December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised


image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.



image: as0002

[gap: blank space]

image: as0003

[gap: illustration]

image: s0315a

NICARTHIDES cui Alexander M. arcem Persepolis, tribus milibus Macedonum praesidio relictis, tuendam commisit, Curt. l. 5. c. 6.

NICASIA parva insula iuxta Naxum, inde Nicasius, quod et proprium nomen viriest, Steph.

NICASIPOLIS vide Thessalonica.

NICASIUS de Voerda Mechliniensis, caecus a 3. aetat, anno, eruditione tanta [orig: tantâ] effloruit, ut miraculum sui saeculi haberet ur. Doctor fuit Lovanicnsis, et scripsit complura. Obiit A. C. 1491. Trithem. et Valer. Andr. in Bibl. Belg. qui etiam Nicasii Baxi, et Ellebodii meminit, qui ambo scriptis inclarucrunt.

NICASTRUM vide NEOCASTRUM.

NICATES a Livio vocatur monsille Italiae, qui hodie Maiella, et Mathesio dicitur, teste M. Nigro [orig: Nigrô].

NICATOR Seleuci cognomen, quia in Syriacis bellis semper invictus exstitit, teste Appiano [orig: Appianô]. Fuit autem Syriae Rex. Vide Seleucus, it. Syro Macedones.

NICATORIS urbs Syriae, Steph. Inde Nicatorites.

NICATORIUM Assyriae mons iuxta Arbelam, Strabo. Vide et infra. SyroMacedones.

NICAULE vide NICOLAA

NICAULE Aegypti et Aethiopiae Regina, quam Ioseph. l. 3. Ant. Iud. c. 2. Reginam Sabae esse credidit, quae sapientiae Salomonis fama [orig: famâ] pellecta, Hierosolymam venit, 1. Reg. c. 10. v. 1. 2. Paral.c.9.v.1. Ex huius posteris se esse Abyssinorum hodierni Regesgloriantur. Aliis tamen regina illa Sabae, ex Ahrahami Cethuraeque posteritate fuisse videtur. Vide Origen. hom. 11. in Gen. Baron. A. C. 1 Torniel. A. M. 3043. n. 13. et 14. Moret. Diction. Hist.

NICEA Macedoniae urbs, apud Heracleam inter Edessam, et Lychnidum, Antonin. Hinc 34. mill. pass. in Ortum.

NICEDORUS vide NICODORUS

NICEPHORIUM urbs circa Edessam, alias Constantina, Steph. Nasivancasi hodie nominari scribit Castaldus; Nephrum Pinetus vocat.

NICEPHORIUS Graece *nikhfo/rios2, cognomen Iovis, ab urbe Nicephorio, circa Edessam; ubi fanum habuit, e quo responsu accepit Hadrianus, apud Spartian. in Vita illius c. 2. Habuit autem praesumptionem Imperii mox futuri ex fano quoque Nicephorii Iovis manante responso, quod Apollonius Syrus Platonicus libris suis indidit. Aliud est *nikhfo/ros2, eiusdem Dei cognomen, quem multis locis cultum esse constat. Vide Salmas. ad Solin. d. l. et de voce hac infra quoque aliquid, ubi de Olympionicis.

NICEPHORIUS amnis partem murorum Tigranocertae ambiens, Tacit. l. 15. Annal. c. 4.

NICEPHORIUS Iuppiter ab urbe Nicephorio, in Mesopotamia, sic dictus, ex cuius responso Adrianus Imperator imperium sibi futurum intellexit. Vide paulo supra.

