CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

MARCUS [94] Fulvius Flaccus Consul. cum M. Plautio Hypsaeo, primus omnium Ligures Transalpinos belio [orig: beliô] domuit, an. Urb. Cond. 629.

MARCUS [95] Fulvius Norilior Consul. cum Cn. Manlio Volsone, anno Urb. Cond. 565.

MARCUS [96] Fulvius Partus Consul. cum T. Manlio Corquato, an. Urb. Cond. 454.

MARCUS [98] Geganius Macer Consul. cum C. Iulio Tullo, an. Urb. Cond. 308. Iterum cum T. Quintio Capitolino, an. Urb. Cond. 312. quo [orig: quô] anno [orig: annô] Civilium Volscorum Imperatorem praelio [orig: praeliô] victum cepit et in triumpho duxit. Iterum Consul cum L. Servio Fidenate, an Urb. Cond. 318.

MARCUS [99] Genutius Augurinus, Consul cum P. Curiatio Philone, an. Urb. Cond. 310.

MARCUS [101] Herennius, Consul cum C. Valerio Portio. Decemvirorum tyrannidem fregit, App. Claudium urbe pellendum curavit: de Volscis, Equis, et Sabinis triumphavit.

MARCUS [102] Hieronymus Vida Cremonensis, Episcopus Albae, auctor Christiadis librorum 6. scripsit insuper de Bombycibus et Scacchiae lusu.

MARCUS [103] Horatius Pulvillus, Consul cum C. Valerio, eolpse [orig: eôlpse] anno [orig: annô], quo [orig: quô] reges exacti sunt. Nam cum Brutus Consul cum Arunte Tarquinio congressus mutuo [orig: mutuô] vulnere occubuisset. Spuriusque Lucretius in eius locum suffectus, paulo post esset etiam mortuus, Horatius ei successit in id, quod eius anni superaret, biennioque post Consul factus est cum Val. Poblicola [orig: Poblicolâ].

MARCUS [104] Horatius Pulvillus, Pontifex Max. tanta [orig: tantâ] constantia [orig: constantiâ], ut cum Capitolini Iovis aedem dedicaret, postemque tenenti allatum esset de morte filii, neque vultum mutaverit, neque postem remiserit, carmenque quod pronuntiabat, interruperit, neque prius quidquam nuntio responderit, quam absoluta dedicatio esset. Val. Max. l. 5. c. 10.

MARCUS [105] Iul. Philippus, occiso [orig: occisô] Gordiano [orig: Gordianô] iuniore, ab exercitu Imperator declaratus, ad Senatum scripsit de morte Gordiani (nempe gravi eum morbo [orig: morbô] periisse) et de sua ipsius electione postulans, ut confirmaretur. Senatus rem non plane intelligens, eum Imperatorem confirmavit, A. M. 4207. A. C. 245. Fuit is Arabs, humillimo [orig: humillimô] ortus loco [orig: locô], patre nobilissimo [orig: nobilissimô] latronum ductore. Misitheum cum primum veneno [orig: venenô] sustulerat, Gordiani socerum, virum modestum ac frugi, cuius consilio [orig: consiliô] Imperium augebatur: deinde Gordianum Occidit. Huius tempore Scythae desciverunt, contra quos Marium misit, qui a militibus Imperator factus, ab eisdem occiditur: atque iterum ab iis Decius Imperator creatur. Adversus quem Philippus furens tendit, sed a militibus occiditur Veronae, medio [orig: mediô] capite supra ordines dentium praeciso [orig: praecisô]: Filius quoque an. 12. Romae necatur, qui a quinquennio numquam risisse dicitur. Imperarunt [orig: Imperârunt] annis 5. Sunt qui hunc primum Imperatorem Christianum fuisse tradant, at perfidi mores obstant. Bapt. Egnat. c. 1. in Gordiano iuniore.

MARCUS [107] Iunius Brutus Iurisconsultus egregius, scripsit tres libros de Iure Civili. Cicer. de Orat.

MARCUS [108] Iunius Brutus, prioris fil. Adeo a parente degeneravit, ut comesto [orig: comestô] patrimonio [orig: patrimoniô] accusatoriam factitarit [orig: factitârit]. Cicer. de claris Orat.

MARCUS [112] Iunius Syllanus Consul cum Q Metello, dum collega Iugurtham Numidia [orig: Numidiâ] exuit, ipse interim a Cimbris fusus fugatusque est.

MARCUS [113] Iunius Syllanus Consul cum C. Octavio Caesare, an. Urb. Cond. 629.

MARCUS [114] Iuventius Helua Consul cum T. Sempronio Graccho, an. Urb. Cond. 591.

