CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

MEDULLINA virgo Romana, ab ebrio patre in tenebris violata, ut stupri auctorem agnosceret, digito eius annulum detraxit; Ubi autem ex pignore patrem esse comperit, eum ad aram gladio confodit. Plut. in Parall.

MEDULLIUS Oros. fluvius, in Vasconibus sive regno Navarrae; ut patet ex situ, quem Ptol. ipsi tribuit. Ferrar.

MEDULLUM Vindeliciae urbs Ptol. Medlengen Lazio, et Aventino. Aliis Mittespach, castrum Bavariae superioris versus montes, 6. milliar. Germanic. a Monachio in Eurum 7. a Chiemo in Occasum, inter Isaram et Oenum fluv.

MEDULLUS Hispaniae Tarraconensis mons, Minio fluvio in Callaicis imminens, Oros. Manduria Garibaeo.

S. MEDULPHI Aquae vicus ad Morgiam fluv. in Arvernis, aquis suis et S. Medulsi nomine clarus, vulgo S. Mion. Ab oppid. Ricomago 6. mill. pass. seu 2. leuc. Eius thermae, vertiginosis et quartana [orig: quartanâ] febre laborantibus conducunt. Had. Vales. Notit. Gall.

MEDUNTA urbs Insulae Franciae, vulgo Mante; cum ponte, ad Sequanam, 12. leuc. infra Lutetiam in Circium, Rothomagum versus, a quo 16. leuc. distat, 11. ab Ebrocisi in Ortum, uti 4. a confinio Normanniae.

MEDUS [1] Mediae fluv. in Araxem defluens. Strab. et Curtius l. 5. c. 4. a quo forte Mediae nomen.

MEDUS [2] Iosephus Anglus, Essexiensis, Burdeni viculo [orig: viculô] iuxta Bishopstortford editus, Theologus eximius. Eius exstant Diatribe in loca varia S. Scripturae, Danielis Hebdomadae, Expositio in 2. Petri c. 3. Clavis Apocalytica etc. Inter opera. 2. Vol. fol. Londini 1664. De Clavi eius et Comm. Apocalyptico, sic scribit Lud. de Dieu; Prodit scriptum, Auctorem non tantum diligentissimum, sed et doctissimum, rerum divinarum cognitione largiter perfusum, et omnis politioris literaturae ornamentis instructissimum. Eius Apostasia novissimorum temporum seu tract. in 1 Tim. c. 4. 1. 2. 3. 4. Latine versus a Ioh. Schonauvero Theologo, Basileae prodiit A. C. 1656. Vide Vitam eius in initio opp.

MEDUSA fil. Phorci ex Ceto marina [orig: marinâ] bellua [orig: belluâ], quae una cum duabus sororibus Euryale et Stehnione Dorcadas insulas, in Oceano Aethiopico, tenuisse fertur. Haec, praeter alias formae insignis dotes, capillos habuisse fertur proxime ad auri colorem accedentes; quarum splendore captus Neptunus in Minervaetemplo, cum ea [orig: eâ] concubuit, unde Pegasus equus natus est. Quam iniuriam Minerva gravi ac iniquo [orig: iniquô] animo [orig: animô] ferens, Medusae crines, quibus maxime amatori suo placuerat, in angues mutavit, deditque, ut omnes eam aspicientes in lapides verterentur. Ovid. l. 1. de Ponto. Ep. 1. v. 37.

Ipsa Medusa oculis veniat licet obvia nostris,
Amittet vires protinus ipsa suas.

Quamobrem cum nemo tam immane monstrum intueri posset, Perseus Iovis et Danaes fil. Mercurii talaribus, et falcato [orig: falcatô] ense accepto [orig: acceptô], Palladis item scuto [orig: scutô], ut aere repercussam effigiem eius videre impune posset, ex improviso (cum ipsa anguesque sopiti essent) eam adortus uno [orig: unô] validissimo [orig: validissimô] ictu interemit, et in patriam rediens; cum eius caput secum deferret, contigit ut guttae sanguinis decidentes, per solitudines Africae, mutarentur in serpentes. Lucan l. 9. v. 619. Pegasum et Chrysaora equos inde prognatos, ait Ovid. Metam l. 3. Hygin. Fab. 151. Bocatius. Fabulam eius fuse explicat Nat. Comes l. 7. c. 11. Dicitur et Gorgon. Ovid. Trist. l. 4. Eleg. 7. v. 11.

MEGABYZI seu MEGALOBYZI, Ephesiae Dianae sacerdotes, quos Eunuchos esse oportebat, unde et pro imbellibus, ac mollibus poni consuerunt [orig: consuêrunt], quales sunt spadones. Quintilian. l. 5. c. 12 Vide quoque Hesych. et Appianum Bell. Civil. l. 5. Xenopen, *)anaba/s) l. 5. *mega/buzon, to\n th=s2 *)artemi/dos2 *)efesi/as2 newko/ron, Dianae Ephesiae aedituum, interpretatur. megalobu/zous2 Strabo appellat l. 14. ubi Eunuchos, ut dictum, fuisse scribit. Quod et ostendit Heracliti Epistola ad Harmodorum, apud Politianum, castrari et exsecari Megabyzum solitum innuens, ne Deae Virgini Vir sacrificaret, vide eum Miscellan c. 48. ubi pompam Megabyzi (quam inter Apellis opera recenset Plin. l. 35. c. 10. et 11.) describit luculenter Xenophon Ephesius. In ea ferebantur sacra, canistra, suffimenta; ducebantur canes, equi etc. Dalechampius Not. ad Plin. d. l.

MEGABYZIUS nobilis Persa, unus ex septem, qui Magorum tyrannidem sustulerunt, a Dario rege dux exercitus [orig: exercitûs] in Europa relictus, Perinthum cepit, Paeones vicit, Thraciam omnem subegit, Macedoniam frustra per legatos tentavit, quos rex Amyntas vino [orig: vinô] obrutos interfecit. Eius suasu Darius Histiaeum tyrannum Milesium revocavit, qui generum Aristagoram ad turbas concitarat [orig: concitârat]. Coeterum tanto [orig: tantô] apud Regem pretio [orig: pretiô], ut aperto [orig: apertô] malo [orig: malô] punico [orig: punicô], cum is ab Artabano interrogaretur, cuiusdam rei copiam vellet granis pomi parem, Megabyzorum, responderit. Herodot. Musa [orig: Musâ] 4. et 5.

MEGABYZUS [1] Zopyri fil. Darii Satrapes; qui Aegyptum domuit, et ex Memphide Graecos eiecit. Thucyd. l. 1. Scholiast. in Aves Aristophan.