CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

PHILIPPUS [41] fil. minimus natu Friderici V. Electoris ac Bohemiae Regis, legioni Equitum Lotharingicorum praefuit, Praelioque [orig: Praeliôque] ad Retelium, quo [orig: quô] Turenius Principum captivorum in Gallia causam tuitus est, cecidit, A. C. 1650. Idem nomen fuit filio minori natu Augusti, Sultsbacensis lineae conditoris: qui natus A. C. 1630. sub Lotharingiae Duce prima fecit stipendia A. C. 1651. inde ad Suecos transiit, iisque in Polonia, Prussia, ac Dania fidelem praestitit operam, constitutus Iuliae Gubernator. A. C. 1659. vero in Fionia victus acri praelio [orig: praeliô], quo [orig: quô] praecipuum robur Suecici exercitus periit, mortuo [orig: mortuô] Rege in Germaniam rediit, profectusque A. C. 1661. Viennam, inde A. C. 1662. Venetias, inmari Aegaeo classi adfuit. In exercitu dein Caesareo ad versus Turcam Campi Marescallus constitutus, A. C. 1664. in conflictu ad Arrabonem prope Gotardi Fanum, eximia fortitudinis spicimina edidit, Idem. Item filio Wilhelmi Bavariae Ducis Wilhelminae lineae conditoris. Episcopo Ratisbonensi ac Cardinali, qui praematuro [orig: praematurô] fato [orig: fatô] exstinctus est, A. C. 1598.

PHILIPPUS [42] Ludovicus fil. maximus natu Wolfgangi Ducis Bipontini, Neoburgicae lineae auctor, ditionis huius ad ministrationem, Patre vivo [orig: vivô] suscepit, A. C. 1560. et feliciter gessit. optimi Patris familiae nomen promeritus. Formulae Concordiae subscripsit A. C. 1580. eamque, ut erat Augustanae Confessionis apprime studiosus, in ditionibus suis introduxit. Anno [orig: Annô] dein 1601. ipsius et Maximiliani Ducis Bavariae auspiciis, praesentibus praeter hos illius filio [orig: filiô] Wolfg. Wilhelmo [orig: Wilhelmô] et huius fratre Alberto [orig: Albertô], Colloquium Ratisbonense, collocutoribus hinc Heilbrunnero [orig: Heilbrunnerô], Aegid. Hunnio [orig: Hunniô], Dav. Rungio [orig: Rungiô]: illinc alberto [orig: albertô] Hungero [orig: Hungerô], Iac. Gretzero [orig: Gretzerô], et Adamo [orig: Adamô] Tannero [orig: Tannerô], de auctoritate ac perfectione S. Scripturae, celebratum est: actis in publicum emissis, Post haec eidem controversia fuit, cum Iohanne Bipontino, nepote, ob administrationem tutelae, post mortem Friderici IV. agnati A. C. 1610. mansit vero in successione Bipontinus. Anno [orig: Annô] randem 1614. consternatus nuntio [orig: nuntiô] de filii Wolfgangi Wilhelmi ad Latinos ritus transitu, vita [orig: vitâ] excessit. sepultus Lavingae. Ex Anna Iuliacensi, unde praetensio ei nata in Ducatus Iuliacensem, Clivensem et Montanum, pater Wolfgangi Wilhelmi modo memorati, qui Neoburgicam continuavit: Augusti, qui Sultzbacensem et Iohannis Friderici, qui Hiltpolsteniam lineas condidere [orig: condidêre].

PHILIPPUS [43] Wilbelmus fil. Wolfgangi Wilhelmi praefati unicus, natus A. C. 1615. Parenti mortuo successit, A. C. 1653. cum Electore Brandenburgico, ob causam Iuliacem sem, graves aliquot lites, quibus ad arma etiam deventum, habuit. Suae Religionis, quam a Patre accepit, acerrimus defen for, exercitiorum equestrium peritissi mus habetur. Cum prima eius uxor Polonica, ob quam in Regis Poloniae electione semel atque iterum considerari meruit, sterilis fuisset: ex altera coniuge Hassa, quae in mariti gratiam Pontificiis accessit, numerosam suscepit sobolem, haud pridem Leopoldi I. Imperatoris socer factus.

