CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

PETRUS [111] Fulvius Picto, Poeta admodum ingeniosus, Sammart. elog. l. 2.

PETRUS [112] Galandus Picardus, Philosophiam docuit Parisiis, scriptis Latine et Gallice editis inclitus. Obiit A. C. 1559.

PETRUS [113] Garnengus Carmelitarum in Turonibus provincialis, Brito natione, Historiam Eccles. edidit, etc. Obiit A. C. 1471. Possevin. in appar. Lucius in Biblioth. Carmelit.

PETRUS [115] Gilkenius et Gudelinus, Iurecon sulti insignes, ille Ruremonda [orig: Ruremondâ], hic Lovanio [orig: Lovaniô] oriundus: scriptis incliti. Vide Valer. Andr. in Biblioth. Belg.

PETRUS [116] Gillius Albiensis. Graece. Latineque doctissimus, Philosophus, et Philologus insignis. Missus a Francisco I. literatorum Maecenate, in Graeciam et Asiam, ut manuscripta undique probae notae conquireret, inde redux a piratis captus et in Africam abductus est. Cardinalis postmodum Armeniaci cura [orig: curâ] et liberalitate dimissus, Romae, ubi Euergetam suum salutatum advenerat, obiit A. C. 1555. aetat. 65. Edidit descriptionem Bosphori Thracici et urbis Constantinopol. Vertit quoque Latine Commentarios, ion 12. Proph. Theodoreti, Historiam animalium Aeliani, etc. Alia quaedam ipsi a domestico surrepta, subadulterino huius nomine, prodita leguntur. Thuan. Histor. l. 16. Gesner in Biblioth. Sammart. l. 1. elog.

PETRUS [117] Gonzales de Mendoza Hispanus, Cardinalis, Archiepiscopus Toletanus, stirpe, doctrina [orig: doctrinâ], liberalitate, zelo [orig: zelô] illustris, Gravatae expugnationem plurimum iuvit, Obiit A. C. 1495. Vertit Sallustium, Virgilium et Iliadem Homeri. Albericus Hist. Cardin. t. 2.

PETRUS [118] Gravina Poeta ltalus, in aula Aragoniae Principum, qui tum in Sicilia rerum potiti, magni habitus: postea favore Magni Capitanei Consalvi, Canonicatum Noapoli impetravit. Prospero dein Columnae adhaesit; ob Epigrammatum consiciendorum dexteritatem, impense a Sannazario laudatus. Neapoli a Ludovico XII. capta, pleraque eius scripta perierunt. Obiit An. aetat. 74. infortunio [orig: infortuniô] memorabili. Vide Paul. Iov. elog. c. 74.

PETRUS [119] Gringorius Lotharingus, Poeta et Orator, varia edidit, inter quae: les menus propos de mere sotte, A. C. 1520.

PETRUS [120] Guilielmus Cardinalis ab Alexandro III. creatus, Cancellarius tuit et Bibliothecarius Ecclesiae. Continuavit vitas Paparum Anastasii, a Nicolao I. usque ad Paschalem II. A. C. 1071. Onuphr. et Ciaccon. in vitis Pontificum.

PETRUS [121] Heinius Archithalassus Rei publ. Belgicae, debellavit A. C. 1628.l Classem Argentiferam Hispanorum, ad Mantacaeum: cui inerant, praeter alias merces, argenti partim cusi, partim in laminas fusi, onera 46. i. e. tonnae 300. auri. Biennio [orig: Bienniô] post, in conflictu Dunkerkano, victor occubuit.

PETRUS [122] Hispanus magnam famam consequutus: est Sammuliis Dialect. quas ex Michaelis Pselli Synopsi Organi Aristotelici compilavit: postmodum Papatum adeptus et Ioannis XXII. nomine insignitus est. G. Hornius Histor. Phil. l. 6. c. 4.

PETRUS [123] Ickanus Cantuariensis. Scripsit Parisiis, A. C. 1274. Genealogiam Angliae Regum, etc. Balaeus et Pitasaeus, de Scriptor. Angl.

PETRUS [124] Iohannis saeculo [orig: saeculô] 12. ob quaedam heterodoxa, post mortem refossus et exustus. Paul. de Castro, etc.

PETRUS [125] Iterius Cardinalis, IC. sui saeculi excellentissimus. Obiit Avenione, A. C. 1367. Onuphr. et Bosquet. In Innoc. 6. etc.

PETRUS [126] Iustinianus Venetus: Scripsit Historiam patriam, libris 13. A. C. 1570. Alius Genuensis, Italice plurima ingeniose scripsit. Raphael Sopranius Script. Ligur.

PETRUS [127] Lasena Neapolitanus: Scripsit de iis, quae in aquit pereunt, etc. Obiit A. C. 1636. Ingeniosissimus auctor. Laur. Crassus, elog. Viror. liter.

PETRUS [129] Leonius Spoletanus, Astrologus et Medicus insignis: quod eius incuria [orig: incuriâ] Laurentius de Medicis obiisset, in puteum praeceps datus est. Paul. Iov. elog. c. 35.

PETRUS [130] Lisetus Arvernus, primarius Praeses Parlamenti Parisiens. Postea Abbas S. Victoris. floruit A. C. 1570. editis magno numero scriptis inclitus.

PETRUS [131] Lombardus cognomine Magister Sententiarum, Novara [orig: Novarâ], Longobardiae oppido [orig: oppidô], oriundus, eruditione inclitus. Episcopus Parisiensis fit, A. C. 1160. cedente ipsi Philippo [orig: Philippô], filio [orig: filiô] Ludovici VI. et fratre Ludovici VII. Obiit A. C. 1164. Scripsit libros 4. Sententiarum, in quos plures Viri eruditi in Communione Romana commentari sunt, quam in Petri Apostoli Epistolas, quem tamen Caput Ecclesiae suae esse volunt. Propositio tamen: Christus secundum quod est homo, non est aliquod: improbata a Scholasticis et condemnata est ab Alexandro III. Certe ab hoc tempore, ut loquitur Trithemius, Philosophia saecularis, S. Theologiam inutili sua [orig: suâ] curiositate foedare coepit, et in diversas sectas abiit. Edidit praeterea Commentar. in Psalmos, et Epist. Paulinas. Vide Matth. Paris. Hist. Angl. Sixt. Sen. Bibl. S. l. 5. et 6. etc.

PETRUS [132] Loyerus Andegavensis, Philosophus, ICtus, Poeta, Polyglossus, eruditione omnigena [orig: omnigenâ] et scriptis insignis.

PETRUS [133] Lucius Carmelita Bruxellensis; scripsit Florentiae A. C. 1594. suam Bibliothecam Carmeliticam. Vide de aliis eius scriptis Possevin. in appar. Alegr. in Parad. Carmel.

PETRUS [135] Luxemburgicus Cardinalis Episcopus Metensis, fil. Guidonis Comitis S. Pauli, ex Mathilde Castellionaea. Obiit A. C. 1387. aetat. 18. Morerius in Diction. Hist.

PETRUS [136] Malombra Pictor Venetus, literarum non rudis. Obiit A. C. 1618. Eques Rodolfius, Part. 2. vitae Pict.