere scripta edidit.

MARCUS [38] Antonius Genua Pasarinus seu de Passcribus, Patavinus, Philosophus celebris, fil. Nicolai, tradux familiae, quae Mutinensi et Mantuano [orig: Mantuanô] olim imperio [orig: imperiô] defuncta, Genuam se receperat. Ab omnibus Italiae Academiis certatim expetitus, munificentiam Reip. Venetae singularem expert est. Scripsit varia, praeceptor Iac. Zabarellae, Bernardini Tomitani, Speroni etc. Pater, ex Beatrice Sole, Nicolai, Paulae, Helenae, Laurae et Cassandrae, qui omnes eruditionis laude inclaruerunt. Obiit A. C. 1572. Iac. Philippus Thomasinus, in elog. illust. Vir Patavinorum.

MARCUS [41] Antonius Maioragius a loco natali, in Mediolanensi ditione, cum alias Anton. Maria de Conte vocaretur, dictus, ob quam nominis mutationem dica [orig: dicâ] ei intentata [orig: intentatâ], a Fabio Lupo, et Maximo Nigro, in Senatu Mediolan. facunde et feliciter se defendit; eloquentiae laude inclitus fuit, saeculo [orig: saeculô] praeterito [orig: praeteritô]. Scripsit Commentarios in Rhetoricam Aristotelis et Oratorem Ciceronis, huius quoque contra Caelium Calcagninum vindiciis editis, etc. Gesner. in Biblioth. vide et supra Maioragius.

MARCUS [42] Antonius Michael Venetus, Historicus magni nominis. A. C. 1516. Voss. de Hist. Lat. l. 3. c. 12.

MARCUS [43] Antonius Montisianus de S. Geminiano, Medicus Florentinus, scripsit Quaestiones Medicinales, etc. A. C. 1555. Iustus in Chron. Med. Gesner. in Biblioth. van der Linden, etc.

MARCUS [44] Antonius Muretus ex dioecesi Lemovicensi, eruditorum sui saeculi facile princeps, sine praeceptore, Latine Graeceque doctissimus evasit, parisiiis, in Collegio Cardinalis Monachi tertiam classem rexit, cum Buchananus secundae, Turnebus vero primae praeesset. Hinc, fortunam magis opimam sectatus, in Italiam abiit, et Venetiis primo, dein Romae in pretio habitus, Obiit A. C. 1585. aetat. 57. Scripta eius varia supersunt. Scaevolae S. Marth. Iustus Lipsius, Gesner. Scaliger, Thuanus in Histor. etc. Scripta eius aliaque memorabilia, enarrat accurate Anton. Teissier in Elogiis p. 2.

MARCUS [45] Antonius Natta Astensis, ICtus celebris. Scripsit Consiliorum libros 3. de Passione Domini libros 7. etc.

MARCUS [46] Antonius Peregrinus Vincentinus, ICtus Rei publ. Venetae a secretis: Iuris suo [orig: suô] tempore Oraculum, Decanus Iuris Canonici in Universitate Patavina, post Barthol. Silvaticum; Rei publ. partes, contra Paulum V. fortiter tuatus, obiit A. C. 1616. aetat. 86. Scripsit de Iure Fisci, libros 8. de Fides commissis, etc. Thomasin. in elog. ill. Vir. Patav.

MARCUS [47] Antonius Turrianus Veronensis, Medicus eximii patris fil. Postquam Patavii iam Ticinique magnam de se spem concitasset [orig: concitâsset], febre abreptus, obiit, an. aetat. 36. saeculi praeteriti Paul. Iovius. Hoc ipsi Epitaphium Nicolaus Archius scripsit:

Ante annos scivisse nocet, nam maxima virtus
Persuasit morti, ut crederet esse senem.

MARCUS [48] Antonius Zimarus Philosophus. Scripsit innumera. A. C. 1523. Gesner. in Biblioth.

MARCUS [56] Attilius Regulus, vir Romanus, egregia virtute, primo Carthaginienses pluribus praeliis vicit, tandem tamen ab

iis, duce Xanthippo [orig: Xanthippô] Lacedaemonio [orig: Lacedaemoniô], captus, Romam missus est de captivis commutandis acturus, fide data [orig: datâ], se, si nihil profecisset, rediturum. Cum autem Romae in Senatu ita egisset, ut censeret e Republ. non esse captivos commutandos, factumque esset in eius sententiam senat us consultum, amicis omnibus in vitissimis, ut fidem suam liberaret, ad Carthaginenses rediit, ab iisque est exquisitissimis suppliciis interfectus. Cicer. in Paradoxis et aliis locis. Vide Attilius.