MARCUS [115] Laurinus Brugensis Antiquarius insignis, et rei nummariae peritissimus. Valer. Andreas, Biblioth. Belg.

MARCUS [116] Licinius Crassus vide Crassus. Alius, Consul cum C. Octavio Caesare, an. Urb. Cond. 724. Tertius, Consul cum L. Calphurnio Pisone, an. Urb. Cond. 779. Quartus cognomento [orig: cognomentô] Frugi, Consul cum Q. Lecanio Basso, an. Urb. Cond. 856.

MARCUS [117] Licinius Lucullus, Consul cum C. Cassio Varo, an. Urb. Cond. 681.

MARCUS [119] Livius Denter, Consul cum C. Aemilio Paulo, an. Urb. Cond. 452.

MARCUS [120] Livius Drulus vide Drusus. Alius, Consul cum L. Pisone Caesoniano, Scordiscos vicit, gentem a Gallis oriundam, an. Urb. Cond. 642.

MARCUS [121] Livius Salinator, Consul cum Cl. Nerone, bello [orig: bellô] Punico [orig: Punicô] secundo [orig: secundô] Asdrubalem ex Hispania ad fratris Annibalis auxilium advenientem, collegae ope interceptum vicit, et occidit, quae res praecipue Annibalis animum debilitavit. Sic enim exclamat apud Horat. l. 4. Od. 4.

Occidit, occidit
Spes omnis, et fortuna nostri
Nominis, Asdrubale interempte [orig: interemptê].

Idem cum Tarentum amisisset, atque apud Fabium Max, qui illud recuperarat [orig: recuperârat], gloriaretur sua [orig: suâ] opera [orig: operâ] receptum esse: Certe, inquit Fabius, nisi enim amisisses, numquam id recepissem.

His Consulibus Horat. iam quadragesimum quartum aetatis annum agebat, teste se ipso ad librum suum, his verbis l. 1. Ep. 20.

Forte meum siquis te percontabitur aevum,
Me quater undenos sciat implevisse Decembres,
Collegam Lepidum quo [orig: quô] duxit Lollius anno [orig: annô].

MARCUS [124] Manlius Tullus Consul cum Ser. Sulpicio Camerino, an Urb. Cond. 255.

MARCUS [125] Mantua Benavidius Patavinus, ICtus scriptis editis celeberrimus. Iac. Thomasinus de Illustr. Viris.

MARCUS [126] Marcellus, Consul cum Aeliano, an. Urb. Cond. 936. Alius, libris egregiis editis, immortale nomen adeptus, saeculo [orig: saeculô] praeterito [orig: praeteritô].

MARCUS [127] Mastelinus Bruxellensis, scripsit Necrologium Monasterii Viridis Vallis, etc. Valer. Andreas Biblioth. Belg.

MARCUS [128] Messalinus Consul cum C. Lentulo Gaetulico, an. Urb. Cond. 751.

MARCUS [129] Minutius, Proconsul in Macedonia [orig: Macedoniâ] Thraces superavit, an. Urb. Cond. 645.

MARCUS [130] Minutius Augurinus, Consul cum Aulo Sempronio Atratino, an. Urb. Cond. 257.

MARCUS [132] Nonius Mutianus, Consul cum L. Annio Fabiano, an. Urb. Cond. 953.

MARCUS [133] Oblivitius Malleolus, Consul cum M. Aemilio Lepido, an. Urb. Cond. 521.

MARCUS [134] Octacilius Crassus, Consul cum M. Val. Maximo, an. Urb. Cond. 490. Iterum cum M. Fabio Licinio, an Urb. Cond. 407.

MARCUS [135] Ottus Patavinus, Philosophus, scripsit varia. Thomasin. in elog. Vir. Ill. Patavin.

MARCUS [137] Papyrius Mugillanus, Tribunus Militum Consulare potestate, an. Urb. Cond. 338. Iterum biennio post Consul cum C. Nautio Rutilio, an. Urb. Cond. 340.

MARCUS [138] Paulus Venetus, fil. Nicolai, qui ambo Itineraria ediderunt. Saeculo [orig: Saeculô] 13.

MARCUS [139] Perpenna, Nepos Aristonicum Attali regis filium praelio [orig: praeliô] victum interfecit.

MARCUS [140] Plautius Hypsaeus, Consul cum M. Fulvio Flacco, an. Urb. Cond. 629.

MARCUS [141] Petilius Libo, Consul cum C. Sulpicio Longo, an. Urb. Cond. 441.

MARCUS [142] Pomponius Matho, Consul cum Q. Fabio Max. an. Urb. Cond. 520. Triennio post Consul cum C. Papyrio Masso.