Ludovicus PHILIPPUS fil. minor natu Friderici IV. Electoris Palatini, fratris Friderici V. Fortunae implicitus et ab Hispanis omni ditione exutus est. Tum ratio eius, in Electoratu ad alium transferendo, neglecta, quod in bello fratri ad haerens Legioni praefuisset. Inde post exilium decennale Regi Sueciae victori, cum fratre, se ad iunxit atque in eius comitatu aliquandiv vixit. Fratre autem exstincto [orig: exstinctô] A. C. 1632. a Cancella rio Suecico Oxenstierna ad ministrationem Electoratus [orig: Electoratûs] suscepit; cuius usus, ob ancipitem belli Fortunam, minime diuturnus fuit. Unde metis et Sedani aliquandiu exul. demum pace Monasteriensi A. C. 1648. in sua est restitutus, cum que controversia orta esset, cum Electore Carolo Ludovico, ea composita et in Comitiis Ratisbonae A. C. 1654. in vestitura Ducatus Simmerensis ei collata est. Decessit Berolini A. C. 1655. successore filio [orig: filiô] Ludovico [orig: Ludovicô] Henrico [orig: Henricô] Mauritio [orig: Mauritiô] Francisco [orig: Franciscô], qui haud pridem decessit improlis. Principatu ad agnatum Electorem devoluto [orig: devolutô].

Maximilianus PHILIPPUS Hieronymus, filius minor natu Maximiliani Electoris ac Ducis Bavariae, ex Maria Anna Austriaca, frater Electoris hodierni: Natus A. C. 1638. suonomine [orig: suônomine], ob Landgraviatum Leuchtenbergicum, in Comitiis Ratisbonensibus subscribi voluit, A. C. 1654. Vide Spenerum supra landatum in Sylloge Geneal. EX FAMILIA SAXONICA.

Johannes PHILIPPUS [1] fil. Friderici Guilielmi Ducis Saxoniae, Altenburgicae lineae conditoris, ex secunda eius coniuge Anna Maria Palatina, cum patrueli Iohanne Ernesto Vinariensi, quod eo [orig: eô] minor esset, de sedis praerogativa controversiam habuit, diciturque pro Altenburgicis pronuntiatum, A. C. 1607. Vinariensibus in contrarium protestantibus. Inde in conventu fuit Lipsiensi A. C. 1631. demum obiit A. C. 1639. unica [orig: unicâ] filia [orig: filiâ] Elisabetha [orig: Elisabethâ] Sophia [orig: Sophiâ], uxore Ernesti Ducis Saxoniae agnati, relicta [orig: relictâ]. Fratres eius fuere [orig: fuêre] Fridericus, qui in praelio ad Nienburgum cecidit, A. C. 1625. Ioh. Wilhelmus, qui Saxonicas Electorales copias in Silesia duxit, et Fridericus Wilhelmus, qui fratrum minimus, sed eorundem haeres, genuit Fridericum Wilhelmum. EX FAMILIA GUELEICA.

PHILIPPUS [44] fil. Alberti Ducis Grubenhagii, Smalcaldico bello adversus Carolum V. gesto adfuit, numerosa [orig: numerosâ] sobole inclitus. E qua Ernestus, Princeps pius, constans ac fortis summusque Philippi Hassiae Landgravii amicus, obiit A. C. 1567. reliqui

fratres Wolfgangus et Philippus, ille A. C. 15905. hic A. C. 1596. defuncti terminarunt [orig: terminârunt] lineam. Et quidem huius adhuc spirantis arces aliquot Henricus Iulius Brunsvicensis familiae Princeps, statimque eo [orig: eô] exstincto [orig: exstinctô] reliquam ditionem, exclusis agnatis, occupavit: unde plurimae lites, de quibus vide Thuanum l. 115.

PHILIPPUS [45] Magnus fil. secundo genitus Henrici cognomine Iunioris Ducis Brunsvicensis, lineae Guelferbytanae, Caroli V. in Amalcaldico bello miles, tum vicinis vexandis minister fuit: frater Caroli Victoris maioris natu et Iulii. Obiit cum priore in praelio Sivershusano A. C. 1553. Ultimus vero Iulius, inter alios, Philippum Sigismundum genuit, Episcopum Verdensem (ubi Coadiutorem sibi destinavit Fridericum, postea teritum huius nominis Daniae Regem) et Osnabrugensem, spe etiam Mindensem, ni Pater in conditionibus adimplendis nimiam traxisset moram. Vide Thuanum l. 83. et 100. EX FAMILIA BADENSI.

PHILIPPUS [46] fil. Rudolfi Marchionis Badensis, Hochbergicae lineae, ex Margareta Viennensi. Cum agnato Christophoro Badensi pactum hereditariae successionis renovavit indeque ultimus Hochbergiorum, moriens A. C. 1503. eum heredem reliquit. Quam ex Margarita Sabauda susceperat. filia Iohanna, nupta Ludovico Aurelianensi Duci Longavillano, attulit ei Comitatum Novocastrensem et praetensionem in Arausionensem Principatum. Vide in voce Iohanna.

PHILIPPUS [47] ex filiis Christophori praefati, gratus Carolo V. Imperatori, eius quoque vicarius fuit. Pater ex Elisabetha Palatina plurium filirum, sed parum vivacium: Frater vero Bernhardi, qui Badensem lineam coutinuavit, et Ernesti, qui Durlacensem condidit.