MARCUS [58] Aufidius Fronto Consul, cum P. Corn. Anulio, an. Urb. Cond. 951.

MARCUS [59] Aurelius Antoninus Verus, cognomine Philosophus, Imperator successit socero Antonino Pio, A. C. 161. Lucio [orig: Luciô] Aelio [orig: Aeliô] Vero [orig: Verô], cui Lucillam filiam in uxorem dedit, in Imperii consortium ascito [orig: ascitô]. Tum primum duo hi aequo [orig: aequô] iure, Imperium administrarunt [orig: administrârunt]. A principio vitae tranquilissimus fuit, adeo ut in infantia quoque vultum nec ex gaudio, nec ex maerore mutaret: Vita [orig: Vitâ], moribus et eruditione Philosophus, tantae ad mirationis fuit adhuc iuvenis, ut eum successorem paraverit Adrianus relin quere. adoptato [orig: adoptatô] tamen Pio [orig: Piô], generum eidem esse voluit, ut hoc [orig: hôc] ordine ad Imperium perveniret. Imperator maxima [orig: maximâ] sollicitudine fovit subditos, nullo contra Christianos quoque generali edicto [orig: edictô] publicato [orig: publicatô], nisi quod, dum Numam imitari cupiit, per varia Rescripta ansam praebuit generali persecutioni quartae. Pestis famisque tempore suorum egregiam gessit curam, Barbaros rebelles coercuit, de Parthis, cum Collega, qui sub initium belli, de quo mox, faro [orig: farô] functus est, triumphavit. Bellum Marcomannicum, sed quantum nulla [orig: nullâ] memoria [orig: memoriâ] fuit, adeo ut cum Punicis conferatur, ipse gessit, in quo, exercitui suo siti laboranti, frustra Gentilium Diis imploratis, Christianorum preeibus pluviam impetravit, hostibus contra fulminum fulgurumque terrore attonitis et in fugam coniectis: quod cum Iul. Capitolin. in vita Marci Anton. huius precibus, Dion vero l. 55. magicis cuiusdam Arnulphi artibus tribuisset, Xiphilinus tamen utrumque mendacii arguens, Legioni Christianorum unice vindicat, quae prius Melitina dicta, hic Fulminatricis adepta est nomen, cum iam sub Augusto 12. legio esset vocata. Nec Tertullian. solum in apol. et adv. Scap. c. 4. sed et ex Paganis Apollinaris idem commemorat. Imperator ipse datis ad Senatum literis, victoriae huius gloriam Christianis ascribens, illis parci iussit, interim Pluvio Iovi statua [orig: statuâ] dedicata [orig: dedicatâ], quam Paulus V. collapsam restituit, S. Pauli imagine superne posita [orig: positâ]. Factum est autem illud A. C. 174. Paulo post Avidius Cassius contra Imperatorem rebellis, sed infelici successu, fuit. Commodo [orig: Commodô] dein filio [orig: filiô] in collegam assumpto [orig: assumptô], Orientem adivit, Cafsianae rebellionis reliquias dissipaturus. Sed Marcomannorum motibus denuo in Germaniam revocatus, obiit in Pannonia, A. C. 180. aetat. 59. Imperii 19. An spontanea [orig: spontaneâ] fame confectus, ne Commodi mores diutius perferre cogeretur? Princeps laudatissimus, sed generi, filii, uxorisque pravissimis moribus infelix. Stoicam sectam professus, Graece 12. libros scripsit de vita sua, quos Guil. Xylander et Mericus Casaubonus latine verterunt. Vide de iis Iudicium Eruditorum supra, ubi de Antonino Imperat. adde plura de hoc Imperatore, apud Oros. l. 7. Euseb, l. 5. Hist. et Chron. Suid. Gesner. in Bibl. Voss. de Hist. Gr. l. 2. c. 14.