NICEPHORUS [1] I. Constantinopolitanus Imperator ex Logotheta, Thesaurario et Cancellario, A. C. 802. Irene in Insulam Lesbum relegata [orig: relegatâ], thronum conscendit, osor imaginum, et libertatis Ecclesiae Graecae, contra Romanam sedem, tenax. Bardane aemulo [orig: aemulô] in coenobium detruso [orig: detrusô], cum Carolo M. de limitibus sic convenit, ut Veneti inter utrumque imperium positi, sed liberi essent; Stauratium dein filium Augustum pronuntiavit, Bulgarosque tam feliciter superavit, ut Rex horum Crunnus pacem supplex petere cogeretur: Quam cum negaret rerum successu ebrius Imperator, ab illo, ad desperationem adacto, nocturna [orig: nocturnâ] invasione, cum omni Nobilitate, trucidatus est, craniumque eius, obductum argento, cyathi loco [orig: locô] Crunno fuit, addito: ut auri cupidus, mero post fata expletus, alienam sitim elueret. A. C. 811. Stauratius, periculose vulneratus, aegre e praelio evasit. Successit Michael Curopalates gener, Theophan in Chron. Cedren. in hist. Zonar. in Annal. Gr. tomo 3. Sigebert. in Chron. P. Aemilius l. 3.

NICEPHORUS [2] II. Phocas, Dux copiarum Romani Iunioris Cretam Saracenis eripuit, eosdemque in Syria graviter afflixit; illi mortuo surrogatus ab Exercitu, A. C. 963. coronam a Patriarcha Polyeucte accepit. Ducta [orig: Ductâ] dein Romani vidua [orig: viduâ] Theophania [orig: Theophaniâ], eosdem Saracenos Syria [orig: Syriâ], Cilicia [orig: Ciliciâ], Cypro [orig: Cyprô], cum Antiochia et Tripoli exuit. Sed nimium avarus, cum subditorum plurimis oppressis, Urbem fame laborantem non solaretur, militibusque stipendii loco [orig: locô] templa diripienda concederet, suorum odium incurrit: a Iohanne Zimisce, quem Theophania fune in cubiculum attraxerat, occisus, A. C. 969. Curopalat. et Cedren. in Annal.

NICEPHORUS [3] III. Cognomine Botoniates, Turcarum opibus nixus, Constantinopoli imperioque [orig: imperiôque] potitus est, A. C. 1078. relegato [orig: relegatô] in monasterium Michaele Duca [orig: Ducâ], cum Constantino fil. et uxore. Sed A. C. 1081. purpura cum cilicio commutata [orig: commutatâ], imperium Isaco Comneno cedere coactus est. Curopalat. Anna Comnena, Zonaras, Cedrenus, etc.

NICEPHORUS [4] I. Patriarcha Constantinopolitanus, successit Tarasio, A. C. 806. Ingenio [orig: Ingeniô] hic et genere inclitus, cum prius Imperatori a secretis fuisset, aula [orig: aulâ] relicta [orig: relictâ] monasticam vitam sectatus erat, sed inde extractus, et dignitati Patriarchaliadmotus est. Quod acer imaginum esset defensor, a Leone Armenio Imperatore in Insulam Praeconnesum relegatus, ibi obiit A. C. 828. postquam exilium ann. 14. tolerasset [orig: tolerâsset]. Scripsit i(s2ori/an su/ntomon, Historiae breviarium, a morte Mauritii Imperatoris usque ad Leonem IV. Porphyrogenn. Irenes maritum, ann. Constantini Copron. 29. Christi 769. quod Petavius edidit, A. C. 1616. ac tralationem suam addidit. Item Chronologiam tripartitam, quam Anastasius Bibliothecarius latine vertit, a Iosepho Scaligero editam. De aliis illi tribui solitis, vide Theodor. Studitam in ep. Theophanem, Photium Cod. 66. Cedren. Zonar. et Glycam, in Annal. Voss. l. 2. c. 25. de Hist. Graec. et in adden. Labbeum, in appar. Hist. Byz. etc.

NICEPHORUS [5] II. prius Archiepiscopus Ephesinus, successit Arsenio, A. C. 1260. Obiit anno post, Gregoras, l. 4.