December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0002

[gap: blank space]
image: as0003

[gap: illustration]
image: s0059a

MARE Myrtoum quibusdam est mer de Mandria; longe distat ab Attica in Ortum.

MARE Nostrum idem quod Mediterraneum mare Mediterraneum.

MARE Pacificum mar Pacifico Hispanis, mer Pacifique Gallis, novam Hispaniam et Peruviam alluens. Idem est quod mare Austrinum, sed latius extenditur, nempe usque ad Terras Australes, novam Guineam, et Archipelagum S. Lazari, versus mare Indicum.

MARE Pamphylium Pamphyliam alluens, Cyprum usque extensum, mer de Caramanie ex parte.

MARE Persicum seu sinus Persicus, nunc Golfe de Perse, seu mer d'Elcatif, et Golfe de Bassora. Extenditur inter Persiam et Arabiam.

MARE Phasianum pars Ponti Euxini ad Ortum, versus Oram Colchidis et ostia Phasis fluvii.

MARE Phoenicium idem quod Syrium mare Syrium, mer de Sourie dicitur.

MARE Pontus dictum idem quod Euxinum mare Euxinum, mer Noire.

MARE Propontis quod Propontis, nunc dicitur mer de Marmora: estque inter Bithyniam et Thraciam.

MARE Purpureum mer Vermeille Gallis, mar Vermeio Hispanis, est in America Septentrionali, inter novum regnum Mexicanum ad Ortum et Californiam insulam ad Occasum.

MARE Rhodium mer de Rhodes Gallis, mare di Rhodi Italis, versus [orig: versūs] Rhodum insulam et oram Asiae minoris.

MARE Rubrum a Graecis Erythraeum mare Erythraeum vocatur, et aliquando ab Indo fluvio ad mare Azanium intelligitur. Sed mare Rubrum, de quo in veteri Testamento mentio fit, proprie ab Anriquis sinus Arabicus dicitur, quod inter Africam, ubi Aegyptus et Aethiopia, ac Asiam, ubi Arabia, per 1200. mill. pass. et amplius se extendit. Israelitae mare Rubrum transierunt, tamquam aridam terram, quod experti Aegyptii submersi sunt; nuneque vulgo mer Rouge et mer de la Mecque vocatur a Gallis, Baudrand. Loydio Mare Rubrum, seu Erythraeum mare, in duos dividitur sinus, Persicum et Arabicum, in quos varii fluunt amnes; Dionysio Aethiopicum, Plinio et Melae Indicum, et Herodoto Persicum appellatur, inter Africam ac Taprobanam insulam Asiae, cuius meridionalem partem alluit. Strabo illud sub Atlantici nomine comprehendit. Huius pars, quae Persiam, et Arabiam Felicem lambit, Azanium apud Plin. appellatur l. 6. c. 24. Mar d'India a [orig: ā] Lusitanis dicitur, ut quidam volunt. Maris Rubri vocabulum tam late apud bonos auctores extendi, fugit Guilandinum in suo de Papyro libello, ubi Eustathium reprehendit, quodscribat Indiam ad Rubrum Oceanum pertingere: Item Martinum Del Rio, apud quem male audit Seneca, quod dicat in Troad. Actu. 1. v. 11.

Tepidum rubenti Tigrin immiscet freto.

Sed hic error illis communis est cum his, qui mare Rubrum tantum pro Arabico sinu intelligunt; idque male. Indum enim, Tigrim, et Euphratem fluv. in Hunc sinum minime exonerari, cunctis pene notissimum est, eaque tamen in mare Rubrum se exonerare, apud classicos auctores luce clarius ostenditur. De Mari hoc cum Mari Mediterraneo coniungendo, Imperatores Turcici et Sultani Aegyptii, non una [orig: unā] vice consilia agitarunt [orig: agitārunt], ut vel Nilum Mari Rubro coniungerent, indeque in Mare Mediterraneum navigatio institui posset: vel ipsum Isthmum, qui utrumque Mare disiungit, perfoderent: sed irrito [orig: irritō] hactenus successu. Aliud fuit consilium Proregis Indici Alphonsi Albuquercii, qui Nilum ab Aegypto avertere constituerat, ducto [orig: ductō] alveo [orig: alveō] ex Abassia in mare Rubrum, ut ita Aegyptum sterilem et Turcis infructuosum redderet: verum negotio immortuus est. Vide Becmannum Hist. Orbis Terr.

MARE Sardoum inter Sardiniam et Mauritaniam Caesariensem, illam ad Boream, Sardiniam alluens ad Occasum mer de Sardaign.

MARE Sarmaticum mer de Moscovie, seu de Petzorke: pars est Oceani Septentrionalis, hyperborei, et Glacialis, versus oram Borealem Moscoviae, et Novam Zemlam: et mare Myrmanskou More eius etiam pars creditur.

MARE Scythicum pars est Oceani Septentrionalis, vulgo mer de Tartarie Gallis, Niaren more incolis.

MARE Siculum mer de Sicile, alias mare Ausonium, pars est maris Ionii.

MARE Suecicum seu Codanus sinus, la mer Baltique. Vide mare Balticum.

MARE Superum idem Hadriatico cum Ausonio, Golfe de Venise.

MARE Syrium mer de Sourie, pars est maris Mediterranei, magis ad Ortum extensa versus Syriam.

MARE Thuscum idem Tyrrheno et Infero, mer de Toscane.

MARE Tiberiadis Vide mare Galilaeae.

MARE Trinacrium idem Siculo, mer de Sicile.

MARE Tyrium pars Syrii, Tyriorum oram alluens.

MARE Tyrrhenum seu Thuscum et Inferum, mare Tosco seu di Toscana Italis, mer de Toscane Gallis, pars est maris Mediterranei, inter Thusciam, ditionem Pontificiam regnumque Neapolitanum, et insulas Siciliam, Sardiniam, et Corsicam.

MARE Venedicum seu potius sinus Venedicus, Golfe de Dantzick, pars est maris Baltici, versus Prussiam provinciam Poloniae.

MARE Virginium seu melius Verginium pars est Australis maris Hibernici, inter Hiberniam et Bolerium promontorium Cornubiae, nunc mer d'Irlande ex parte tantum. Plura de Mari, vide apud Auctorem anonymum Hist. Orbis Terr. Geogr. et Civ. De quaestione, an mare sit capax Imperii? vide Ioh. Seldenum et Hug. Grotium, quorum ille Mare clausum, hic liberum edidit, etc.