MARCUS [64] Aurelius Antonius Bassianus, dictus Caracalla, Severo patri successit, imperavitque A. M. 4174. A. C. 212. Hic Lugauni genitus est, dictusque Bassianus, ex avi materni nomine, Caracalla autem, quod cum e Gallia vestem plurimam devexisset, talaresque caracallas fecisset, coegit plebem ad se salutandum talibus indutam caracallis uti. Antoninus porro dictus est, in honorem Marci Antonini Imperatoris. Hic simul atque imperavit, fratrem et patrem Getam nomine, falso criminatum occidit ipse in gremio matris eius, papinianum etiam Iurisconsultissimum occidi a militibus iussit, compluresque alios. In summa, nullo in pretio apud populum fuit, etiamsi vestes dedisset, et thermas nominis sui, id est, Antonianas, eximie fabrefactas, exstruxisset. Fuit patre duro [orig: durô] crudelior, in eumque contumax, cibi et vini avidus, praeter milites praetorianas omnibus castris exosus, Alexandri M. admirator, quem collo [orig: collô] in laevum humerum detorto [orig: detortô], reddere, et eius nomine vocaricupiit. Alexandrinorum dicacitatem ultus est ingenti eorum caede. Persas dolo [orig: dolô] magis quam virtute fudit. Cum Carris iter faceret, apud Edessam secedens ad onus ventris levandum, a milite, qui quasi ad custodiam sequebatur, occisus est, anno [orig: annô] Imperii 6. aetat. 43. Herodian. l. 4. Egnat. l. 1. Eutr. l. 9. Aurel. Vict. Aelius Spartian.

MARCUS [65] Aurelius Antonius Bassianus Varius Heliogabalus victo [orig: victô] Opilio [orig: Opiliô] Opilio [orig: Opiliô] Macrino [orig: Macrinô] imperavit A. M. 4181. A. C. 219. Fuit hic impurus, superbus, crudelis, honores et dignitates contulit in aurigas, minos, histriones, cumque omnia sordide ageret inireturque a viris, statim milites facti paenituit: quare in Alexanderum heliogabali consobrinum inclinavere [orig: inclinavêre] animos: tandemque Heliogabalum cum matre et fatellitibus interfecere [orig: interfecêre], operam etiam dante Alexandri matre, quae militibus clam pecunias dabat. Tractum est cadaver per Circi spatia, priusquam in Tiberim praecipitaretur. Ael. Lamprid. in Heliogab. Herodian. l. 5. Vixitann. 18. imperavit 4.

MARCUS [66] Aurelius Cassiodorus Ravennas, urbis Romanae quondam Senator, (Theodorici Regis praeceptor, Volaterran. )

Monaches et Abbas Ravennatensis in Italia, Theodorico ab epistolis: Scripsit plurima, quae exstant sol. Basileae A. C. 1490. Paris. A. C. 1515. 1570. 1600. Aureliae A. C. 1622. etc. Inter viros suo tempore doctissimos sine dubio principatum tenuit: Brosseius in vita eius. De eodem Caussinus: Magna, in quit, Cassiodori mens, qua [orig: quâ] inter hanc Gotthici saeculi barbariem, quasi sidus quoddam eluxit: stylo veniam deprecatur, et facile invenit. Obiit circa A. C. 562. nonagenario [orig: nonagenariô] maior, in suo Ulvariensi sive Castellensi, prope Scyllitanam urbem, in Calabria, Monasterio, quod exstruxit, ac referta [orig: refertâ] optimis libris bibliotheca [orig: bibliothecâ] ditavit, vide Labbaum, Sixtum Sen. etc. ut et supra in voce Cassiodorus.

MARCUS [68] Boebius Pamphilus, Consul cum Cornelio Cethego, an. Urb. Cond. 573.

MARCUS [69] Caecilius Metellus, Consul cum M. Aemilio Scauro, an. Urb. Cond. 639.

MARCUS [70] Calphurnius Bibulus Consul. cum C. Iulio Caesare, nullam partem iuris sui obtinuit: Collega [orig: Collegâ] omnia pro libidine agente tanta [orig: tantâ] petulantia [orig: petulantiâ], ut aliquando Bibulum liberius sibi resistentem in carcerem duci curaverit, magna [orig: magnâ] omnium bonorum indignatione. Hic legem Agrariam tulit, et aliam de iuretrium liberorum. Sueton. in Caesare c. 20. Unus ex eo tempore omnia in Republ. ad arbitrium administravit. ut nonnalli urbanorum, cum quid per iocum testandi gratia [orig: gratiâ] signarent, non Caesare et Bibulo [orig: Bibulô], sed Iulio et Caesare consulibus actum scriberent, bis eundem praeponentes nomine atque cognomine, ut vulgo mox ferrentur hi versus.