MARCUS [143] Popilius, Consul cum Cn. Manlio Capitolino, an. Urb. Cond. 397. Iterum cum Fabio Maximo Ambusto, an. Urb. Cond. 400. Tertio cum A. Scipione Coru. Arvina, an. Urb. Cond. 406. Quarto cum M. Val. Corvino, foedus cum Carthaginensibus percussit. an Urb. Cond. 408.

MARCUS [145] Posthumius Albinus, Tribunus Militum Consulari potestate an. Urb. Cond. 353.

MARCUS [146] Posthumius Regillensis cum Tribunus Militum Consulari potestate multa egregia facinora fecisset, Aequos vicisset, Volscos cepisset, ab exercitu superbiam eius peroso lapidibus obrutus est.

MARCUS [147] Pulcher Perpenna, Consul cum P. Claudio Pulchro, an. Urb. Cond. 662.

MARCUS [148] Pupius Piso Calphurnianus, Consul cum M. Valerio Messala, duobus annis post Ciceronis Consulatum.

MARCUS [149] Quintilius Varus, Tribunus Militum Consulari potestate, an. Urb. Cond. 353.

MARCUS [150] Sempronius Tuditanus Consul cum C. Claudio Centone, an. Urb. Cond. 513. Alius Consul cum Appio Pulchro, An. Urb. Cond. 569.

MARCUS [151] Servilius Geminus; Consul cum C. Claudio Nerone, an Urb. Cond. 252

MARCUS [152] Statilius Taurus, Consul cum L. Quintio Crispino, an. Urb. Cond. 796.

MARCUS [153] Suillius Servilianus, Consul cum C. Antistio Vetere, an. Urb. Cond. 802.

MARCUS [156] Titinius Magister Equitum sub C Iulio Bubulco Dictatore, de Aequis triumphavit, an. Urb. Cond. 452.

MARCUS [158] Tullius Decola, Consul cum Cn. Corn. Dolabella, sub Dictatore Sylla.

MARCUS [160] Val. Levinus, Consul cum L. Apustio, an. Urb. Cond. 528. Alius Cn. Cornelio Hispalo Consuli demortuo in Consulatu suffectus, bello [orig: bellô] Ligustico [orig: Ligusticô] cecidit, cum prius Letum montem de hostibus cepisset, an. Urb. Cond. 578.

MARCUS [162] Valerius Maximus, Consul cum Sp. Virginio, an. Urb. Cond. 298. Alius Consul cum P. Decio Mure, an. Urb. Cond. 443. Alius Consulcum Q. Mamilio Vitulo, an. Urb. Cond. 488. Et biennio post cum M. Octacilio Crasso, an. Urb. Cond. 490. Alius Dictator, qui de Hetruscis triumphavit, an. Urb. Cond. 452.

MARCUS [166] Varnevicus Gandavensis, scripsit Speculum historiae Belg. Chronicon Flandriae, etc. Valer. Andreas, Biblioth. Belg.

MARCUS [168] Vigerus, auctor Decachordi Christiani ad Iulium II. Alius Episcopus Semigalliae, scripsit de tollendis Eccl. abusibus.

MARCUS [169] Vinitius Quartinus, Consul cum A. Cornelio Corvino, an Urb. Cond. 796.

MARCUS [171] Ulpius Traianus Hispanus optimus omnium princeps, externorum primus, Romae imperavit A. M. 4060. A. C. 98. Hic Daciam Provinciam fecit, victo [orig: victô] rege Decebalo [orig: Decebalô]: lapideum pontem in Istro struxit, Parthos superavit, superatis regem dedit. Transtigritanas provincias imperio adiecit: Armeniam atque Arabiam pervastavit: amicitias, simplicia ac erudita ingenia coluit, ipse a literis et Musis non abhorrens. De hoc Caesare scribit Iuvenal. Sat. 7. v. 1.

Et spes, et ratio, studiorum in Caesare tantum:
Solus enim tristes hac [orig: hâc] tempestate Camenas
Respexit, etc.

Hic Armeniam, Assyriam, Mesopotamiam, postea Arabiam provincias fecit. In mari rubro classem instituit, ut per eam Indiae fines vastaret. Gloriam tamen militarem civilitate et moderatione superavit: liberalis in omnes fuit: immunitates civitatibus tribuit. Amicis culpantibus, quod nimis circa omnes comis esset, respondit, Talem se Imperatorem esse privatis, quales esse sibi Imperatores privatus optasset [orig: optâsset]. In summa, Deo procimus habitus est. Sed e Perside rediens profluvio [orig: profluviô] ventris obiit an. aetat. 62. imperii fere 20. Eutrop. l. 8. Aurel. Vict. Fuit paululum cibo vinoque deditus. Nic. Loyd.