PHILIPPUS [48] fil. Philiberti, ex Mechtilde Bavarica, nepos Bernardi praedicti fuit; eius nomine Augustanam Confessionem, ab avo introductam, Marchionatu eiecere [orig: eiecêre] Bavari. Obiit, successore patruele Edoardo Fortunato [orig: Fortunatô].

PHILIPPUS [49] Balthasar Hermanni Badensi Marchionis fil. ex Maria Sidonia Falckenstenia, frater Caroli Wilhelmi Eugenii, Ferdinandi IV. Romanor. Regis Camenarrii.

PHILIPPUS [50] Sigismundus Wilhelmo Marchioni badensi, ex priori uxore Catharina Ursula Zolleria, genitus, Eques Melitensis, ad Orbitellum in Tuscia cecidit A. C. 1647. EX FAMILIA HASSIACA.

PHILIPPUS [51] Hassiae Landgravius, cognomine Magnanimus, filius Guilielmi mortui A. C. 1509. ex Anna Megapolitana. A Francisco Sick ingensi primo infestatus; dein A. C. 1525. in rusticis tumultibus, cum sui quiescerent, proximos Buchovios compressit, tum ad Franckenhusam cladi Muntzeri interfuit, suos ad fortitudinem mascula [orig: masculâ] oratione cohortatus. Euangelium amplexus A. C. 1526. Monasteria in Scholas et Xenodochia convertit, unde primordia Academiae Marpurgensis: ubi eius auspiciis, colloquium, inter Lutherum, Melanchthonem, Zuinglium, Oecolampadium habitum est, A. C. 1529. Inter Smalcaldici foederis primos auctores, Confessione cum sociis Imperatori oblata [orig: oblatâ], peculiari soedere sibi Tigurinos, Basilienses et Argentoratenses iunxit. Ulricum Wirtembergicum, profligato [orig: profligatô] ad Laufenam Austriaco [orig: Austriacô] praefecto [orig: praefectô] Philippo [orig: Philippô] Palatino [orig: Palatinô], restituit, A. C. 1534. Ex hoc, Imperii nomine, Monasterium urbem ab Anabaptistis insessam, oppugnavit. Henricum Brunsvicensem, urbi cognomini infestum, ditione exuit, captumque cum filio A. C. 1545. Zigenheinae detinuit, etc. Armis dein contra Caesarem sumptis, cum Ioh. Friderico Saxoniae Electore victus A. C. 1547. cum Halam ad Carolum venisset, contra fidem datam, ab Albano, iussu Caesaris, instinctu Granvellani, qui dolo [orig: dolô] vocum einig, et evig ei illuserat, detenzus, sed a Mauritio genero, pulso [orig: pulsô] Oeniponte Carolo [orig: Carolô], liberatus est, quinquennio [orig: quinquenniô] post. Obiit A. C. 1567. Pater Guilielmi, etc. Vide Thuan. Histor. Addo, quodex Christiana Saxonica filios reliquit quatuor, Wilhelmum, Ludovicum, Philippum et Georgium; inter quos provinciam sic dispertitus est, ut primogenitus semissem, nempe totum inferiorem Principatum et comitatus [orig: comitatûs] Ziegenheinii potiora: Secundus Principatum ad Lanum et Comitatum Niddanum (atque ita quartam partem) ex minoribus ille interiorem, hic su periorem partem Comitatus Catimelibocensis haberent. Ex his Ludovicus et Philippus, qui olim obses foederis A. C. 1551. apud Regem Franciae fuerat, Reinfelsamque tenuit, sterilia coniugia contraxere [orig: contraxêre].

PHILIPPUS [52] Wilhelmi, Cassellanae lineae conditoris, de quo supra, exsecunda coniuge Iuliana Nassovia, filius, Danicis auspiciis militans, praelio [orig: praeliô] ad Lutteram cecidit, A. C. 1626. Item filius secundo genitus Georgii praefati, habitans Butzbaci, in balneo ambustus misera [orig: miserâ] morte interiit, A. C. 1643. nulla [orig: nullâ] ex Margareta Diepholtia et Christiana Sophia Frisia coniugibus, prole relicta [orig: relictâ]. Frater Ludovici natu maioris, qui Patri in Principatu Darmstattino succssit. EX FAMILIA VANDALICA.

PHILIPPUS [53] Dux Megapolitanus, fil. Henrici, ex secunda coniuge Helena Palatina, Patri successit; sed improlis successionem post quinquennium morte sua [orig: suâ] ad Patrueles transmisit, A. C. 1557. Fuere [orig: Fuêre] autem illi Ioh. Albertus, Ulricus, Georgius, Christophorus et Carolus, filii Alberti cognomine Formosi, qui frater fuerat Henrici memorati.