Non Bibulo quicquam nuper, sed Caesare factum est.
Nam Bibulo [orig: Bibulô] fieri consule nil memini.

MARCUS [73] Claudius Marcellus, Consul cum Nautio Rutilio an. Urb. Cond. 466.

MARCUS [74] Claudius Marcellus, vir Consularis, cum Pompeio favisset, a Caesare tamen per Senatum venia [orig: veniâ] impetrata [orig: impetratâ] rediens Romam, a familiari quodam suo oceisus est. Exstat elegans Ciceronis Oratio, quo [orig: quô] Caesari ob eius restitutionem, gratias agit.

MARCUS [75] Claudius Marcellus, tres Consulatus gessit: quorum primo [orig: primô] Alpinos Gallos domuit, an. Urb. Cond. 588.

MARCUS [78] Corn. Cethegus, Consul. cum P. Sempronio Tuditano, an. Urb. Cond. 550. Hic eloquens dictus est, ut Sempronius *sofo/s2. Q, Ennius,

Additur oratur Corneliu' suaviloquenti
Ore Cethegus Marcu' Tuditano collega
Marci filius, is dictus popularibus ollis,
Qui tunc vivebant homines, atque aevum agitabant,
Flos delibatus populs, Suadaeque medulla.

MARCUS [79] Corn Maluginensis, Tribunus Militum an. Urb. Cond. 386. et rursum 389.

MARCUS [80] Con Maluginensis, Consul cum L. Papyrio Crasso, an. Urb. Cond. 359.

MARCUS [81] Crassus avaritiae gurges, et abyssus inexplebilis, cum templum Hierosoly mitanum sacris thesauris expoliasset [orig: expoliâsset], a [orig: â] Parthis apud Charram, una cum Romanorum exercitu peremptus est. Plut. in Crasso, et Appian. in Parthicis.

MARCUS [82] Cratevitius Bulgarorum Princeps, praelio [orig: praeliô] superatus a Pazaite patris mortem ulciscente, qui Pazaites magnam Bulgariae partem sibi subiecit. Egnatius A. C. 1378.

MARCUS [84] Curtius nobilis Romanus, qui cum Romae in foro terra ingenti hiatu discessisset, respondissentque haruspices, Deos Manes, non aliter quam humana [orig: humanâ] victima [orig: victimâ] posse placari, neque prius hoc barathrum claudendum esse, quam si se aliquis in id sponte deiecisset, armatus equo infidens se Diis Manibus devovit, atque ita in apertam voraginem se praecipitavit, quae eo [orig: eô] facto [orig: factô] clausa est. Vide Curtius.

MARCUS [85] Fabius Ambustus, Tribunus Militum an. Urb. Cond, 375. et 387. Idem 2. Consul cum M. Popilio Laenate, an Urb. ond. 400. Tarquinienses et Faiscos superavit.

MARCUS [86] Fabius Buteo Consul cum L. Caecilio Metello, an. Urb. Cond. 506. Classem Punicam apud Aegimurum superavit. 2. Consul. cum Attilio Balba, an. Urb. Cond. 508.

MARCUS [87] Fabius Dorsus, Consul, cum Servio Sulpicio Camerino, an. Urb. Cond. 411.

MARCUS [88] Fabius Licinius, Consul. cum M. Octavio Crasso Messala, an. Urb. Cond. 507.

MARCUS [89] Fabius cognomento [orig: cognomentô] Pictor. nobilis Romanus, qui praeter ftudia literarum, et rei bellicae, quibus insignis erat, etiam pingere didicerat, unde cognomen reportavit. Scripsit etiam historias, quarum fragmenta quaedam hodie exstant Vide omnino Voss. de Hist. Lat. l. 1. c. 3.

MARCUS [90] Fabius Vibulanus, Consul cum Posthumio Ebutio Elua, an. Urb. Cond. 313. Item decennio post Tribunus Militum consulari potestate.