MARCUS [172] Zuerius Boxhornius Bergis ad Zomam oriundus, prodigium scientiae: Scriptis plurimis, in Aetate adhuc iuvenili editis omnium eruditorum applausum meruit. Valer. Andreas Biblioth. Belg. p. 461.

S. MARCUS urbs Episcopalis Calabriae citerioris. Item urbs Siciliae, Du Val. Geogr. Item Ordo Equestris in Republ. Veneta. Cuius insigne Leo alatus, coccinei coloris, cum lemmate: Paxtibi Marce Euangelista. Equites ius civitatis habent, et rictum Leonis in insignibus gerunt, quod maximi ibi aestimatur. Iustinian. Hist Ven. Le Mire, de Orig. Ordin. Equestr.

MARDAITAE praesidium utile e Libano, facta [orig: factâ] pace cum Abedmelecho, a Iustiniano Rhinotmeto Imperatore infelici eventu deductum A. C. 687. Cedrenus in Hist. P. Diaconus l. 19. etc.

MARDE urbs Mesopotamiae ad Tigrim fluv. Herodot. Ptol. Mirduum Procopio, Merdino Onuphrio, Mirdin Barbaro. In Assyriae confinio ab Amida 50. mill. pass. circiter in Caeciam via [orig: viâ], quae Tabresium ducit. Archiepiscopalis et praeclara est.

MARDI populi Asiae in Armeniae, et Mediae confinio Ptol. qui etiam a Strabone et Stephano in Hyrcania describuntur, ab Herodoto in Perside, a Plinio inSarmatiae Asianae ora ad Euxinum mare, a quo et in Susiana collocantur. Horummeminit Dionysius v. 732.

Curtius l. 5. c. 6. Ventum est in mardorum gentem, cultum vitae abhorrentium, specus in montibus fodiunt, in quos se, coniuges, et liberos condunt, pecorum, aut ferarum carne vescuntur. Vide Amardi. Nic. Loyd.

MARDOCHAEI Dies dies 14. mensis Lunaris Februarii, iuxta morem hebraeorum qui hebraice Adar dicitur, occurrit 2. Machab. c. 15. v. 37. quo [orig: quô] nomine indigitabatur festum, quod Purim alias, de quo vide suo [orig: suô] loco [orig: locô], et Dominic. Macrum in Hierolexico.

MARDOCHAEUS fil. Iair, patruus Hester, de tribu Beniamin, quibusdam videtur auctor libri Hester. Quod enim de ritibus Iudaeorum opus, inter Thalmudicos libros, attinet, certum est, eius auctorem Mardochaeum quendam Iudae um esse, priori longe recentiorem. Hest. c. 2. et seqq. Vide quoque Aman et Esther.

R. MARDOCHAEUS [1] fil. Hillel, auctorlibri cognominis, Norimbergae supplicio [orig: suppliciô] affectus, anno [orig: annô] 5070. iuxta R. Ganz. quo ipso [orig: ipsô] obiit R. Meir Fil. Baruch, auctor Theschuvot.

R. MARDOCHAEUS [2] Jophi, auctor libri Lebusch malchut, in quo continentur omnia iudicia Thalmudis, et testimonia; item Commentarii in Legem; libri Darasot; Commentarii in Moreh Nebuchim, et in Hilchot Kiduscha-chodesch Rambam, nec non Commentarii in Hircanath. Praeses fuit Scholae in coetu Oradnae, in coetu it. Lublinensi et Cremnizensi prius, inde Pragam pervenit. R. Dav. Ganz Chronol. Rabbinorum sub Templo II. an. 352. Millenarii VI.

R. MARDOCHAEUS [3] Nathan librum Concordantiarum ex Latino hebraice vertit, circa an. 198. iuxta calculum praedictum.

MARDONIUS [1] Nobilis Persa, secundum Ctesiam, ex illis septem, qui inter se coniurantes Magum se Cyri filium mentientem sustulerunt.

MARDONIUS [2] Persa, Darii gener, quem Xerxes apud Salamina victus cum exercitu reliquit, ut reliquias belli foveret. Hic captis Athenis Olymp. 75. Grae ciae se formidabilem reddidit, paulo post tamen a Pausania et Aristide, Lacedemoniorum et Atheniensium ducibus victus ad Plataeam, in Boeotia et ab Arimnesto Spartiata, saxo [orig: saxô] obrutus est. Plut. in Aristide. Herod. l. 7. et 8. Diodor. Sic. l. 11. Iustin. l. 2. c. 13. 14. Corn. Nepos, l. 4. c. 1. etc.

MARDONIUS [3] Scytha Ethnicus, Iulianum Apostatam prima literarum rudimenta docuit.